Մաֆրա

Մաֆրա
Բնակավայր
	Մաֆրա
	պորտ.՝ Mafra
Դրոշ	Զինանշան
Երկիր	Պորտուգալիա
Համայնք	Լիսաբոն և Lisbon metropolitan area?
Ներքին բաժանում	Santo Isidoro?, Encarnação?, Milharado?, Carvoeira?, Mafra?, Էրիսեյրա, Azueira e Sobral da Abelheira?, Enxara do Bispo, Gradil e Vila Franca do Rosário?, Igreja Nova e Cheleiros?, Malveira e São Miguel de Alcainça? և Venda do Pinheiro e Santo Estêvão das Galés?
Հիմնադրված է	1189 թ.
Մակերես	291,65±0,01000000000003 կմ²
ԲԾՄ	115 մետր
Բնակչություն	76 685 մարդ (2011)
Հեռախոսային կոդ	261
Փոստային դասիչ	2640
Պաշտոնական կայք	cm-mafra.pt
	Մաֆրա (Պորտուգալիա)
	Մաֆրա (Պորտուգալիա)
	Մաֆրա Վիքիպահեստում

Մաֆրա (պորտ.՝ Mafra), քաղաք Պորտուգալիայում, համանուն մունիցիպալիտետի կենտրոնը Լիսաբոնի շրջանում։ Բնակչությունը 11.3 հազար մարդ է (քաղաք), կոմունայում` 76.7 հազար մարդ։ Քաղաքն ու մունիցիպալիտետը մտնում են Լիսաբոնի շրջանի մեջ` կազմելով Մեծ Լիսաբոնի ագլոմերացիայի մաս։ Վարչական նախկին բաժանումով մտել է Էշտրեմադուրա գավառի մեջ։

Տեղակայություն

Քաղաքը գտնվում է մայրաքաղաքից հյուսիս-արևմուտք Ատլանտյան օվկիանոսի ափից 6 կմ հեռավորության վրա։ Հեռավորությունը Լիսաբոնից 30 կմ է, Սանտարենից` 65 կմ, Լեյրիայից` 101 կմ։

Կոմունան սահմանակցում է.

հյուսիսում` Տորեշ Վեդրաշ մունիցիպալիտետի հետ
հյուսիս-արևելքում` Սոբրալ դե Մոնտե Ագրասու մունիցիպալիտետի հետ
արևելքում` Արուդա դուշ Վինյուշ մունիցիպալիտետի հետ
հարավ-արևելքում` Լորեշ մունիցիպալիտետի հետ
հարավում` Սինտրա մունիցիպալիտետի հետ
արևմուտքում` Ատլանտյան օվկիանոսի հետ։

Բնակչություն

Մաֆրա մունիցիպալիտետի բնակչություն (1801—2011)
1801	1849	1900	1930	1960	1981	1991	2001	2004	2011
4200	10 734	25 021	29 750	35 739	43 899	43 731	54 358	62 009	76 685

Պատմություն

Քաղաքը հիմնադրվել է 1189 թվականին։

Տեսարժան վայրեր

Մաֆրայի եկեղեցական համալիր - կառուցվել է 1707-1750 թվականներին Ժուան V արքայի մեծ նախագծի արդյունքում։ Ի պատիվ ժառանգորդի ծննդի` նա որոշել էր իրականացնել իր փառասիրական երազանքը` կառուցել համալիր, որ կգերազանցի իսպանական Էսկորիալին։ Ժոզե Սարամագոյի «Հիշողություն եկեղեցու մասին» (պորտ.՝ Memorial do convento, 1982) վեպում։ Վկայություն կա, որ եկեղեցու կառուցմանը մասնակցել է 50.000 մարդ, որոնք պարտադրաբար բերվել են Պորտուգալիայի բոլոր կողմերից։ Հսկայական շինարարության ծախսերը վճարվել են Բրազիլիայից եկող ոսկով ու ադամանդով։ Գլխավոր ճակատամասն ունի 220 մ երկարություն. այնտեղ տեղակայված են 800 հաստատություններ, որոնք դժվար թե ամբողջությամբ բնակեցված լինեին։ Համալիրի ամբողջ մակերեսը կազմում է 40.000 մ², իսկ ամրոցի մարմարե բազիլիկը չափերով համեմատելի է տաճարի հետ։

Մաֆրայի ճարտարապետական վարպետանոցում գերմանացի Յոհան Ֆրիդրիխ Լյուդվիգի և օտարերկրացի այլ ճարտարապետների գլխավորությամբ ձևավորվել է պորտուգալացի շինարարների ու նկարիչների մի խումբ, այդ թվում` հայտնի քանդակագործ Ժոակիմ Մաշադու դե Կաշտրուն։ Հսկայական համալիրը սիմետրիկ կերպով տեղակայված է բազիլիկի շուրջ։ Պալատի` բազիլիկին հպվող թևերը անկյուններում ավարտվում են քառակուսի աշտարակներով, որոնք ունեն սոխանման գմբեթներ։ Եկեղեցու ամենահետաքրքիր շինություններն են հիվանդանոցը, դեղատունը, դորմիտորիումը, խոհանոցը, սակայն ամենից հետաքրքիրը գրադարանն է` մոտ 30.000 հատոր գրքերով։

Մաֆրայի այրգելոց-այգի - հիմնադրվել է Ժուան V արքայի օրոք որպես թագավորական հանգստի համար նախատեսված տարածք։ Այգու մակերեսը 8 կմ ² է։ Այստեղ կան եղնիկների, վայրի վարազների, աղվեսների, գիշատիչ թռչունների և այլ կենդանիների բազմաթիվ տեսակներ, որոնք ապրում են այգու բնական միջավայրում։ Այգին բաց է նաև հետիոտնային և հեծանվային զբոսանքների, ձիավարության համար։ Կա նետ ու աղեղից օգտվելու հնարավորություն։