Մարիամ Դավթյան
- Վիքիպեդիայում կան հոդվածներ Դավթյան ազգանունով այլ մարդկանց մասին։
Մարիամ Դավթյան (հունիսի 8, 1973, Մոսկվա, ԽՍՀՄ), հայ դերասանուհի։
 | |
|---|---|
| Ծնվել է | հունիսի 8, 1973 (50 տարեկան) |
| Ծննդավայր | Մոսկվա, ԽՍՀՄ |
| Կրթություն | Նելսոն Ստեփանյանի անվան թիվ 71 դպրոց, Երևանի թատրոնի և կինոյի պետական ինստիտուտ (1995) և College of Management Academic Studies? (2000) |
| Քաղաքացիություն |  ԽՍՀՄ և  Հայաստան |
| Մասնագիտություն | դերասանուհի |
Կենսագրություն խմբագրել
Մարիամ Դավթյանը ծնվել է 1973 թվականին, Մոսկվայում, ճարտարապետների ընտանիքում։ Սովորել է Երևանի Նելսոն Ստեփանյանի անվան թիվ 71 միջնակարգ դպրոցում և Երևանի վոկալ-երգչախմբային երաժշտական դպրոցում։ Առաջին անգամ հանդես է եկել Գեղագիտության ազգային կենտրոնի Ռուբեն Թումանյանի թատրոն-ստուդիայում[1]։ 1991-1995 թվականներին սովորել է Երևանի թատրոնի և կինոյի պետական ինստիտուտի նախ ռեժիսորական, ապա՝ դերասանական բաժնում։ Ուսմանը զուգահեռ, ինստիտուտի 2-րդ կուրսից հանդես է եկել «Մետրո» թատրոնում, 1998 թվականին աշխատել է Երևանի Հրաչյա Ղափլանյանի անվան դրամատիկական թատրոնում[2]։
1999 թվականին տեղափոխվել է Իսրայել, սովորել է Իսրայելի կառավարման քոլեջի գրաֆիկական դիզայն ֆակուլտետում, այնուհետ դիզայն-ստուդիայում աշխատել է որպես դիզայներ, հետագայում հիմնել է սեփական դիզայն-ստուդիան[3]։ Մասնակցել է տարբեր թատերախմբերի ներկայացումներին։ 2007 թվականին վերադարձել է Հայաստան։ 2007-2009 թվականներին «Երևան» ամսագրի վեբ-դիզայն ստուդիայում եղել է ստուդիայի ղեկավար։ 2008 թվականից պայմանագրային հիմունքներով աշխատել է Երևանի տարբեր թատրոններում, նկարահանվել նաև հեռուստասերիալներում։ 2010 թվականից որպես դերասանուհի աշխատում է Երևանի Գաբրիել Սունդուկյանի անվան ազգային ակադեմիական թատրոնում[4]։
Ներկայացումներ խմբագրել
- Ժան Անույի «Անտիգոնե» (Անտիգոնե)
- Բ. Վասիլևի «Իսկ արշալույսները այստեղ խաղաղ են» (Չետվեռտակ)
- «Խաթաբալադա» (երազ-աղջիկ), 1996
- Սամվել Կոսյանի «Կյանքը վանդակի կողքով» (Ջոյ)
- Մուշեղ Իշխանի «Կիլիկիո Արքա» (Զաբել)
Դերեր Մետրո թատրոնում խմբագրել
- Վիլյամ Սարոյանի, Թենեսի Ուիլյամսի, Էռնեստ Հեմինգուեյի «Ուիլի, Թիթի, Ջիգ ու երեքն էլ մի աղջիկ» (Ուիլի, Թիթի, Ջիգ)
- Բ. Ռացեռի, Վ. Կոնստանտինովի «Դիոգենես» (Միլեն)
Դերեր Սունդուկյան թատրոնում խմբագրել
Ֆիլմագրություն խմբագրել
| Թվական | Անվանում |
|---|---|
| 2005 | «Քրեական լրագրող» |
| 2006 | «Հոգիս, հոգիս» |
| 2009 | «Մի նայիր հայելուն» |
| 2012 | «Ձայն Լռության» |
| 2015-2017 | «Հատուկ բաժին» |
| 2018 | «Փրկեք մեր հոգիները» |
| 2018 | «Թունավոր սեր» |
| 2018 | «Գործակալ 044» |
| 2019 | «Պատվից առավել» |
| 2020 | «Պատվի համար» |
| 2021 | «Մի անգամ դպրոցում» |
| 2021 | «5G ընտանիք» |
| 2021 | «Կորած օրագիրը» |
| 2023 | «Վարչապետ 2050» |
| 2023 | «4 երազանք» 2 |
| 2023 | «Մենք փնտրում ենք հարսնացու» |
| 2023 | «Դժբախտ Երջանիկը կամ ամուսնական պայմանագիր» |
| 2023 | «Գործակալ 044. օպերացիա Գառնի» |
| 2023-2024 | «Լեռները կհիշեն» |
Մրցանակներ խմբագրել
- 2013 թվականին արժանացել է «Հայակ» ազգային կինոյի մրցանակաբաշխության «Լավագույն դերասանուհի» մրցանակին` «Ձայն լռության» ֆիլմի համար։
Ծանոթագրություններ խմբագրել
- ↑ «ՄԱԳԱՂԱԹ.AM » Մարիամ Դավթյան. Խորասուզվելով ինքս իմ մեջ՝ կարծես շրջապատից հեռանում եմ». www.magaghat.am (արաբերեն). Արխիվացված է օրիգինալից 2020 թ․ փետրվարի 17-ին. Վերցված է 2018 թ․ հունիսի 8-ին.
- ↑ «AV Production - Մարիամ Դավթյան». avproduction.am. Արխիվացված է օրիգինալից 2020 թ․ նոյեմբերի 4-ին. Վերցված է 2018 թ․ հունիսի 8-ին.
- ↑ Intell-Sol.com. «Մարիամ Դավթյան». www.7or.am. Վերցված է 2018 թ․ հունիսի 8-ին.
- ↑ «Մարիամ Դավթյան – My CMS». nationaltheater.am. Արխիվացված է օրիգինալից 2018 թ․ հունիսի 8-ին. Վերցված է 2018 թ․ հունիսի 8-ին.
- ↑ David H (2017 թ․ հունվարի 28), «ԱՐԾՎԱԲՈՒՅՆ» / EAGLE NEST (2017), Վերցված է 2018 թ․ հունիսի 8-ին
- ↑ «ՔԱՐԵՐԻ ՀԵՏ ՄԵՋՔ ՄԵՋՔԻ ՏՎԱԾ… - Azat Artsakh». artsakhtert.com. Արխիվացված է օրիգինալից 2017 թ․ նոյեմբերի 21-ին. Վերցված է 2018 թ․ հունիսի 8-ին.