Մասնակից:Gish.Mary/Ավազարկղ 2

Բարգիլիա (/ˌbɑːrˈdʒɪliə/; հին հունարեն՝ Βαργυλία), քաղաք Հարավային Անատոլիայում: Բարգիլիայի գտնվելու վայրը համապատասխանում է ժամանակակից Թուրքիայի Մուղլա նահանգի Բոգազիչի քաղաքին։

Ըստ առասպելի՝ քաղաքը հիմնադրվել է Բելորֆոնտի կողմից իր ընկեր Բարգիլոսի պատվին (հուն․՝ Βάργυλος), որը սպանվել է Պեգաս թևավոր նժույգի հարվածից։ Բարգիլիայի մոտ էր գտնվում Արտեմիդա Սինդիի տաճարը։ Ստրաբոնը հաղորդում է տեղական հավատալիքների մասին, որ անձրևը ընկնում է տաճարի շուրջ, բայց երբեք չի դիպչում նրան^[1]:

Մ.թ.ա. 201/200 թվականներին՝ Կրետական պատերազմի ժամանակ, Մակեդոնացի թագավոր Ֆիլիպ V-ը ձմեռեց Բարգիլիայում, երբ այն արգելափակվեց Պերգամոնի և Հռոդոսի նավատորմերի կողմից^[2]:

Էպիկուրականության հետևորդ փիլիսոփա Պրոտարկուսը եղել է Բարգիլիայից:

Բարգիլիայի նավահանգստի կողքի հրվանդանին եղել է խոշոր դամբարան: Հելլենիստական ժամանակաշրջանից (Մ.թ.ա. 200-150 թթ.) թվագրված հուշարձանը նվիրված էր Սկիլա ծովային հրեշին: Իրական չափերից մեծ Սկիլայի արձանը մի խումբ որսկան շների հետ սկզբում գտնվում էր շենքի գագաթին: Այս արձանախմբի մնացած մասը՝ քարե կառույցների այլ մասերի հետ գտնվում են Բրիտանական թանգարանում^[3]:

Ներկայումս Բարգիլիայում կան բավականին մեծ ավերակներ, ներառյալ տաճարի մնացորդները, թատրոնը, մեծ պաշտպանական պատը և մարմնամարզական դպրոցը:

Ֆրեյա Սթարկի այցելությունը Բարգիլիա խմբագրել

Գրող-ճանապարհորդ Ֆրեյա Սթարկն այցելել է Բարգիլիա, երբ 1950-ականներին ճամփորդել է Կարիայում^[4]: Ստորև բերված է աշխարհագրական ամսագրում հրապարակված իր ճանապարհորդության մասին զեկույցից մի հատված:

Բարգիլիայի առաջարկվող վաճառք խմբագրել

Երկրի խոշորագույն Հուրիեթ թերթի տվյալներով՝ Բարգիլիա քաղաքը վաճառվում է 22 մլն Թուրքական լիրա չնչին գումարով (մոտ 8 մլն եվրո)^[5]։

Թուրք հնագետները մի քանի անգամ դիմել են երկրի Մշակույթի և զբոսաշրջության նախարարությանը՝ խնդրելով օտարել բազմաթիվ հնագիտական հուշարձաններ, ինչպիսիք են Բարգիլիան, որպեսզի նրանց պաշտպանությունն ապահովվի: Հնագետների ասոցիացիայի ավագ անդամ Բիննուր Չելեբին ասել է. «Ցավոք, անբավարար բյուջեի պատճառով հնագիտական օբյեկտները բռնագրավվում են միայն պեղումների կամ քաղաքային նախագծերի ժամանակ», և զգուշացրել է, որ որոշ սեփականատերեր կարող են չհասկանալ իրենց տարածքի պատմական արժեքը և շինարարություն սկսել դրանց վրա: Նա հավելել է. «նման օբյեկտների մասնավոր սեփականությունը խոչընդոտում է հնագիտական աշխատանքներին։ Սակայն, անձը կամ անձինք, ովքեր ձեռք են բերում այդ տարածքները, բացարձակապես չեն կարող վարել որևէ շինարարական գործունեություն»:

Անտիկ քաղաքի վաճառքի հարցող զբաղվող գործակալ Հալիլ Իկան Թավասլին ասել է, որ զգալի թվով պոտենցիալ գնորդներ արդեն հետաքրքրված են քաղաքով, բայց 2015 թվականի հունվարի 20-ի դրությամբ ոչ մի պայմանագիր չի կնքվել:

2018 թվականին թերթը հայտնել է, որ գնորդ չգտնվելու պատճառով գինը նվազել է մինչև 5,6 մլն ֆունտ ստեռլինգ^[6]:

Ծանոթագրություններ խմբագրել

↑ Strabo 14.2.21
↑ Polybius 17.2
↑ British Museum Collection
↑ The Geographical Journal, Vol. 124, No. 1 (March 1958), pp. 30-34.
↑ Ancient Aeagen city with sea view for sale by real estate agency
↑ Ancient Greek city of Bargylia on the market for £5.6m

Կատեգորիա:Թուրքիայի նախկին բնակավայրեր Կատեգորիա:Ասիայի կաթոլիկ նստավայրեր Կատեգորիա:Թուրքիայի հին հունական հնավայրեր

[1] Strabo 14.2.21

[2] Polybius 17.2

[3] British Museum Collection

[4] The Geographical Journal, Vol. 124, No. 1 (March 1958), pp. 30-34.

[5] Ancient Aeagen city with sea view for sale by real estate agency

[6] Ancient Greek city of Bargylia on the market for £5.6m

[1]

[2]

[3]

[4]

[5]

[6]