Հունական դիցաբանության առաջին աստվածություններ

Հունական դիցաբանության առաջին աստվածություններ, Քաոսի դատարկությունից ծնված առաջին աստվածներն ու աստվածուհիները։ Ըստ Հեսիոդոսի՝ ամեն ինչ առաջացել է անսահման Քաոսից։ Քաոսից են առաջացել Երկրի աստվածուհի Գեան, Տարտարոսը` ահավոր անդունդը` լեցուն հավիտենական խավարով, Էրոսը` ամեն ինչին կենդանություն տվող Սերը, հավերժական խավարը` Էրեբոսը և մութ գիշերը` Նիքսը։ Իսկ Խավարից ու Գիշերից առաջ եկան հավերժական Լույսը` Եթերը, հրճվալից ու պայծառ օրը` Հեմերան։ Գեան և Ուրանոսը ծնունդ են տվել հզոր ու ահեղ տիտաններին։ Տիտան Հիպերիոնն ու Գեան լույս աշխարհ բերեցին Զևսին, Պոսեյդոնին, Հադեսին,Հերային և Դեմետրային։ Աստվածների պայքարն ավարտվում է Զևսի իշխանությամբ։

Տարբերակներ

Հին հույները տարբեր գաղափարներ ունեին աստվածների ծագման վերաբերյալ։ Հնարավոր է, նրանցից ոմանք ժառանգություն են ստացել նախահունական մարդկանցից։

• Հոմերոսի «Իլիականում» բոլոր աստվածների հայրը համարվում է Օվկիանոսը։
• Ալկմեոնը ջրային առաջին աստվածությունն անվանել է Թետիս։
• Արիստոփանեսը գրում է, որ առաջին աստվածուհին Նիքսն էր, որը Էրոսին հանել է ձվից։

Մեկնաբանություն

Հետազոտողներն ունեն տարակարծություններ աստվածների նշանակության վերաբերյալ Հոմերոսի և Հեսիոդոսի ստեղծագործություններում.: Քանի որ սկզբնական աստվածները կյանք են տվել տիտաններին, իսկ նրանք՝ օլիմպիականներին։ Կա մի մեկնաբանություն, համաձայն որի՝ դրանք տիեզերքի ամենախոր և հիմնարար հատկություններն են։

Օրինակ՝ Ջենի Սթրոս Քլեյը գրում է, որ եթե Հոմերոսի պոեզիան իշխանության կենտրոնում դնում է Զևսին, ապա Հեսիոդոսը Զևսին և օլիմպիական աստվածներին դնում է նույն համատեքստում։

Արտաքին հղումներ

• Պրոտոգենոս
• Պրոտոգենոսի ընտանեկան ծառը
• Հունական նախնադարյան աստվածություններ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հունական դիցաբանության առաջին աստվածություններ կատեգորիայում։