Լեոնա Պարամինսկի

Լեոնա Պարամինսկի (սերբախորվաթ․՝ Leona Paraminski, օգոստոսի 22, 1979(1979-08-22), Զագրեբ, Խորվաթիայի Սոցիալիստական Հանրապետություն, ՀՍՖՀ), թատրոնի, կինոյի և հեռուստատեսության խորվաթ դերասանուհի։ Մեծացել է Զագրեբի մոտակայքում գտնվող Վրբովեց քաղաքում։ Մանուկ հասակում ճամփորդել է Խորվաթիայում և Գերմանիայում։

Լեոնա Պարամինսկի
Ծնվել է	օգոստոսի 22, 1979(1979-08-22) (45 տարեկան)
Ծննդավայր	Զագրեբ, Խորվաթիայի Սոցիալիստական Հանրապետություն, ՀՍՖՀ
Կրթություն	Զագրեբի դրամատիկական արվեստի ակադեմիա
Քաղաքացիություն	Խորվաթիա
Մասնագիտություն	դերասանուհի

Կենսագրություն

Լեոնա Պարամինսկին ծնվել է 1979 թվականին, Զագրեբում։ Արվեստով և սպորտով հետաքրքրվել է մանուկ հասակից։ Տարրական և միջնակարգ դպրոցում եղել է դերասանական խմբի կազմում. առաջին դերը խաղացել է Մոխրոտը հեքիաթի բեմադրությունում։ Դպրոցական տարիներին նաև երգել է երգչախմբում, ակտիվորեն ներգրավվել է ժամանակակից և դասական պարեր համատեղող պարային խմբում, ինչպես նաև զբաղվել է կարատեով և թենիսով։

18 տարեկանում Լեոնան ընդունվել է Զագրեբի համալսարանի դրամատիկական արվեստի ակադեմիա։ Ուսանողական տարիներին Vinko na krovu ֆիլմում մարմնավորած դերի համար արժանացել է F.R.K.A. մրցանակի լավագույն դերասանուհի անվանակարգում։ Գեղարվեստական ֆիլմում առաջին անգամ նկարահանվել է 1999 թվականին՝ «Մադոննա» (Բոգորոդիկա, ռեժիսոր՝ Նևեն Հիտրեկ) ֆիլմում։ Համալսարանն ավարտել է 2001 թվականին։ Մեկ տարի անց արժանացել է Խորվաթիայի ամենահայտնի կինոմրցանակին` «Ոսկե արենայի»՝ լավագույն դերասանուհու համար 2002 թվականին Պուլայի կինոփառատոնում, «Ձմեռը Ռիոյում» գեղարվեստական ֆիլմում մարմնավորած դերի համար (Prezimiti u Riu, 2002):

Լեոնան կինոյում և հեռուստահաղորդումներում մարմնավորել է տարբեր դերեր։ Առաջատար դերերով հաճախ հանդես է գալիս թատրոնում՝ մարմնավորելով ուժեղ և հզոր կանանց կերպարներ։ Լեոնան նաև արժանացել է երեք միջազգային մրցանակների Դալիբոր Մատանիչի կարճամետրաժ ֆիլմերում լավագույն դերասանուհու համար։ Լեոնա Պարամինսկին հանդես է եկել որպես հեռուստահաղորդավար, նրան կարելի է տեսնել որպես արարողությունների և փառատոների հաղորդավար, ինչպես նաև ներգրավված է բարեգործության աշխատանքների մեջ։

Լեոնան Խորվաթիայի ազգային թատրոնի անդամ է։ 2012 թվականի մայիսին ամուսնացել է Թին Կոմլենովիչի հետ։

Ընտրյալ ֆիլմագրություն

• «Մադոննա» (Bogorodica, 1999)
• «Četverored» (1999)
• «Սելեստիալ մարմին» (Nebo, sateliti, 2001)
• «Դանդաղ անձնատուր լինել» (Polagana predaja, 2001)
• «Ձմեռը Ռիոյում» (Prezimiti u Riu, 2002)
• «Հիսուսի հասարակությունը» (Družba Isusova, 2004)
• «Սեքս, խմիչք և արյունահեղություն» (2004)
• «Իրական հրաշք» (Pravo čudo, 2007)