Մարթեն Յորգանց
Մարթեն Յորգանց (Marten Yorgantz, հունիսի 24, 1946, Ստամբուլ, Թուրքիա), ֆրանսահայ երգիչ և կոմպոզիտոր։
| Մարթեն Յորգանց | |
|---|---|
| Ի ծնե անուն | Marten Yorgantz |
| Ծնվել է | հունիսի 24, 1946 (77 տարեկան) Ստամբուլ Ստամբուլ, Թուրքիա |
| Երկիր | .svg){kind=small} Ֆրանսիա |
| Մասնագիտություն | Երգիչ, երգահան |
| Գործիքներ | վոկալ |
Կենսագրություն խմբագրել
Սովորել է Ստամբուլի Մխիթարյան վարժարանում, որը կիսատ է թողել երգի պատճառով։ Ելույթներ է ունեցել 1965 թվականից։ Ապրում և ստեղծագործում է Ֆրանսիայում։ 1973 թվականին Առնո Բաբաջանյանի հրավերով եկել է Հայաստան։
Հայկական երգացանկի առաջին երգերի հեղինակը Առնո Բաբաջանյանն է։
Իր երգերի հեղինակը ինքն է, ունի ավելի քան 30 մանկական երգեր։ Ճանաչվել է Եվրոպայում լավագույն հայ փոփ երգիչ։ Նրա երգացանկում ընդգրկված են հայկական, իտալական և ֆրանսիական երգեր։
Յորգանցի երգացանկում ընդգրկված են հայկական («Հայի աչքեր», «Սիրում եմ քեզ», «Գարուն ես միշտ, Երևան», «Այբ, բեն, գիմ», «Ճկույթիկ»), իտալական և ֆրանսիական երգեր։ Թողարկել է 24 ձայնասկավառակ։
1977 թվականին հանդես է եկել Փարիզի «Օլիմպիա» համերգասրահում, 1978 թվականին «Մոր» նվագախմբի հետ՝ Մոնրեալում։
Թողարկել է ձայնասկավառակներ («Յորգանցը երեխաների համար», 1992, «Հայաստան 2006», 2006, «Լավագույնը», 2007, և այլն)։
Յորգանցի մանկական երգերն առանձնանում են ինքնատիպ թեմաներով, բանաստեղծական մեղեդայնությամբ։
Մենահամերգներով եղել է Երևանում, Գյումրիում, Արցախում (Ստեփանակերտ, Շուշի, Մարտակերտ)։
1976 թվականին Ֆրանսիայի Ալֆորվիլլ քաղաքում բացել է «Cappadocia» ռեստորանը[1]։ 1980 թվականին Փարիզի կենտրոնում՝ Սուրբ Գևորգ փողոցում բացել է երկրորդ ռեստորանը, որտեղ հաճախ ելույթներ է ունեցել։ Այժմ այն փակ է։ Սպիտակի երկրաշարժից հետո հանդես է եկել «100 երգ հայ երեխաների համար» նախագծով։
Մրցանակներ խմբագրել
- «Ոսկե բարձրախոս» մրցանակ, Փարիզ, 1967
- «Կարոտ» փառատոնի ոսկե մեդալ, Մոսկվա, 2008
Ձայնասկավառակներ խմբագրել
- «Յորգանցը երեխաների համար», 1992
- «Հայաստան 2006», 2006
- «Լավագույնը» (Armenian Music Center), 2007[2]
Ծանոթագրություններ խմբագրել
- ↑ «Biography». Last.fm. Վերցված է 2013 թ․ մայիսի 26-ին.
- ↑ «Yorgantz in Armenian Music Center». Արխիվացված է օրիգինալից 2007 թ․ նոյեմբերի 8-ին. Վերցված է 2015 թ․ հունիսի 24-ին.
Արտաքին հղումներ խմբագրել
- Yorgantz.com Արխիվացված 2011-02-08 Wayback Machine
- YouTube
- ՄԱՐՏԻՆ ՅՈՐԳԱՆՑ. «ԻՄ ԵՐԿԻՐԸ ՀԱՅԱՍՏԱՆՆ Է, ԱՐՑԱԽՆ Է» Արխիվացված 2010-05-23 Wayback Machine
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|