Լութֆիյար Իմանով

Լութֆիյար Մուսլիմ օղլի Իմանով (ադրբ.՝ Lütfiyar Müslüm oğlu İmanov, ապրիլի 17, 1928(1928-04-17), Սաբիրաբադ, Ջավադի գավառ, Ադրբեջանական ԽՍՀ, ԱԽՖՍՀ, ԽՍՀՄ - հունվարի 21, 2008(2008-01-21), Բաքու, Ադրբեջան), Ադրբեջանի օպերային երգիչ (Տենոր), պրոֆեսոր, ԽՍՀՄ ժողովրդական արտիստ (1977);

Լութֆիյար Իմանով
Բնօրինակ անուն	ադրբ.՝ Lütfiyar Müslüm öğlu İmanov
Ծնվել է	ապրիլի 17, 1928(1928-04-17) Սաբիրաբադ, Ջավադի գավառ, Ադրբեջանական ԽՍՀ, ԱԽՖՍՀ, ԽՍՀՄ
Երկիր	ԽՍՀՄ և  Ադրբեջան
Մահացել է	հունվարի 21, 2008(2008-01-21) (79 տարեկան) Բաքու, Ադրբեջան
Ժանրեր	օպերա
Մասնագիտություն	օպերային երգիչ, երգիչ և երաժշտության ուսուցիչ
Երգչաձայն	տենոր
Գործիքներ	վոկալ
Կրթություն	Ադրբեջանի մշակույթի և արվեստի պետական համալսարան
Պարգևներ	ԽՍՀՄ ժողովրդական արտիստ, Աշխատանքային Կարմիր դրոշի շքանշան, «Անկախություն» շքանշան, Ադրբեջանական ԽՍՀ ժողովրդական արտիստ և Ադրբեջանական ԽՍՀ վաստակավոր արտիստ

Կենսագրություն

Լութֆիյար Իմանովը ծնվել է 1929 թվականի ապրիլի 17-ին Սաբիրաբադում: Առաջին անգամ 1943 թվականին հանդես է եկել որպես դերասան Սաբիրաբադի պետական դրամատիկական թատրոնում: 18 տարեկանում նա թատերական ասոցիացիայի ղեկավարն էր: 1948 թվականից աշխատել է որպես Սաբիրաբադ քաղաքի մշակույթի տան գեղարվեստական ղեկավար: 1957 թվականին ավարտել է Ասաֆ Զեյնալլու անվան Բաքվի երաժշտական դպրոցի (ներկա Բաքվի երաժշտական ակադեմիա) վոկալ բաժինը: 1968 թվականին ավարտել է Ադրբեջանի մշակույթի և արվեստի համալսարանի թատրոնի ֆակուլտետը: 1954-1956 թվականներին եղել է Ադրբեջանի հեռուստատեսության և ռադիոյի երգչախմբի մենակատար: 1956-1957 թվականներին եղել է Ադրբեջանի պետական էստրադային նվագախմբի մենակատար: 1956-1959 թվականներին աշխատել է Ադրբեջանի պետական երաժշտական կոմեդիայի թատրոնում: Առաջին անգամ գլխավոր դերն է խաղացել 1957 թվականին Մոսկվայում Ուզեիր Հաջիբեկովի «Քյոռօղլի» օպերայում: 1958 թվականից մինչև իր կյանքի ավարտը նա եղել է Ադրբեջանի պետական ակադեմիական օպերայի և բալետի թատրոնի մենակատար:

1980 և 1985 թվականներին ընտրվել է Ադրբեջանական ԽՍՀ Գերագույն խորհրդի անդամ: Լութֆիյար Իմանովը մահացել է 2008 թվականի հունվարի 21-ին Բաքվում:

Կոչումներ ու պարգևներ

• Ադրբեջանական ԽՍՀ-ի վաստակավոր արտիստ (1959),
• Ադրբեջանական ԽՍՀ-ի ժողովրդական արտիստ (1967),
• ԽՍՀՄ ժողովրդական արտիստ (1977),
• Աշխատանքային կարմիր դրոշի շքանշան,
• «Փառքի» շքանշան,
• «Անկախության» օրդեն;