Մարինե Գալստյան
Մարինե Գալստյան (հունիսի 14, 1980, Երևան, Հայկական ԽՍՀ, ԽՍՀՄ), Իտալիայում բնակվող հայ դերասանուհի-բեմադրիչ, պարուհի-պարուսույց[1]։ Որպես հրավիրյալ աստղ՝ հանդես է եկել մի քանի հեռուստասերիալներում և նկարահանվել գեղարվեստական ֆիլմերում։
 | |
|---|---|
 | |
| Ծնվել է | հունիսի 14, 1980 (43 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան և  Իտալիա |
| Մասնագիտություն | դերասանուհի և ռեժիսոր |
| Ընտրանի | Տիկնիկների տուն, Antigone?, Քեռի Վանյա, Ճայը, Դռնփակ, Un posto al sole?, Pericolosamente? և Ամուսնության առաջարկություն |
| Ամուսին(ներ) | Սարգիս Գալստյան |
Կենսագրություն խմբագրել
Ծնվել է 1980 թվականին, Երևանում։ 1999-2004 թվականներին սովորել է Երևանի թատրոնի և կինոյի պետական ինստիտուտում, ստացել ռեժիսորի մասնագիտություն, 2003-2006 թվականներին կրկին սովորել է նույն ինստիտուտում՝ ստանալով թատրոնի և կինոյի դերասանուհու որակավորում։ 2000-2003 Հայաստանի հանրային հեռուստատեսությամբ վարել է «Պառնաս» հեռուստահաղորդումը։
Իտալիայում ուսանել է իսպանական դասական պարեր, ֆլամենկո և արգենտինական տանգո, այնուհետև պար է դասավանդել Իտալիայի տարբեր քաղաքներում (Ֆիրենցե, Գրոսետտո, Պիստոյա, Հռոմ)[2][3]։
Կինոյում առաջին անգամ նկարահանվել է 2004 թվականին, Հայաստանում՝ Արթուր Վարդանյանի «Քեզ սիրում եմ և կսիրեմ» ֆիլմում, իսկ Իտալիայում՝ «Ողջ աշխարհը երկիր է», «Մնացածն իմ աչքերով», «Ջուդեկկայի տղան», «Միրադաս» «Ամատի Մալիկի գործը» և այլ ֆիլմերում[1]։
2008 թվականին ամուսնու՝ պարող, բեմադրիչ Սարգիս Գալստյանի հետ հիմնել է «Աուռում» պարային դուետը՝ կատարելով տարբեր ոճի պարային համարներ, հանդես եկել «Տանգոյի բոլոր գույները» և այլ պարային ներկայացումներում։ 2012 թվականին Սարգիս և Մարինե Գալստյանները հիմնել են «ԻնԿոնտրոՎերսո» իտալա-հայկական թատերախումբը՝ բեմադրելով դրամատիկական ներկայացումներ[1]։
Ամուսնու՝ Սարգիս Գալստյանի հետ բնակվում է Հռոմում։ Ունեն մեկ որդի՝ Էդգար։
Բեմադրություններ խմբագրել
- Նորա - Հենրիկ Իբսենի «Տիկնիկների տունը»,
- Դորոթեա - դե Ֆիլիպոյի «Ռիսկ»,
- Մայր - Պրոսպեր Մերիմեի «Մատեո Ֆալկոնե» (նաև ներկայացման բեմադրիչն է),
- Նինա- Անտոն Չեխովի «Ճայը»,
- Ելենա Անդրեևնա- [Անտոն Չեխով «Քեռի Վանյա»,
- «Բեռնարդա Ալբայի տունը»,
- «Վաճառված բնակարան»,
- «Իրականություն»,
- «Վիկո Ռենիկայի տարօրինակ գիշերը»։
Ֆիլմեր խմբագրել
- «Քեզ սիրում եմ և կսիրեմ», ռեժիսոր՝ Արթուր Վարդանյան (2004),
- «Ամատի Մալիքի գործը», ռեժիսոր՝ Էմանուել Տուրբանտի (2008),
- «Միրադաս», ռեժիսոր՝ Լորենցո Ռիգինի (2013),
- «Coupe Fatale», ռեժիսոր՝ Ռաֆֆայել Տոտարո (2013),
- «Ջուդեկկայի տղան», ռեժիսոր՝ Ալֆոնսո Բերգամո (2016),
- «Նույն այգում», ռեժիսոր՝ Ալի Ասգարի (2016),
- «Մնացածն իմ աչքերով», ռեժիսոր՝ Մասիմիլիանո Ամատո (2017),
- «Ցլամարտ», ռեժիսոր՝ Ֆաբիո Ռոմանի և Ֆաբիո Պոլլիո (2021)։
Ծանոթագրություններ խմբագրել
- ↑ 1,0 1,1 1,2 Մարինե Գալստյան. երևանցի հայուհին իտալական բեմում և էկրանին
- ↑ «MARINE GALSTYAN | Unione Talenti» (իտալերեն). Վերցված է 2024 թ․ փետրվարի 3-ին.
- ↑ Bakhchinyan, Artsvi (2020 թ․ հոկտեմբերի 15). «Marine Galstyan: An Armenian from Yerevan on the Italian Stage and Screen». The Armenian Mirror-Spectator (ամերիկյան անգլերեն). Վերցված է 2024 թ․ փետրվարի 3-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Մարինե Գալստյան» հոդվածին։ |