Հենրիկ Քոչինյան
- Վիքիպեդիայում կան հոդվածներ Քոչինյան ազգանունով այլ մարդկանց մասին։
Հենրիկ Ջումշուդի Քոչինյան (մայիսի 7, 1948, Ալավերդու շրջան, Հայկական ԽՍՀ, ԽՍՀՄ), ինժեներ-մեխանիկ, քաղաքական և պետական գործիչ, տեխնիկական գիտությունների թեկնածու (1978), պրոֆեսոր (2002)։ Հեղինակել է 53 գիտական հոդված, ուսումնական ձեռնարկներ, դասագրքեր։ Արժանացել է մի շարք պետական պարգևների[1]։
| Հենրիկ Քոչինյան | |||
| |||
| |||
|---|---|---|---|
| 1998 - 2006 | |||
| |||
| 1996 - 1998 | |||
| 1991 - 1996 | |||
| Կուսակցություն՝ | Հայաստանի Հանրապետական կուսակցություն | ||
| Կրթություն՝ | ՀԱՊՀ և Հայաստանի ազգային ագրարային համալսարան (1976) | ||
| Գիտական աստիճան՝ | տեխնիկական գիտությունների թեկնածու (1978) և պրոֆեսոր (2002) | ||
| Մասնագիտություն՝ | քաղաքական գործիչ և ճարտարագետ-մեխանիկ | ||
| Ազգություն | հայ | ||
| Ծննդյան օր | մայիսի 7, 1948 (76 տարեկան) | ||
| Ծննդավայր | Ալավերդու շրջան, Հայկական ԽՍՀ, ԽՍՀՄ | ||
| Քաղաքացիություն |  ԽՍՀՄ և  Հայաստան
| ||
| Պարգևներ |
 և  | ||
Գործունեություն
խմբագրել1956-1966 թվականներին սովորել և ավարտել է Շնող գյուղի միջնակարգ դպրոցը։ Այնուհետև ուսումը շարունակել է Երևանի պոլիտեխնիկական ինստիտուտի մեխանիկամեքենաշինական ֆակուլտետում։ 1972-1976 թվականներին սովորել է Հայկական գյուղատնտեսական ինստիտուտի ասպիրանտուրայում[1]։
1971-1974 թվականներին աշխատել է ՀԽՍՀ ավտոմոբիլային տրանսպորտի նախարարության կոնստրուկտորային-տեխնոլոգիական բյուրոյում՝ որպես կոնստրուկտոր, ավագ կոնստրուկտոր, ավագ ինժեներ։ Դրանից հետո՝ մինչև 1995 թվականը, աշխատել է Երևանի պոլիտեխնիկական ինստիտուտում՝ որպես օգնական, դոցենտ, դեկանի տեղակալ, մեխանիկամեքենաշինական ֆակուլտետի դեկան։ 1990-1995 թվականներին համատեղությամբ եղել է Ավտոմոբիլների ամբիոնի վարիչ։ 1990-1998 թվականներին եղել է Հայաստանի տրանսպորտի և կապի նախարար։ 1998-2006 թվականներին եղել է Լոռու մարզպետ[2], 2008-2010 թվականներին՝ ՀՀ Կառավարությանն առընթեր Պետական եկամուտների կոմիտեի հարկային տեսչության պետ, վարչության պետի տեղակալ, 2010-ից՝ ՀՀ տրանսպորտի և կապի նախարարության «ՀՀ ավտոմոբիլային ճանապարհների տնօրինություն» ՊՈԱԿ-ի գլխավոր տնօրեն[1][3][4]։
Գիտական աշխատանքներ
խմբագրել- «Ավտոմոբիլային ագրեգատների հաշվարկ և նախագծում» (1994)
- «Էկոլոգիական անվտանգություն» (2001)
- «Փորձնական արդյունքների մշակում և մոդելավորում» (2003)
Պարգևներ
խմբագրել- Մխիթար Գոշի (2002), Անանիա Շիրակացու (2004), Զորավար Անդրանիկի (2005) մեդալներ
- ՀՀ վարչապետի (2006), ՀՀ տարածքային կառավարման (2006), ՀՀ կրթության և գիտության (2008), ՀՀ տրանսպորտի և կապի (2010) նախարարությունների ոսկե հուշամեդալներ
- ՀԽՍՀ ԺՏՆ ցուցահանդեսի (1985), Ֆրիտյոֆ Նանսենի (1999), Աղետի գոտու վերականգնման ռուս-հայկական համագործակցության (2004), ՀՀ ոստիկանապետի համագործակցության (2005) մեդալներ
- Երևանի պոլիտեխնիկական և Վանաձորի մանկավարժական (2012) ինստիտուտների ոսկե մեդալներ
- ՀՀ վարչապետի շնորհակալագիր, ՀՀ վարչապետի և ՀՀ ոստիկանապետի կողմից անվանական զենքեր
Քոչինյանն արժանացել է նաև Պատվավոր երկաթուղային (1996), ԱՊՀ երկրների պատվավոր ճանապարհաշինարար (2012), Վանաձորի, Շնողի, Դսեղի, Գարգառի պատվավոր քաղաքացու կոչումների[1]։
Ծանոթագրություններ
խմբագրել- ↑ 1,0 1,1 1,2 1,3 Թումանյանական աշխարհ, Մշակութային գիտարան/Գ. Շախկյան. -Եր.։ 2016, 848 էջ
- ↑ Լոռու մարզպետարան
- ↑ Հենրիկ Քոչինյանի չխամրող աստղը
- ↑ «ՀՀ Տրանսպորտի, Կապի և ՏՏ նախարարություն». Արխիվացված է օրիգինալից 2019 թ․ մայիսի 17-ին. Վերցված է 2018 թ․ հոկտեմբերի 31-ին.