Վիքիպեդիա

Կուռքը (հեռուստասերիալ)

«Կուռքը» (անգլ.՝ The Idol), ամերիկյան դրամա հեռուստասերիալ, ստեղծված Էյբլ Տեսֆայեի, Ռեզա Ֆահիմի և Սեմ Լևինսոնի կողմից՝ HBO հեռուստաալիքի համար։ Երաժշտական արդյունաբերության ֆոնին սերիալը կենտրոնանում է ինքնօգնությամբ զբաղվող գուրուի և ժամանակակից պաշտամունքի առաջնորդի վրա, ով բարդ հարաբերությունների մեջ է մտնում աճող փոփ կուռքի հետ։ Տեսֆայեն և Լիլի-Ռոուզ Դեփը հանդես են գալիս գլխավոր դերերում, իսկ Դեբի Ռայանը, Սթիվ Զիսիսը, Թրոյ Սիվանը, Ջեննի Ռուբի Ջեյնն ու Ջուլիբեթ Գոնսալեսը կատարում են երկրորդ պլանի դերեր[1]։

Կուռքը
The Idol
ԺանրԴրամա
Ստեղծող
ԵրկիրԱմերիկայի Միացյալ Նահանգներ ԱՄՆ
Լեզուանգլերեն
ՌեժիսորՍեմ Լևինսոն
Գլխավոր
դերերում
Գործադիր պրոդյուսերThe Weeknd և Սեմ Լևինսոն
Նկարահանման վայրԼոս Անջելես
Եթերաշրջանների քանակ1
Սերիաների քանակ6
Էկրաններին էհունիսի 4, 2023-ից հուլիսի 2, 2023-ը
ՀեռուստաալիքHBO
Ընկերություն
  • A24
  • Bron Creative
  • Little Lamb
  • HBO Entertainment
ԴիստրիբյուտորHBO
Պաշտոնական կայքէջ

Հեռոսւտասերիալի առաջին երկու սերիաների պրեմիերան կայացել է 2023 թվականի մայիսին՝ Կաննի 76-րդ կինոփառատոնում։ Սերիալը հեռարձակվել է HBO-ով և Max-ով 2023 թվականի հունիսի 4-ից՝ արժանանալով քննադատների բացասական արձագանքներին։

Նախադրյալ

խմբագրել

Ինքնօգնությամբ զբաղվող գուրուն և ժամանակակից պաշտամունքի առաջնորդը (Էյբլ Տեսֆայե) բարդ հարաբերությունների մեջ է մտնում աճող փոփ կուռքի (Լիլի-Ռոուզ Դեփ) հետ[2]։

Դերեր և կերպարներ

խմբագրել

Գլխավոր

խմբագրել

Արտադրություն

խմբագրել

Զարգացում

խմբագրել

2021 թվականի հունիսի 29-ին Էյբլ Տեսֆայեն հայտարարել է, որ Ռեզա Ֆահիմի և Սեմ Լևինսոնի հետ միասին հեռուստասերիալ է ստեղծելու HBO-ի համար, որտեղ նաև հանդես է գալու որպես պրոդյուսեր և համահեղինակ[3]։ Նույն օրը Էշլի Լևինսոնն ու Ջոզեֆ Էպշտեյնը հայտարարվել են սերիալի պրոդյուսերները, վերջինս նաև հանդես է գալու որպես սերիալի հեղինակ և շոուրաներ։ Մերի Լոուսը նույնպես հանդես է գալու որպես հեղինակ և համագործադիր պրոդյուսեր՝ Տեսֆայեի համապրոդյուսեր Վասիմ Սլեյբիի և ստեղծագործական տնօրեն Լա Մար Թեյլորի հետ միասին[4]։

2021 թվականի նոյեմբերի 22-ին HBO-ն պատվիրել է հեռուստասերիալի առաջին եթերաշրջանը՝ բաղկացած վեց սերիաներից։ Հեռուստաալիքը նաև հայտարարեց, որ սերիալի վեց սերիաների ռեժիսորն էլ հանդես է գալու Էմի Սեյմեցը[1], սակայն 2022 թվականի ապրիլի 26-ին հայտնի դարձավ, որ Սեյմեցը լքել է նախագիծը[5]։

Քասթինգ

խմբագրել

Սկզբնական հայտարարություններին զուգահեռ Տեսֆայեն նաև հայտնել է, որ նա հանդես է գալու սերիալի գլխավոր դերում[6]։ 2021 թվականի սեպտեմբերի 29-ին Լիլի-Ռոուզ Դեփը հաստատեց սերիալում իր մասնակցությունը[7]։ Նոյեմբերի 22-ին Սյուզաննա Սոնը, Սթիվ Զիսիսն ու Թրոյ Սիվանը[8], իսկ դեկտեմբերի 2-ին՝ Ջուլիբեթ Գոնսալեսը միացել են հեռուստասերիալի գլխավոր կազմին[9]։ 2022 թվականի ապրիլի 27-ին հայտնի դարձավ, որ Սոնը լքել է դերասանական կազմը և նրան փոխարինել է Դեբի Ռայանը[10]։

Նկարահանումներ

խմբագրել

Նկարահանման շրջանը սկսվել է 2021 թվականի նոյեմբերին Լոս Անջելեսի շրջակայքում[11]։ 2022 թվականի ապրիլին արտադրությունը որոշ ժամանակով դադարեցվել էր, քանի որ Տեսֆայեն ելույթ էր ունենալու «Քոուչելլա» փառատոնում[12]։ Ապրիլի 25-ին «Variety»-ն հայտնել է, որ շոուն վերամշակվել է, ինչպես նաև ենթարկվել է նշանակալի վերանկարահանումների՝ դերասանական կազմի և ստեղծագործական ուղղությունների փոփոխության պատճառով[13]։

Ծանոթագրություններ

խմբագրել
  1. ↑ 1,0 1,1 Otterson, Joe (2021 թ․ նոյեմբերի 22). «The Weeknd's HBO Series 'The Idol' Gets Greenlight, Adds Eight to Cast Including Troye Sivan and Anne Heche». Variety. Վերցված է 2021 թ․ նոյեմբերի 22-ին.
  2. ↑ Nemetz, Dave (2021 թ․ հունիսի 29). «The Weeknd to Star in, Co-Create HBO Cult Drama From Euphoria Creator». TVLine (ամերիկյան անգլերեն). Վերցված է 2022 թ․ հունվարի 17-ին.{{cite web}}: CS1 սպաս․ url-status (link)
  3. ↑ White, Peter (2021 թ․ հունիսի 29). «The Weeknd To Star In & Write Pop Singer Cult Drama Series 'The Idol' With Sam Levinson In The Works At HBO». Deadline Hollywood (ամերիկյան անգլերեն). Վերցված է 2021 թ․ նոյեմբերի 23-ին.{{cite web}}: CS1 սպաս․ url-status (link)
  4. ↑ Otterson, Joe (2021 թ․ հունիսի 29). «The Weeknd to Star in, Co-Write Cult Series in the Works at HBO With 'Euphoria' Creator». Variety. Վերցված է 2021 թ․ նոյեմբերի 22-ին.
  5. ↑ White, Peter (2022 թ․ ապրիլի 26). «'The Idol': Director Amy Seimetz Exits Amid Overhaul Of HBO Drama Series». Deadline Hollywod (ամերիկյան անգլերեն). Վերցված է 2022 թ․ ապրիլի 26-ին.
  6. ↑ Mamo, Heran (2021 թ․ հունիսի 29). «The Weeknd to Star In & Co-Write New HBO Series With 'Euphoria' Creator». Billboard (ամերիկյան անգլերեն). Վերցված է 2022 թ․ հունվարի 17-ին.{{cite web}}: CS1 սպաս․ url-status (link)
  7. ↑ Andreeva, Nellie (2021 թ․ սեպտեմբերի 29). «Lily-Rose Depp Joins The Weeknd In 'The Idol' Drama Series In Works At HBO». Deadline Hollywood. Վերցված է 2021 թ․ հոկտեմբերի 2-ին.{{cite web}}: CS1 սպաս․ url-status (link)
  8. ↑ «The Weeknd's HBO Series The Idol Casts Troye Sivan and TV on the Radio's Tunde Adebimpe». Pitchfork (ամերիկյան անգլերեն). 2021 թ․ նոյեմբերի 23. Վերցված է 2021 թ․ նոյեմբերի 23-ին.
  9. ↑ Petski, Denise (2021 թ․ դեկտեմբերի 2). «'The Idol': HBO's Music Industry Drama Series Adds Six To Cast». Deadline Hollywood. Վերցված է 2021 թ․ դեկտեմբերի 2-ին.
  10. ↑ White, Peter (2022 թ․ ապրիլի 27). «'The Idol': Suzanna Son Not Returning To HBO Drama Series Amid Creative Overhaul». Deadline Hollywood (ամերիկյան անգլերեն). Վերցված է 2022 թ․ ապրիլի 27-ին.
  11. ↑ Holmes, Martin. «HBO Picks Up The Weeknd's Drama 'The Idol' For Full Series, Adds 8 To Cast». TV Insider (ամերիկյան անգլերեն). Վերցված է 2022 թ․ ապրիլի 25-ին.
  12. ↑ «Inside the Weeknd and Swedish House Mafia's very last-minute Coachella collab». Los Angeles Times (ամերիկյան անգլերեն). 2022 թ․ ապրիլի 14. Վերցված է 2022 թ․ ապրիլի 25-ին.
  13. ↑ Hailu, Selome (2022 թ․ ապրիլի 25). «The Weeknd's HBO Drama Series 'The Idol' to Undergo Significant Reshoots». Variety (ամերիկյան անգլերեն). Վերցված է 2022 թ․ ապրիլի 25-ին.

Արտաքին հղումներ

խմբագրել
 Վիքիպահեստն ունի նյութեր, որոնք վերաբերում են «Կուռքը (հեռուստասերիալ)» հոդվածին։
Ստացված է «https://hy.wikipedia.org/w/index.php?title=Կուռքը_(հեռուստասերիալ)&oldid=9486143» էջից