Վիքիպեդիա

Լետիսիա

Լետիսիա (ծննդյամբ Լետիսիա Օրտիս Ռոկասոլանո, իսպ.՝ Letizia Ortiz Rocasolano սեպտեմբերի 15, 1972(1972-09-15)[1][2], Օվիեդո, Աստուրիա[3]), Իսպանիայի կոնսորտ թագուհի, Ֆիլիպ VI թագավորի կինը։

Լետիսիա
իսպ.՝ Letizia Ortiz
Դիմանկար
Ծնվել էսեպտեմբերի 15, 1972(1972-09-15)[1][2] (51 տարեկան)
ԾննդավայրՕվիեդո, Աստուրիա[3]
Քաղաքացիություն Իսպանիա
ԱզգությունMediterranean race?
Մայրենի լեզուիսպաներեն
Կրոնկաթոլիկություն[4]
ԿրթությունFaculty of Information Sciences (Complutense University of Madrid)? (1995) և Instituto Ramiro de Maeztu? (1990)
Մասնագիտությունլրագրող, հեռուստահաղորդավարուհի, ազնվական և ռազմական թղթակից
ԱշխատավայրRTVE, Grupo PRISA, Agencia EFE?, Vocento, Prensa Ibérica? և Siglo 21 (Mexican newspaper)?
ԱմուսինԱստուրայի արքայազն Ֆելիպե VI
Ծնողներհայր՝ Jesús José Ortiz Álvarez?[1], մայր՝ Paloma Rocasolano Rodríguez?[1]
Զբաղեցրած պաշտոններConsort of Spain?
Պարգևներ և
մրցանակներ
ԱնդամությունAcademy of Television and Audiovisual Arts and Sciences of Spain?[6] և Asociación de la Prensa de Madrid?
ԵրեխաներLeonor, Princess of Asturias?[1] և Infanta Sofía of Spain?[1]
Ստորագրություն
Изображение автографа
 Queen Letizia of Spain Վիքիպահեստում

Կրթություն և կարիերա խմբագրել

Տիկին Լետիսիան լրագրող Խեսուս Խոսե Օրտիս Ալվարեսի և բուժքույր Մարիա Պալոմա Ռոկասոլանո Ռոդրիգեսի ավագ դուստրն է։ 1972 թվականի սեպտեմբերի 29-ին տեղի է ունեցել Լետիսիայի մկրտությունը։ Շուտով լույս աշխարհ են եկել նրա երկու կրտսեր քույրերը՝ Թելաման և Էրիկան։ Նրանց ծնողները բաժանվել են 1987 թվականին։

Լետիսիան սովորել է Օվեդոյի La Gesta 1 պետական դպրոցում, որից հետո ընտանիքը տեղափոխվել է Մադրիդ։ Երբ նա եղել է ընդամենը 10 տարեկան, մասնակցել է Antena 3 ռադիոյի «El Columpio» հաղորդմանը։ Մադրիդում Լետիսիան ավարտել է Ramiro de Maeztu-ի միջնակարգ դպրոցը։ Այնուհետև նա ընդունվել է աշխարհի ամենահին համալսարաններից մեկը՝ Մադրիդի Կոմպլուտենսե համալսարանը, որտեղ նա ստացել է լրագրողության բակլավարի և մագիստրոսի կոչում։ Համալսարանում սովորելու ընթացքում եղել է ինտերն «La Nueva España», «ABC» թերթերում և EFE լրատվական գործակալությունում։ Համալսարանն ավարտելուց հետո որոշ ժամանակ անց Լետիսիան աշխատել է Մեքսիկայի «Siglo XXI» թերթում։ Վերադառնալով Իսպանիա՝ նա իր կարիերան շարունակել է Մայքլ Բլումբերգի տնտեսական հեռուստաալիքի իսպանական բաժանմունքում, որից հետո տեղափոխվել CNN+ հեռուստաընկերություն։

2000 թվականին Լետիսիան ստացել է Մադրիդի մամուլի ասոցիացիայի Premio Mariano José de Larra մրցանակը։ Այս մրցանակը շնորհվել է մինչև 30 տարեկան երիտասարդ լրագրողներին՝ բացառիկ մասնագիտական նվաճումների համար։

2003 թվականի օգոստոսին Լետիսիան դարձել է TVE հեռուստաալիքի «Telediario» ամենօրյա երեկոյան լրատվական ծրագրի հաղորդավարը, որտեղ նա 2000 թվականից աշխատել է որպես հեռուստալրագրող։

Առաջին ամուսնություն խմբագրել

1999 թվականի օգոստոսի 7-ին Լետիսիան ամուսնացել է Ալոնսո Գերերո Պերեսի՝ իր դպրոցական գրականության ուսուցչի հետ, որի հետ հանդիպել էր 10 տարի։ Ամուսնությունը գրանցվել է միայն քաղաքապետարանում և 2000 թվականին ավարտվել է ամուսնալուծությամբ։

Նշանադրություն և հարսանիք Աստուրիայի արքայազնի հետ խմբագրել

 
Արքայազն ու Աստուրիայի արքայադուստրը՝ 2009 թվականի զինվորական շքերթի ժամանակ

2003 թվականի նոյեմբերի 1-ին թագավորական պալատը բոլորի համար անսպասելիորեն հայտարարել է Աստուրիայի արքայազն Ֆիլիպ VI-ի և լրագրող Լետիսիա Օրտիս Ռոկասոլանոյի առաջիկա նշանադրության մասին։

2003 թվականի նոյեմբերի 6-ին, ժամը 12։30-ին տեղի է ունեցել նրանց հանդիսավոր նշանադրությունը։ Ֆիլիպ VI-ը հարսնացուին նվիրել է սպիտակ ոսկուց պատրաստված ամուսնական մատանի, իսկ Լետիսիյան նրան հանձնել է սպիտակ ոսկուց պատրաստված շափյուղաներով ճարմանդներ և իսպանական գրականության դասական Մարիանո Խոսե դե Լարայի գիրքը։ Այնուհետև Ֆիլիպ VI-ը և Լետիսիյան մասնակցել են մամուլի ասուլիսին՝ աշխարհի ավելի քան 10 երկրներից 250 լրագրողների համար։ Նշանադրությունից հետո Լետիսիյան տեղափոխվել է Սարսուել պալատ։

Քանի որ Լետիսիայի առաջին ամուսնությունը եկեղեցական չէր, կաթոլիկ եկեղեցին դեմ չէր Աստուրիայի արքայազնի հետ նրա ամուսնությանը։

2004 թվականի մայիսի 22-ին Մադրիդի Ալմուդենա Մայր տաճարում տեղի է ունեցել նրանց ամուսնությունը։ Պսակադրությունը հեռարձակվել է բազմաթիվ երկրների հեռուստաալիքներով, որոնք էկրանների մոտ են հավաքել աշխարհի շուրջ 1,5 միլիարդ հեռուստադիտողի։ Հարսնացուն խորանի առջև հայտնվել է Մանուել Պերտեգասի սպիտակ հարսանեկան զգեստով՝ գրեթե 5 մետր երկայնափեշով և մետաքսյա հարսնաքողով։

Երեխաներ խմբագրել

2005 թվականի հոկտեմբերի 31-ին Մադրիդի Ռուբեր կլինիկայում արքայադուստրը և Աստուրիայի արքայազնը ունեցել են դուստր՝ Նորին թագավորական մեծություն ինֆանտ Լեոնորը։ 2006 թվականի հունվարի 14-ին տեղի է ունեցել Լեոնորի մկրտությունը, նրա կնքահայրը եղել է Իսպանիայի թագավոր Խուան Կառլոս I Բուրբոնն և Իսպանիայի թագուհի Սոֆյան։

2006 թվականի սեպտեմբերի 25-ին Իսպանիայի թագավորական պալատը հայտնել էր, որ Աստուրիայի արքայազն ու արքայադուստրը սպասում են երկրորդ երեխայի լույս աշխարհ գալուն (2007 թվականի մայիսին)։ Լետիսիայի երկրորդ հղիության ժամանակ Օրտիսի ընտանիքում ողբերգություն է տեղի ունեցել. արքայադստեր կրտսեր քույրը՝ 31-ամյա Էրիկ Օրտիս Ռոկասոլանոն, ընդունելով տրանկվիլիզատորների մեծ չափաբաժին մահացել է։ Շատ լրատվամիջոցներ նշում էին ինքնասպանությունը։

2007 թվականի ապրիլի 29-ին Մադրիդի Ռուբեր կլինիկայում արքայադուստր Լետիսիան և Աստուրիայի արքայազն ունեցել են երկրորդ դուստրը՝ Նորին թագավորական մեծություն՝ ինֆանտա Սոֆյան, որին անվանել են տատի՝ Իսպանիայի թագուհի Սոֆյայի պատվին։ Ինֆանտի մկրտությունն տեղի է ունեցել 2007 թվականի հուլիսի 15-ին։

Մրցանականեր խմբագրել

Իսպանիայի մրցանակներ

Երկիր Հանձման ամսաթիվ Մրցանակ Լիտեր
  Իսպանիա 2004 թվական մայիսի 21[7] Կարլոս III խաչի շքանշանի Մեծ տիկին
  Իսպանիա 2014 թվական հունիսի 19 Մարիա Լուիզա թագուհու շքանշանի Մեծ մագիստրոս

Օտարերկրյա պետությունների մրցանակներ

Երկիր Հանձնման ամսաթիվ Մրցանակ Լիտեր
  Պերու 2004 թվական հուլիսի 5 Արևի շքանշանի Մեծ խաչի տիկին
  Լատվիա 2004 թվական հոկտեմբերի 16[8] Երեք աստղի շքանշանի Մեծ խաչի տիկին
  Հունգարիա 2005 թվական հուվարի 31[9] Արժանիքների շքանշանի Մեծ խաչի տիկին
  Պորտուգալիա 2006 թվական սեպտեմբերի 25[10] Քրիստոսի շքանշանի Մեծ խաչի տիկին GCC
  Էստոնիա 2007 թվական հուլիսի 9[11] Մարիամի երկրի խաչի շքանշան
  Ռումինիա 2007 թվական նոյեմբերօ 26 «Հավատարիմ ծառայության համար» շքանշանի Մեծ խաչի տիկին
  Ֆիլիպիններ 2007 թվական դեկտեմբերի 3 Ոսկե սրտի շքանշանի Մեծ խաչի տիկին
  Պանամա 2008 թվական նոյեմբերի 24 Վասկո Նունեսա դե Բալբոսա շքանշանի Մեծ խաչի տիկին
  Արգենտինա 2009 թվական փետրվարի 9 Սան-Մարտինը ազատագրողի շքանշանի Մեծ խաչի տիկին
  Ֆրանսիա 2009 թվական ապրիլի 27 «Արժանիքների համար» ազգային շքանշանի Մեծ խաչի տիկին
  Լիբանան 2009 թվական հոկտեմբերի 19 Արժանիքների շքանշանի ժապավենի Մեծ տիկին
  Չիլի 2011 թվական մարտի 7 Արժանիքների շքանշանի Մեծ խաչի տիկին
  Մարոկկո 2014 թվական հուլիսի 14 Մուհամադիա շքանշանի հատուկ դասի տիկին
  Նիդերլանդներ 2014 թվական հոկտեմբերի 15 Թագի շքանշանի Մեծ խաչի տիկին
  Մեքսիկա 2015 թվական հունիսի 26 Հատուկ դասի Մեծ խաչի տիկին Ացտեկական արծվի շքանշանի
2008-2015 թվականներ հունիսի 11-26 Մեծ խաչի տիկին
  Պերու 2015 թվական հուլիսի 7[12] Արժանիքների շքանշանի Մեծ խաչի տիկին
  Ճապոնիա 2017 թվական մարտի 31[13] Թանկարժեք թագի 1 կարգի շքանշանի Մեծ խաչի տիկին
  Պորտուգալիա 2018 թվական ապրիլի 15 Ազատության շքանշանի Մեծ խաչի տիկին GCL

Ծանոթագրություն խմբագրել

  1. ↑ 1,0 1,1 1,2 1,3 1,4 1,5 1,6 1,7 1,8 Lundy D. R. The Peerage
  2. ↑ 2,0 2,1 Munzinger Personen (գերմ.)
  3. ↑ 3,0 3,1 3,2 Deutsche Nationalbibliothek Record #129530409 // Gemeinsame Normdatei (գերմ.) — 2012—2016.
  4. ↑ https://www.vanitatis.elconfidencial.com/casas-reales/2016-11-23/letizia-reina-relacion-religion_1293705/#:~:text=La%20Reina%20era%20una%20agn%C3%B3stica,siguen%20escaseando%20en%20su%20agenda
  5. ↑ 5,0 5,1 http://www.ordens.presidencia.pt/?idc=154
  6. ↑ https://www.elconfidencialdigital.com/articulo/medios/reina-letizia-abandona-academia-television-indicacion-zarzuela/20190220212754122044.html
  7. ↑ El Gobierno concede la Gran Cruz de Carlos III a doña Letizia(իսպ.)
  8. ↑ Ar Triju Zvaigžņu ordeni apbalvoto personu reģistrs apbalvošanas secībā, sākot no 2004. gada 1.oktobra Արխիվացված 2013-05-12 Wayback Machine(լատիշերեն)
  9. ↑ «Фото принцессы Летисии с венгерским орденом Заслуг». Արխիվացված օրիգինալից 2013 թ․ հունվարի 19-ին. Վերցված է 2013 թ․ հունվարի 19-ին.
  10. ↑ Иностранцы — кавалеры Португальских орденов Արխիվացված 2010-08-03 Wayback Machine(պորտ.)
  11. ↑ Указ Президента Эстонской Республики от 8 июля 2007 года № 168 // Сайт президента Эстонии(անգլ.)
  12. ↑ «Coronada por un Varela azul noche». Արխիվացված է օրիգինալից 2015 թ․ հուլիսի 13-ին. Վերցված է 2015 թ․ հոկտեմբերի 6-ին.
  13. ↑ «外国人勲章受章者名簿（フェリペ6世スペイン国王陛下，レティシア王妃陛下ほか20名に対する相互儀礼叙勲）» (ճապոներեն). 外務省. Վերցված է 2017 թ․ ապրիլի 4-ին.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Լետիսիա» հոդվածին։
Ստացված է «https://hy.wikipedia.org/w/index.php?title=Լետիսիա&oldid=9420855» էջից