Համլետ Գևորգյան (երգիչ)
Անվան այլ կիրառումների համար տե՛ս՝ Համլետ Գևորգյան (այլ կիրառումներ)- Վիքիպեդիայում կան հոդվածներ Գևորգյան ազգանունով այլ մարդկանց մասին։
Համլետ Զելիմի Գևորգյան (մայիսի 7, 1974, Լենինական, Հայկական ԽՍՀ, ԽՍՀՄ), հայ երգիչ, ՀՀ վաստակավոր արտիստ (2015)։
| Համլետ Զելիմի Գևորգյան | |
|---|---|
 | |
| Ի ծնե անուն | Համլետ Գևորգյան |
| Ծնվել է | մայիսի 7, 1974 (49 տարեկան) Լենինական, Հայկական ԽՍՀ, ԽՍՀՄ |
| Երկիր |  Հայաստան |
| Ժանրեր | փոփ-ֆոլկլյոր, ժողովրդական |
| Մասնագիտություն | Երգիչ |
| Գործիքներ | վոկալ |
| Կրթություն | Երևանի Կոմիտասի անվան պետական կոնսերվատորիա |
| Պարգևներ | |
Կենսագրություն խմբագրել
Սովորել է Երևանի Սայաթ-Նովայի անվան երաժշտական դպրոցի քամանչայի բաժնում։ Երգել է Երևանի քաղաքային մշակույթի տան ժողովրդական գործիքների նվագախմբում։ 1991 թվականին «Մանուկները Հայաստանի» մրցույթ-փառատոնում արժանացել է 1-ին մրցանակի։ 1992-1997 թվականներին սովորել է Երևանի Կոմիտասի անվան պետական կոնսերվատորիայի ժողովրդական երգեցողության բաժնում։ 1998 թվականին մասնակցել է ԱՊՀ պետությունների «Զինվորական երգ» մրցույթին և արժանացել 1-ին մրցանակի[2]։
Մենահամերգներով հանդես է եկել Ջավախքում, Կապանում, Գյումրիում, Երևանում, Գլենդելում, Մարսելում, Հալեպում, Իժևսկում, Կազանում, Սամարայում, Լիբանանում, Արգենտինայում, Ուրուգվայում, Ավստրալիայում, Եվրոպայում և այլուր։
Թողարկել է 5 ձայնասկավառակ, 4 տեսասկավառակ, նկարահանել է 11 տեսահոլովակ․ «Դու ես» (2005), «Ծիրան» (2008) ձայնասկավառակները, «Մենք ենք» (2006), «Ժառանգորդը» (2008) և այլ տեսասկավառակներ։
Կոչումներ և մրցանակներ խմբագրել
- Ա. Իսահակյանի անվան ժողովրդական երգի մրցույթի դափնեկիր, 1998,
- «Հանուն հավատի, հայրենիքի և սիրո» երգի դափնեկիր 1999,
- «Կռունկ» փառատոնի ժողովրդական երգի դափնեկիր, 2005,
- «Տարվա լավագույն ժողովրդական երգիչ» մրցանակ, 2006, Լոս Անջելես,
- «ՄԻԱՎ/ՁԻԱՀ-ի խնդիրների ջատագով-մշակույթի գործիչ», 2007,
- «Ոսկե Մուշուրբա» մրցանակաբաշխության «Տարվա վաստակաշատ գյումրեցի երգիչ» կոչում, 2008, Գյումրու քաղաքապետարան,
- «Կարոտ» միջազգային հայկական փառատոնի ոսկե մեդալ, 2008,
- «Ֆոլկի արքա», աշխարհի 1.200.000 ազգային երգիչների մեջ միջազգային սոցիալական կայքի անցկացրած մրցույթ, 2009,
- «Տարվա լավագույն ժողովրդական երգիչ» մրցանակ, Մոսկվա,
- Հայաստանի Հանրապետության վաստակավոր արտիստ (2015)[3]։
Սկավառակագրություն խմբագրել
- Մենք ենք (2004)
- Մեր երգը (2006)
- The Best of Golden Album (2007)
- With The Traces Of Armenian Song (2008)
Ծանոթագրություններ խմբագրել
Արտաքին հղումներ խմբագրել
- Համլետ Գևորգյան - Աշուն (չաշխատող հղում)
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|