Կուրբանմուրատ Նեպեսով
Կուրբանմուրատ Բազարբայի Նեպեսով (հայտնի է նաև «Բասմաչ» կամ «Թուրքմեն» մականունով, թուրքմ.՝ Gurbanmyrat Nepesow, ռուս.՝ Курбанмурад Базарбаевич Непесов, 1969, Boldumsaz District, Դաշողուզի վելայաթ, Թուրքմենստան - 1992, Արցախ), հայ ազատամարտիկ, ազգությամբ թուրքմեն, Արցախյան պատերազմի մասնակից հայկական կողմից, Հայր Վահան կամավորական ջոկատի անդամ[1]։ Եռաբլուր պանթեոնում թաղված միակ մուսուլման մարտիկն է[2]։ Արիության հետմահու մեդալակիր (2009)[3]։
| Կուրբանմուրատ Նեպեսով թուրքմ.՝ Gurbanmurad Nepesov | |
|---|---|
 Կ․ Նեպեսովի գերեզմանի տապանաքարը Եռաբլուրում | |
| Ծնվել է | 1969 |
| Ծննդավայր | Boldumsaz District, Դաշողուզի վելայաթ, Թուրքմենստան |
| Մահացել է | 1992 |
| Մահվան վայր | Արցախ |
| Գերեզման | Եռաբլուր |
| Քաղաքացիություն |  Թուրքմենստան |
| Կրոն | իսլամ |
| Մասնագիտություն | ազատամարտիկ |
| Պարգևներ և մրցանակներ |  |
Կենսագրություն
խմբագրելԾնվել է 1969 թվականի Թուրքմենական ԽՍՀ Կալինինոյի շրջանում (այժմ՝ Թուրքմենստանի Հանրապետության Բոլդումսազի էտրապ):։
Ծառայել է Աֆղանստանում, որտեղ վիրավորվել է։ Հետագայում հայ զինակիցներից մեկը Նեֆեսովին արյուն է տվել։
Մասնակցություն Արցախյան պատերազմին
խմբագրելԱֆղանստանից խորհրդային զորքերի դուրս բերումից հետո Նեֆեսովը ժամկետային ծառայություն էր անցնում Հայաստանում, ապա՝ հայտնվում է Արցախում և որոշում է միանալ հայ ազատագրական պայքարին։ 1991 թվականին Վոլոդյա Մաթևոսյանը ստեղծում է «Հայր Վահան» ջոկատը և միանգամից մեկնում Արցախ, որին էլ հենց սկզբից միանում է Կուրբանմուրադ Նեֆեսովը։ Ջոկատի մեջ հայերից բացի եղել են եզդիներ, ռուսներ, ասորի, հույն և թուրքմեն։ Պատերազմի ժամանակ հայտնի էր «Բասմաչ» կամ ուղղակի «Թուրքմեն» մականուններով[2]։
1992 թվականի փետրվարին «Հայր Վահան» ջոկատը մարտական խնդիր ուներ՝ ազատել Քարվաճառի շրջանի լեռնաբերձ Աղդաբան գյուղը, որից ադրբեջանցիները հարձակվում էին Մարտակերտի շրջանի վրա։ Նեֆեսովը հետախուզման է գնացել և իրեն կողմից ճշտված կոորդինատների շնորհիվ ջոկատի մարտիկները Արցախի Հանրապետության ապագա գեներալ-մայոր Ժորա Գասպարյանի հրամանատարության ներքո ոչնչացրել է թշնամու 6 տանկ և ազատել Աղդաբանը[2]։
Կուրբանմուրադ Նեֆեսովը զոհվել է 1992 թվականի դեկտեմբերի 13-ին մարտի ժամանակ։ Զոհվելուց հետո Նեֆեսովի մարմինը 4 ամիս մնացել է դիարանում, քանի որ պատերազմի ժամանակ դժվար էր տեղափոխել այն Թուրքմենստան, սակայն վերջում որոշում է կայացվել հողին նրան հանձնել Եռաբլուրում։ Նեֆեսովը Եռաբլուր պանթեոնում թաղված միակ մուսուլման մարտիկն է[2]։
Պարգևներ
խմբագրել- Արիության մեդալ (2009 հունվարի 29)[3]։
Տես նաև
խմբագրելԾանոթագրություններ
խմբագրել- ↑ ««Արյունով ազատագրած հողը չենք թողնի տան ուրիշին». ազատամարտիկ». Արխիվացված է օրիգինալից 2018 թ․ փետրվարի 18-ին. Վերցված է 2014 թ․ հոկտեմբերի 14-ին.
- ↑ 2,0 2,1 2,2 2,3 Կուրբանմուրադ Նեֆեսովի մասին հոդվածը «Ոսկանապատ» վերլուծաբանական կենտրոնի կայքում
- ↑ 3,0 3,1 Հայաստանի Հանրապետության շքանշանով և մեդալներով պարգևատրելու մասին