Լուսինե Բադալյան

Լուսինե Բադալյան;
Ծնվել է	փետրվարի 2, 1980 (44 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական համալսարան, Երևանի պետական բժշկական համալսարան
Մասնագիտություն	հաղորդավար, քաղաքական գործիչ և հեռուստահաղորդավարուհի
Զբաղեցրած պաշտոններ	Հայաստանի Ազգային ժողովի պատգամավոր և Հայաստանի Ազգային ժողովի պատգամավոր
	Lusine Badalyan Վիքիպահեստում

Լուսինե Բադալյան (մականունը՝ Լուլու^[1], փետրվարի 2, 1980(1980-02-02), Երևան, Հայկական ԽՍՀ, ԽՍՀՄ), հայ հաղորդավար, հասարակական գործիչ, արվեստաբան, ՀՀ ԱԺ 7-րդ գումարման պատգամավոր^[2] «Իմ քայլը» խմբակցության անդամ (2019-2021)։ ՀՀ ԱԺ 8-րդ գումարման պատգամավոր, «Քաղաքացիական պայմանագիր» խմբակցության անդամ, առողջապահության հարցերի մշտական հանձնաժողովի նախագահի տեղակալ։

Կրթություն խմբագրել

1996 թվականին ավարտել է Երևանի թիվ 102 հիմնական դպրոցը։ 1997 - 2003 թվականներին սովորել է Երևանի պետական համալսարանի պատմության ֆակուլտետի արվեստաբանության բաժնում՝ ստանալով հայ արվեստի պատմության տեսության մագիստրոսի որակավորում։ 2022 թվականից սովորում է Երևանի պետական բժշկական համալսարանի մագիստրատուրայում։

Աշխատանքային գործունեություն խմբագրել

1998 թվականից որպես լրագրող աշխատում է հայկական ռադիոյում, հեռուստատեսություն և ինտերնետ լրատվականներում։ Որպես պատմության և հասարակագիտության ուսուցիչ աշխատել է նաև 61 միջնակարգ դպրոցում։

Քաղաքական գործունեություն խմբագրել

2018 թվականի սեպտեմբերի 23-ին կայացած Երևանի ավագանու արտահերթ ընտրությունների արդյունքում «Իմ քայլը» դաշինքի համամասնական ցուցակով ընտրվել է Երևան քաղաքի ավագանու անդամ^[3]։

2018 թվականի դեկտեմբերի 9-ին կայացած Ազգային Ժողովի ընտրություններում պատգամավոր է ընտրվել «Իմ քայլը» դաշինքի համապետական ցուցակով։ Առողջապահության և սոցիալական հարցերի մշտական հանձնաժողովի անդամ։

2021 թվականի հունիսի 20-ին կայացած արտահերթ խորհրդարանական ընտրություններում Քաղաքացիական պայմանագիր կուսակցության համապետական ցուցակով ընտրվել է ՀՀ ԱԺ 8-րդ գումարման պատգամավոր։ ԱԺ առողջապահության հարցերի մշտական հանձնաժողովի նախագահի տեղակալ։

Ամուսնացած է, ունի երկու զավակ։

2022 թ. միջադեպը խմբագրել

Այն բանից հետո, երբ մամուլում հայտնվեց տեսահոլովակ, թե ինչպես է Բադալյանը 2022 թ․ հունվարի 28-ին Եռաբլուր պանթեոնում ծիծաղում, նա քննադատության ենթարկվեց զոհված զինծառայողների հարազատների կողմից^[4], Ազգային ժողովի շենքի դիմաց տեղի ունեցավ բողոքի ակցիա^[5]։ Մի քանի օր անց Բադալյանը ներողություն խնդրեց Եռաբլուրում «լայն ժպտալու» համար և մեղադրեց լրատվամիջոցներին գաղտնի տեսանկարահանման համար^[6]։

Ծանոթագրություններ խմբագրել

[1] «Լուսինե Բադալյան (Լուլու). «Երբ ծերանամ, ես ինքս իմ ոտքով գնալու եմ ծերանոց» (Տեսանյութ)».

[mfa-2] «ԿԸՀ-ն հաստատեց ԱԺ պատգամավորների անվանացանկը․ ովքեր են լինելու «Իմ քայլը» խմբակցության պատգամավորները».

[3] «Ովքեր են Երեւանի ավագանու կազմ անցած «Իմ քայլը» դաշինքի 57 անդամները».

[4] Լուսինե Բադալյանը չէր ժպտում, հռհռում էր, գիտե՞ր՝ ուր էր եկել. զոհված զինծառայողի քույր. news.am

[5] Լուսինե Բադալյանի պահվածքը պիտի քննվի էթիկայի հանձնաժողովում, Կ․ Մարտիրոսյան, Հրապարակ օրաթերթ

[6] Լուսինե Բադալյանը ներողություն է խնդրել «Եռաբլուրում» «լայն ժպտալու» համար, մեղադրել լրատվամիջոցներին, news.am

[1]

[2]

[3]

[4]

[5]

[6]

Լուսինե Բադալյան

Ծնվել է	փետրվարի 2, 1980(1980-02-02) (44 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական համալսարան, Երևանի պետական բժշկական համալսարան
Մասնագիտություն	հաղորդավար, քաղաքական գործիչ և հեռուստահաղորդավարուհի
Զբաղեցրած պաշտոններ	Հայաստանի Ազգային ժողովի պատգամավոր և Հայաստանի Ազգային ժողովի պատգամավոր
Lusine Badalyan Վիքիպահեստում