Հաննա Մյուրեյ
Հաննա Մյուրեյ (անգլ.՝ Hannah Murray, հուլիսի 1, 1989[1], Բրիստոլ, Անգլիա, Միացյալ Թագավորություն[2]), բրիտանացի դերասանուհի։
 անգլ.՝ Hannah Murray | |
|---|---|
 | |
| Ծնվել է | հուլիսի 1, 1989[1] (34 տարեկան) |
| Ծննդավայր | Բրիստոլ, Անգլիա, Միացյալ Թագավորություն[2] |
| Կրթություն | Քուինս Քոլեջ |
| Քաղաքացիություն | .svg){kind=small} Միացյալ Թագավորություն |
| Մասնագիտություն | դերասանուհի, թատրոնի դերասանուհի և կինոդերասանուհի |
Կենսագրություն խմբագրել
Ծնվել է 1989 թվականի հուլիսի 1-ին Մեծ Բրիտանիայի Բրիստոլ քաղաքում՝ համալսարանական դասախոսների ընտանիքում։ Դերասանուհին կարիերան սկսել է 2077 թվականից՝ նկարահանվելով «Կաթնակերներ» երիտասարդական հեռուստասերիալի Քեսիի դերում, որը տարօրինակ և անորեքսիայով տառապող աղջիկ է։ Հաննան իմացել է, որ տեղական թատրոնում, ուր նա հաճախում էր, սերիալի համար անցկացվող քասթինգի մասին և որոշում մասնակցել։ Արդյունքում նա և Էյփրիլ Փիրսոնը՝ Միշելի դերակատարը, դառնում են սերիալի համար ընտրված առաջին դերասանուհիները։
«Կաթնակերներ»-ից հետո 2008 թվականին որպես թատերական դերասանուհի դեբյուտ է ունեցել «That Face» պիեսում՝ Միի դերում[3]։
2010 թվականին «Զրուցարան» թրիլլերում (ռեժիսոր Հիդեո Նիկիտա) և «Որովայն» դրամայում (ռեժիսոր Բենեդեկ Ֆլիգաուֆ) Հաննան նկարահանվել է գլխավոր դերերից մեկում։ Նույն թվականին նա նկարահանվել է «Above Suspicion 2: The Red Dahlia» բրիտանական հեռուստասերիալի երկու էպիզոդում։
2012 թվականին «Գահերի խաղը» սերիալի երկրորդ եթերաշրջանում առաջին անգամ կատարել է Լիլիի (Ջիլի) դերը[4]։ 2013-2017 թվականներին նույն դերն է խաղացել HBO հեռուստանախագծի հաջորդ եթերաշրջաններում։
2013 թվականին՝ 5-ամյա դադարից հետո, Հաննան կրկին խաղացել է «Կաթնակերներ» սերիալում՝ Քեսիի դերում։ Նա նկարահանվել է 7-րդ եթերաշրջանի 2 էպիզոդում՝ պատմելով Քեսիի հետագա կյանքի մասին։
2014 թվականին դերասանուհին նկարահանվել է Գլազկոյի երեք երաժիշտների մասին պատմող «Աստված, օգնիր աղջկան» երաժշտական դրամայում։ Ֆիլմն առաջին անգամ ցուցադրվել է 2014-ի հունվարին «Սանդենս» կինոփառատոնում, որտեղ Մյուրեյը, այլ դերասանների հետ միասին, ստացել է ժյուրիի հատուկ մրցանակ։ Նույն թվականին Հաննան խաղացել է Ժան-Ժակ Բեռնարդի «Մարտին» պիեսի գլխավոր դերում։ Նրա դերակատարումը թատրոնի հանրության և քննադատների կողմից ընդունվել է որպես այդ տարվա ամենագեղեցիկ և գրավիչ ներկայացումներից մեկը։ Այդ դերի համար առաջդրվել է Լոնդոնի անկախ թատրոնի մրցանակին՝ «Լավագույն կանացի կատարում» կատեգորիայում[5]։
Ֆիլմագրություն խմբագրել
| Տարի | Անվանում | Բնօրինակ անվանում | Դեր | |
|---|---|---|---|---|
| 2007-2013 | ս | Կաթնակերներ | Skins | Քեսի Էյնսվորթ |
| 2010 | ֆ | Զրուցարան | Chatroom | Էմիլի |
| 2010 | ֆ | Որովայն | Womb | Մոնիկա |
| 2011 | ֆ | Փոքրիկ փառք | Little Glory | Ջեսիկա |
| 2012-2019 | ս | Գահերի խաղը | Game of Thrones | Լիլի |
| 2012 | ֆ | Մռայլ ստվերներ | Dark Shadows | հիպի աղջիկ |
| 2013 | ֆ | Թվային ռադիոկայան | The Numbers Station | Ռեյչել Դևիս |
| 2014 | ֆ | Աստված, օգնիր աղջկան | God Help the Girl | Քեսի |
| 2015 | ֆ | Լիլի և Քեթ | Lily & Kat | Քեթ |
| 2016 | ֆ | Ընտրյալը | El elegido | Սիլվիա Ագելոֆ |
| 2017 | ֆ | Դետրոյթ | Detroit | Ջուլի Էնն |
Մրցանակներ և անվանակարգեր խմբագրել
| Մրցանակներ և անվանակարգեր | |||||
|---|---|---|---|---|---|
| Տարի | Մրցանակ | Կատեգորիա | Ֆիլմ կամ սերիալ | Արդյունք | Ծանոթագրություն |
| 2008 | Ոսկե Նիմֆ | Դրամատիկական սերիալում լավագույն կանացի դեր | Կաթնակերներ | Անվանակարգ | |
| 2014 | ԱՄՆ-ի կինոդերասանների գիլդիա մրցանակ | Դրամատիկական սերիալում լավագույն դերասանական կազմ | Գահերի խաղը | Անվանակարգ | |
| Սանդենս | Հատուկ ժյուրիի մրցանակ | Աստված, օգնիր աղջկան | Հաղթանակ | Էմիլի Բրաունինգի և Օլլի Ալեքսանդերի հետ միասին | |
| 2015 | Տրայբեկա | Լավագույն դերասանուհի | Բրիջենդ | Հաղթանակ | |
Ծանոթագրություններ խմբագրել
- ↑ 1,0 1,1 filmportal.de — 2005.
- ↑ 2,0 2,1 2,2 Deutsche Nationalbibliothek Record #1013318587 // Gemeinsame Normdatei (գերմ.) — 2012—2016.
- ↑ «ScreenTerrier: Interview with Hannah Murray». Արխիվացված է օրիգինալից 2011 թ․ հուլիսի 8-ին. Վերցված է 2010 թ․ հոկտեմբերի 2-ին.
- ↑ «UPDATED: Gilly Cast (Confirmed)». westeros.org. 2011 թ․ օգոստոսի 8. Արխիվացված է օրիգինալից 2011 թ․ օգոստոսի 15-ին. Վերցված է 2011 թ․ օգոստոսի 8-ին.
{{cite web}}: Invalid|url-status=403(օգնություն) - ↑ «Martine - 2014 - Finborough Theatre». www.finboroughtheatre.co.uk. Վերցված է 2017 թ․ դեկտեմբերի 21-ին.
 | Վիքիպահեստն ունի նյութեր, որոնք վերաբերում են «Հաննա Մյուրեյ» հոդվածին։ |