Հասարակության թշնամիները (ֆիլմ, 2009)
Հասարակության թշնամիները, ամերիկյան քրեական դրամա ֆիլմ է, որի ռեժիսորն է Մայքլ Մանը և սցենարիստներն են Մայքլ Մանը, Էն Բայդերմենը և Ռոնան Բենեթը։ Այն վերցված է Բրայան Բուրոուի «Հանրության թշնամիները։ Ամերիկայի մեծագույն հանցագործության ալիքը և ՀԴԲ-ի ստեղծումը 1933-34 թվականներին» ոչ գեղարվեստական գրքից։ Գլխավոր հերոսը՝ հայտնի ավազակ Ջոն Դիլինջերն է (Ջոնի Դեփ), ով կատարելով մի շարք հանդուգն ավազակային հարձակումներ ԱՄՆ-ի բանկերի վրա՝ ժողովրդի աչքում դարձել է իսկական հերոս։ Նա ՀԴԲ-ի գլխավոր թիրախն է, առաջին հերթին գործակալ Մելվին Պերվիսի (Քրիստիան Բեյլ) համար, ով լավագույնն է իր իր գործում։
Բուրոուն ի սկզբանե ցանկացել է գրել սցենար ԱՄՆ-ի ճգնաժամի տարիներին տիրող հանցագործություների ալիքի մասին մինիսերալի համար, բայց մտափոխվել է և գիրք է գրել այդ թեմայով։ Սակայն Մանը փոփոխելով սցենարը՝ այն դարձրել է ֆիլմ, որը ճշգրտորեն չի համապատասխանում պատմական իրողություններին։
Սյուժե
խմբագրելՉարլզ Ֆլոյդին (Չենինգ Թաթում) սպանելուց հետո, Էդգար Հուվերը (Բիլի Քրուդափ) ՀԴԲ-ի գործակալ Մելվին Պերվիսին հրամայում է զբաղվել ավազակ Ջոն Դիլինջերի գործով։ Պերվիսը հավատացնում է Հուվերին, որ կօգտագործի տեխնիկական բոլոր միջոցները, որպեսզի պայքարի հանցագործությունների դեմ՝ սկսած մատնահետքերից մինչև հեռախոսակապի գաղտնալսումը։
Մի քանի բանկի կողոպուտից հետո՝ Ջոն Դիլինջերը ռեստորանում հանդիպում է Բիլի Ֆրեշետին (Մարիոն Քոտիար) և հասնում է նրան վերարկու գնալով։ Ֆրեշետը սիրահարվում է նրան, նույնիսկ այն բանից հետո երբ բացահայտում է նրա ով լինելը և նրանք երկուսով դառնում են անբաժանելի։
Պերվիսը չստացված ծուղակ է լարում մի հյուրանոցում, որտեղ նրա կարծիքով մնում է Ջոն Դիլինջերը։ Գործակալներից մեկին սպանում է «Փոքրիկ» Նելսոնը, ով փախչում է Թոմի Կարոլի հետ։ Պերվիսը խնդրում է Հուվերին վարձել հատուկ ջոկատայիններ, ովքեր պետք է որսան հանցագործներին ողջ կամ մահացած։
Ոստիկանությունը ձերբակալում է Դիլինջերին և նրա ավազակախմբին Արիզոնա նահանգի Տուսոն քաղաքում, Կոնգրես Հյուրանոցի հրդեհից հետո, որտեղ նրանք գիշերել էին։ Դիլինջերին տեղափոխում են Ինդիանա, որտեղ Շերիֆ Լիլիան Հոլին նրան բանտարկում է Լեյկ Կաունտի բանտում, որտեղից էլ Դիլինջերը և մյուս բանտարկյալները օգտագործելով կեղծ զենքեր փախչում են։ Դիլինջերը չի կարողանում տեսնել Ֆրեշետին, որովհետև նա խիստ հսկողության տակ էր։
Քերոլը համոզում է Դիլինջերին կողոպտել Սյու Ֆոլսի բանկը։ Կողոպուտից հետո ավազակախումբը թաքնվում է Փոքրիկ Բոհեմիա հյուրանոցում, վիրավոր Քերոլին թողնելով ոստիկանության ձեռքում։ Պերվիսը և նրա մարդիկ տանջում են Քերոլին, որպեսզի իմանան ավազակախմբի գտնվելու վայրը։ Չդիմանալով տանջանքներին՝ Քերոլը ամեն ինչ հայտնում է նրանց։ Պերվիսը և իր մարդիկ շրջապատում են Փոքրիկ Բոհեմիան, նրանց միջև սկսվում է փոխհրաձգություն, որի արդյունքում Պերվիսին հաջողվում է ոչնչացնել ողջ ավազակախմբին բացի Դիլինջերից։
Պերվիսը սպառնում է Աննա Սեյջին (որը ներգաղթյալ էր և Ջոն Դիլինջերի ծանոթներից) դեպորտացիայով, ստիպելով նրան համագործակցել իր հետ։ Նա համաձայնվում է մատնել Ջոն Դիլինջերին։ Սեյջը հայտնում է Պերվիսին, որ երեկոյան Դիլինջերի հետ լինելու են կինոթատրոնում։ Ֆիլմից հետո Պերվիսը և իր մարդիկ շրջապատում են Դիլինջերին և սպանում նրան։ Մահանալուց առաջ Դիլինջերը շշնջում է խոսքեր, որը լսում է գործակալ Ուինստեդը։
Ուինստենդը գնում է Ֆրեշետի մոտ՝ ով դեռ բանտում էր, հայտնելու Դիլինջերի մահվան լուրը և փոխանցելու նրան մահացածի վերջին խոսքերը։
Մելվին Պերվիսը 1935 թվականին հեռանում է ՀԴԲ-ից և 1960 թվականին ինքնասպան լինում։ Ազատվելուց հետո 1936 թվականին Ֆրեշետը հաստատվում է Վիսկոնսին նահանգում, որտեղ էլ ապրում է մինչև կյանքի վերջը։
Դերակատարներ
խմբագրել| Դերակատար | Դեր |
|---|---|
| Ջոնի Դեփ | Ջոն Դիլինջեր |
| Քրիստիան Բեյլ | ՀԴԲ-ի գործակալ Մելվին Պերվիս |
| Մարիոն Քոտիար | Բիլի Ֆրեշետ |
| Բիլի Քրուդափ | Ջ. Էդգար Հուվեր |
| Սթիվեն Դորֆ | Հոմեր Վան Միթեր |
| Սթիվեն Լենգ | Չարլզ Ուինստեդ |
| Մայքլ Բենտ | Հերբերդ Յանգբլադ |
| Սթիվեն Գրահամ | «Փոքրիկ» Նելսոն |
| Չենինգ Թաթում | Չարլզ Ֆլոյդ |
| Ջեյսոն Քլարկ | Ռեդ Համիլթոն |
| Դեյվիդ Ուենհեմ | Հարի Փիենփոնթ |
| Սպենսեր Գարեթ | Թոմի Քերոլ |
| Քրիստիան Սթոլթ | Չարլս Մաքլի |
| Ջեյմս Ռուսո | Ուոլտեր Դիթրիք |
| Ջովանի Ռիբիսի | Ալվին Կարպիս |
| Ջոն Օրտիս | Ֆիլ Դ'Անդրեա |
| Դոմենիկ Լամբորդոցի | Գիլբերդ Կաթինա |
| Բիլ Կեմպ | Ֆրենկ Նիտի |
| Ռորի Քոքլեյն | Քարտեր Բոմ |
| Քերի Մուլիգան | Քարել Սլեյմեն |
| Ջոն Մայքլ Բոլջեր | Մարտին Զարկովիչ |
| Բրանկա Կատիք | Աննա Սեյջ |
| Էմիլի դե Ռավին | Բարբարա Փաձկի |
| Շոն Հաթոզի | Ջոն Մադալա |
| Դոն Ֆրայ | Քլերենս Հարթ |
| Մեթ Քրիվեն | Ջերի Քեմփբել |
| Լիլի Թեյլոր | Շերիֆ Լիլիան Հոլի |
| Դեյվիդ Ուարշովսկի | Ուորդեն Բեյքեր |
| Քեյսի Սիմեսկո | Հարի Բերման |
| Պիտր Ջերեթի | Լուիս Պիքեթ |
| Լիլի Սոբիեսկի | Փոլի Համիլթոն |
Նկարահանումներ
խմբագրելՍկուզբունքային նկարանումները սկսվել են 2008 թվականի մարտի 17-ին[5]։ Վիսկոնսին նահանգի Կոլումբոս քաղաքում և շարունակվել Իլինոյս նահանգի Չիկագո, Ավրորա, Ջոլիետ և Լոքփորտ քաղաքներում և Վիսկոնսին նահանգի Օշկոշ, Բիվեր Դեմ, Միլուոքի և Մեդիսոն քաղաքներում ներառելով Փոքրիկ Բոհեմիան, որտեղ 1934 թվականին սկսվեց զենքային մենամարտ Դիլինջերի ավազակախմբի և ՀԴԲ-ի միջև[6] : Ֆիլմի մի քանի դրվագներ նկարահանվել են Ինդիանա նահանգի Քրոուն Փոինթ քաղաքում, որտեղ Դիլինջերը գտնվում էր բանտում, սակայն փախչում է։
Ծանոթագրություններ
խմբագրել- ↑ Internet Movie Database — 1990.
- ↑ http://nmhh.hu/dokumentum/158984/2009_filmbemutatok_osszes.xls
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 3,17 3,18 3,19 3,20 3,21 3,22 3,23 3,24 3,25 3,26 ČSFD (չեխերեն) — 2001.
- ↑ Box Office Mojo — 1999.
- ↑ «Բրայան Բորոու։ Հասարակության թշնամիները, Take One». Vanity Fair. 2008 թ․ մարտի 6. Արխիվացված է օրիգինալից 2008 թ․ մարտի 6-ին. Վերցված է 2008 թ․ մարտի 11-ին.
- ↑ «Դասական մեքենաները կնակարահնվեն ֆիլմում». Wisconsin State Journal. 2008 թ․ հունվարի 28. Արխիվացված է օրիգինալից 2009 թ․ հուլիսի 18-ին. Վերցված է 2022 թ․ հունվարի 9-ին.
Արտաքին հղումներ
խմբագրել- Պաշտոնական կայք
- Հասարակության թշնամիները(անգլ.) ֆիլմը Internet Movie Database կայքում
- Հասարակության թշնամիները(անգլ.) ֆիլմը Rotten Tomatoes կայքում
- «Հասարակության թշնամիները»(անգլ.) ֆիլմը Metacritic կայքում:
- «Հասարակության թշնամիները»(անգլ.) ֆիլմը Box Office Mojo կայքում
- Apple: Public Enemies trailers Retrieved 2012-12-11
- Wisconsin Department of Natural Resources: Mirror Lake Retrieved 2012-12-11
- Chasing the Frog: The truth behind "Public Enemies" Retrieved 2012-12-11
 | Վիքիպահեստն ունի նյութեր, որոնք վերաբերում են «Հասարակության թշնամիները (ֆիլմ, 2009)» հոդվածին։ |