Լևոն Տոնականյան
Լևոն Արամի Տոնականյան (մարտի 23, 1911, Արդահան, Կարսի մարզ, Կովկասյան երկրամաս, Ռուսական կայսրություն - 1941, դեկտեմբերի 13), հայ խորհրդային նկարիչ։ Հայրենական մեծ պատերազմի մասնակից։
Լևոն Տոնականյան | |
|---|---|
| Ծնվել է | մարտի 23, 1911 |
| Ծննդավայր | Արդահան, Կարսի մարզ, Կովկասյան երկրամաս, Ռուսական կայսրություն |
| Վախճանվել է | 1941 |
| Մասնագիտություն | նկարիչ |
Կենսագրություն խմբագրել
1927-1930 թվականներին սովորել է Երևանի գեղարվեստա–արդյունաբերական տեխնիկումում, ավարտել Լենինգրադի գեղանկարչության, ճարտարապետության և քանդակագործության ինստիտուտը։ Կամավոր մեկնել է ռազմաճակատ։ Զոհվել է Հայրենական մեծ պատերազմում։ Հեղինակ է բնանկարների, նատյուրմորտների, դիմանկարների, գրաֆիկական աշխատանքների։ Նրան առանձնապես հրապուրել են Երևանի հին ու նոր թաղամասերի գողտրիկ անկյունները, վերակառուցվող մայրաքաղաքի կյանքը։ Լավագույն գործերից են՝ «Սահմանապահներ» կոմպոզիցիան, Կոնդ թաղամասի պատկերները, «Ինքնանկար»-ը (բոլորը՝ Հայաստանի պետական պատկերասրահում)։ Տոնականյանի արվեստն աչքի է ընկնում կյանքի ճշմարտացի ընկալմամբ, գեղանկարչական հագեցվածությամբ, ձևերի կառուցիկությամբ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |