Հրանտ Արամի Գրիգորյան (ապրիլի 13, 1919(1919-04-13)[1], Սուխում, Սուխումի օկրուգ, Ռուսական կայսրություն - հունվարի 27, 1962(1962-01-27)[1], Յակուտսկ, ՌԽՖՍՀ, ԽՍՀՄ), խորհրդային ժամանակաշրջանի հայ կոմպոզիտոր։ ՌԽՖՍՀ (1958) և Յակուտական ԻԽՍՀ (1957) արվեստի վաստակավոր գործիչ։

Հրանտ Գրիգորյան
Ի ծնե անունՀրանտ Արամի Գրիգորյան
Ծնվել է1919, ապրիլի 13
Սուխում
ԵրկիրFlag of the Russian Soviet Federative Socialist Republic (1954–1991).svg ՌԽՖՍՀ
Մահացել է1962, հունվարի 27
Յակուտսկ
ԺանրերԲալետ, օպերաա
Մասնագիտությունկոմպոզիտոր
ԿրթությունՄոսկվայի Չայկովսկու անվան պետական կոնսերվատորիա

ԿենսագրությունԽմբագրել

1952 թվականին ավարտել է Մոսկվայի կոնսերվատորիան։ 1953 թվականին տեղափոխվել է Յակուտիա, զբաղվել յակուտական երաժշտական ֆոլկլորի հավաքմամբ, մանկավարժական և ստեղծագործական գործունեությամբ։ 1956 թվականին Գրիգորյանի նախաձեռնությամբ Յակուտսկի երաժշտական ուսումնարանում ստեղծվել է տեսական ստեղծագործական բաժանմունք։ Գրել է ջութակի կոնցերտ (1954), «Տոնական Յակուտիա» օրատորիան (1955), սիմֆոնիա (1955), «Լոոկուտ և Նյուրգուսուն» քնարական օպերան (1958), «Հյուսիսի ծաղիկը» օպերետը (1961), «Երջանկության քարը» բալետը (1961), յակուտական թեմաներով երգեր։

Գրիգորյանի խմբագրությամբ հրատարակվել է յակուտական ժողովրդական երգերի երկու ժողովածու։

Արտաքին հղումներԽմբագրել

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 226  
  1. 1,0 1,1 1,2 http://am.hayazg.info/index.php?curid=9092