Սուրբ Աստվածածին եկեղեցի (Մովսեսգյուղ)
Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)
Սուրբ Աստվածածին եկեղեցի, Հայ Առաքելական եկեղեցու տաճար Հայաստանի Հանրապետության Տավուշի մարզի Մովսես գյուղում։ Եկեղեցին պատկանում է ՀԱԵ Գուգարաց թեմին։
| Սուրբ Աստվածածին եկեղեցի | |
|---|---|
 Եկեղեցին հարավից | |
| Հիմնական տվյալներ | |
| Տեսակ | եկեղեցի |
| Երկիր |  Հայաստան |
| Տեղագրություն | ՀՀ, Տավուշի մարզ, Մովսեսգյուղ |
| Դավանանք | Հայ Առաքելական Եկեղեցի |
| Թեմ | Գուգարաց |
| Օծման թվական | 2011 թ. օգոստոսի 7 |
| Հոգևոր կարգավիճակ | գործող |
| Հիմնական ամսաթվերը | 2011 |
| Ներկա վիճակ | գերազանց |
| Կազմված է | Սուրբ Գևորգ եկեղեցի (Մովսեսգյուղ) |
| Առաջնորդ | Արամ քահանա Միրզոյան |
| Ճարտարապետ | Ալեքսանդր Դանիելյան, Էրիկ Հովհաննիսյան[1] |
| Հիմնադիր | Վազգեն Վանեսյան |
| Ճարտարապետական ոճ | Հայկական մոդեռն |
| Կառուցման սկիզբ | 2005 |
| Կառուցման ավարտ | 2011 |
| Հիմնադրված | 2011 |
 | |
 | |
 Surb Astvatsatsin church in Movses village Վիքիպահեստում | |
Ի տարբերություն հին Սուրբ Գևորգ եկեղեցու Սուրբ Աստվածածին եկեղեցին կոչվում է «նոր եկեղեցի»։
Պատմություն խմբագրել
Մովսես գյուղի նոր Սուրբ Աստվածածին եկեղեցին կառուցել են հին եկեղեցու տեղում։ Հին եկեղեցին քանդել են 1937 թվականին և դրանից մնացել է միայն արևելյան պատը և հյուսիսային կողմում կառուցված մկրտության ավազանը[2]։ 2005 թվականին մոսկվաբնակ մովսեսցի բիզնեսմեն Վազգեն Վանեսյանի և նրա ընկերների նախաձեռնությամբ սկսվեց նոր եկեղեցու կառուցումը քանդածի տեղում։
Օծման արարողություն խմբագրել
2011 թվականի օգոստոսի 7-ին անց է կացել եկեղեցու օծման հանդիսավոր արարողությունը, որին մասնակցել են Հայաստանի պետական ակադեմիական երգչախումբը՝ ԽՍՀՄ ժողովրդական արտիստ Հովհաննես Չեքիջյանի ղեկավարությամբ, «Բերդ» պարային համույթը և Կոմիտասի անվան լարային քառյակը և օպերային հայտնի երգչուհի Աննա Մնացականյանը[3]։
Եկեղեցու օծման օրը, օգոստոսի 7-ին, կատարվել է նաև եկեղեցու հիմնադիր Վազգեն Վանեսյանի և նրա ընտանիքի մկրտությունը նոր եկեղեցում։ Իսկ հաջորդ օրը, օգոստոսի 8-ին, կատարվել է տեղաբնակների զանգվածային մկրտություն և պսակադրության արարողություններ[3]։ Նաև բազմաթիվ սիրահար զույգեր հատուկ հետաձգել են հարսանիքի օրը, որպեսզի պսակադրվեն նոր եկեղեցում[3]։
Տարածաշրջանի հոգևոր հովիվ Արամ քահանա Միրզոյանը ասում է նոր եկեղեցու կառուցման կապակցությամբ՝
|
Ամենահուսադրողն այն է, որ եկեղեցի այցելողների հոսքը չի դադարում։ Եվ որ գովեստի է արժանի, մարդիկ գալիս են իրենց ընտանիքներով[4]։ | 
|
Իսկ 2010 թվականի օգոստոսին «Կարոտ» փառատոնի շրջանակներում Մովսես գյուղի Սուրբ Աստվածածին եկեղեցին (որը արդեն համարյա պատրաստ էր, բայց պաշտոնապես բացված չէր) Մայր Աթոռ Սուրբ Էջմիածնին հանձնելու արարողության ժամանակ ադրբեջանական դիրքերից կրակոցներ էին արձակվում[3]։
Կառուցում խմբագրել
Նոր եկեղեցու շինարարության ժամանակ օգտագործվել են ավերված հին եկեղեցու քարերը[3]։