Կինկաժու

Կինկաժու^[1], կամ պոտո^[2] (լատին․՝ Potos flavus), ջրարջերի ընտանիքին պատկանող գիշատիչ կաթնասուն, ապրում է Կենտրոնական և Հարավային Ամերիկայում։ Այս տեսակը բնորոշվում է ըստ մենատիպ Potos ցեղի^[3]։

՞

Կինկաժու

Գիտական դասակարգում

Լատիներեն անվանում

Potos flavus

Հատուկ պահպանություն

Քիչ մտահոգող տեսակ
IUCN 3.1 Least Concern : ???

Արեալ

Արտաքին տեսք

Yawning kinkajou

Կինկաժուն փոքրիկ կատվի չափ է, ունի կլոր գլուխ, կլոր լայնատարած ականջներ, բավականին կառչուն պոչ, որն օգնում է այս տեսակի ներկայացուցիչներին «թռչել» մի ճյուղից մյուսը (սրանով կինկաժուն մասամբ նման է կապիկներին)։ Կարճ դնչիկն ու մեծ աչքերը որոշ չափով հիշեցնում են արջի։ Խիտ թավշյա մորթին մեջքի հատվածում գորշ - շիկակարմրավուն է, իսկ փորի հատվածում՝ դեղնակարմրավուն։ Դունչը մուգ դարչնագույն է կամ սև։ Ջրարջերի ընտանիքի մյուս տեսակներից կինկաժուն տարբերվում է միագույն պոչով, այն մի փոքր ավելի մուգ է, քան՝ մորթու մնացած մասը։

Սնունդ և վարքագիծ

Կինկաժուներն ապրում են ծառերի վրա։ Ցերեկը նրանք թաքնվում են փչակներում, իսկ գիշերը մենակ կամ զույգերով դուրս են գալիս ծառերի ճյուղերի վրա կեր հայթայթելու՝ ցուցաբերելով շարժումների արագություն և ճարպկություն։

Կինկաժուն սնվում է մեծամասամբ մրգերով (մրգերի պլանտացիաներին հասցրած վնասն աննշան է), նեկտարով և մեղրով։ Մրգերից բացի նա ուտում է միջատներ, գորտեր, մողեսներ, թռչնի հավկիթներ և մանր կենդանիներ։

Կինկաժուի կյանքի տևողությունը մոտավորապես 23 տարի է։