Մարալյան Սարով
Մարալյան Սարով, գյուղ Արցախի Հանրապետության Մարտակերտի շրջանում[1]։
| Գյուղ | ||
|---|---|---|
| Մարալյան Սարով | ||
| Երկիր |  Արցախ | |
| Շրջան | Մարտակերտ | |
| Հիմնադրված է | 1917-1918 թ. | |
| Կլիմայի տեսակ | չոր մերձարևադարձային | |
| Պաշտոնական լեզու | հայերեն | |
| Խոսվող լեզուներ | հայերեն | |
| Ազգային կազմ | հայեր | |
| Ժամային գոտի | UTC+4 | |
| Փոստային դասիչ | AZ5900 | |
| Ավտոմոբիլային կոդ | 59 | |
| ||
Ընդհանուր տեղեկություններ խմբագրել
Գտնվում է Թարթառ գետի աջ ափին, Մարտակերտից 22 կմ, իսկ Ստեփանակերտից` 77 կմ հեռավորության վրա։ Անվանումը կապված է «գեղեցիկ սարով» հասկացության հետ։ Գյուղը հիմնադրվել է 1917-1918 թվականներին։ Դիրքը հարթավայրային է, բարձրությունը ծովի մակերևույթից 400 մ է, կլիմայական պայմանները չոր մերձարևադարձային են։ 1970 թվականին այստեղ կար 27 տուն, 133 բնակիչ, իսկ 1987 թվականին՝ 29 տուն, 87 բնակիչ։ Կոլտնտեսությունը կազմակերպվել է 1932 թվականին։ 1923 թվականին այստեղ բացվել է տարրական դպրոց։ Էլեկտրիֆիկացվել է 1951 թվականին[2]։ Գյուղը մեծապես տուժել է Արցախյան պատերազմում։
Հայտնի Մարալյան Սարովցիներ խմբագրել
Այս գյուղում են ծնվել ֆիզիկա-մաթեմատիկական գիտ. դոկտոր, պրոֆեսոր Աշոտ Խաչատրյանը, խորհրդային բանակի գեներալ-մայոր Ռոման Արուտյունովը և գեներալ-մայոր Ռաֆայել Հարությունյանը:
Գյուղը Հայրենական մեծ պատերազմում խմբագրել
Հայրենական մեծ պատերազմին մասնակցել է 25 մարդ, զոհվել է 12-ը։
Ծանոթագրություններ խմբագրել
- ↑ Մարալյան Սարով. գյուղ
- ↑ Մելքումյան Ս. Լեռնային Ղարաբաղ, Երևան, 1990 թվական, էջ 162