Լերմոնտովո (գյուղ, Լոռու մարզ)

Լերմոնտովո
Գյուղ
	Լերմոնտովո
Երկիր	Հայաստան
Մարզ	Լոռի
Համայնք	Լերմոնտովո համայնք
Հիմնադրված է	1844 թ.
ԲԾՄ	1825 մ
Պաշտոնական լեզու	Հայերեն
Բնակչություն	933 մարդ (2004)
Ժամային գոտի	UTC+4
	Լերմոնտովո (գյուղ, Լոռու մարզ) (Հայաստան)
	Լերմոնտովո (գյուղ, Լոռու մարզ) (Հայաստան)
	Լերմոնտովո Վիքիպահեստում

Անվան այլ կիրառումների համար տե՛ս՝ Լերմոնտովո (այլ կիրառումներ)

Չշփոթել Լերմոնտովո (համայնք, Լոռու մարզ) հոդվածի հետ։

Լերմոնտովո, գյուղ Հայաստանի Հանրապետության Լոռու մարզի Լերմոնտովո համայնքում^[2]։

Ծովի մակարդակից 1825 մ բարձրության վրա, Աղստև գետի ձախ կողմում։ Գտնվում է մարզկենտրոն Վանաձորից մոտ 11 կմ հարավ-արևմուտք։

Գյուղը, որն ի սկզբանե կոչվել է Վոսկրեսենովկա, հիմնվել է 1840 թվականին Ցարական Ռուսաստանի Սարատովի և Տամբովի նահանգներից տեղափոխված ռուսների կողմից։ Լերմոնտովո է վերանվանվել 1941 թվականի հուլիսի 5-ին։ Աքսորված ընտանիքները հիմնավորվել են այստեղ, և այժմ կազմում են բնակչության 80%-ը։ Համայնքում ապրում են նաև հայեր՝ 15% և եզդիներ՝ 5%։ Բնակչությունն զբաղվում է անասնապահությամբ, հացահատիկի, կարտոֆիլի և կերային կուլտուրաների մշակությամբ։

Բնակչություն խմբագրել

Ներկայիս Լերմոնտովոն իրենից ներկայացնում է բավականին զարգացած համայնք՝ 2001 թվականին սոցիալական ներդրումների ծրագրով անց է կացվել ջրագիծ, 2006 թվականին գյուղը գազաֆիկացվել է, 2010 թվականին լուծվել է համայնքի փողոցների լուսավորության հարցը։ Համայնքում գուրծում է Մշակույթի կենտրոնը, որտեղ կազմակերպվում են տարբեր միջոցառումներ, գործում է նաև գրադարան։ Գյուղում առկա է միջնակարգ դպրոցը՝ որտեղ կան հայկական և ռուսական դասարաններ։ Դպրոցը հիմնովին վերանորոգվել է պետական բյուջեի միջոցներով։ 2011 թվականինի սկզբից կազմակերպվել է գյուղի աղբահանման հարցը, տեղադրվել են ծածկականգառներ։ Առաջիկա պլաններում է գյուղամիջյան ճանապարհների կապիտալ վերանորոգումը, մանկական խաղահրապարակի և մանկապարտեզի նոր մասնաշենքի կառուցումը։

Ըստ ՀՀ 2011 թ. մարդահամարի արդյունքների՝ Լերմոնտովոյի մշտական բնակչությունը կազմել է 912, առկա բնակչությունը՝ 791 մարդ^[3], բնակչության փոփոխությունը ժամանակի ընթացքում` ստորև.

Տարի	Բնակչություն
1873	724 մարդ	^[4]
1897	587 մարդ	^[4]
1926	836 մարդ	^[4]
1939	1120 մարդ	^[4]
1959	1222 մարդ	^[4]
1970	1297 մարդ	^[4]
1979	1149 մարդ	^[4]
1989	1439 մարդ	^[5]
2001	914 մարդ	^[4]
2011	912 մարդ	^[6]