Թոմաս Մյուրե

Թոմաս Մյուրե (նորվ.՝ Thomas Harald Myhre հոկտեմբերի 16, 1973(1973-10-16), Սարպսբորգ, Նորվեգիա), նորվեգացի ֆուտբոլիստ, խաղում է դարպասապահի դիրքում։ Հանդես է եկել Նորվեգիայի ազգային հավաքականում։ 1998 թվականի աշխարհի և 2000 թվականի Եվրոպայի առաջնությունների մասնակից։

Թոմաս Մյուրե Թոմաս Հարալդ Մյուրե
Անձնական տվյալներ
Քաղաքացիությունը	Նորվեգիա
Ծննդյան ամսաթիվ	հոկտեմբերի 16, 1973(1973-10-16) (50 տարեկան)
Ծննդավայր	Սարպսբորգ, Նորվեգիա
Հասակ	188
Դիրք	Դարպասապահ
Ակումբային տեղեկություններ
Ներկա ակումբ	Ավարտել է կարիերան
Պատանեկան կարիերա
Մոսս
Մասնագիտական կարիերա*
Տարի	Ակումբ	Խաղ	(Գոլ)
1992 Մոսս 1993—1997 Վիկինգ 94 (−?) 1997—2001 Էվերթոն 70 (−85) 1999 Ռեյնջերս 3 (−?) 2000 Բիրմինգհեմ Սիթի 7 (−?) 2000 Տրանմիր Ռովերս 3 (−?) 2001 Կոպենհագեն 14 (−?) 2001—2002 Բեշիկթաշ 13 (−?) 2002—2005 Սանդերլենդ 37 (−34) 2003—2004 Քրիսթալ Փելաս 15 (−19) 2005 Ֆրեդրիկստադ 3 (−4) 2005—2007 Չարլտոն Աթլետիկ 21 (−26) 2007—2010 Վիկինգ 46 (−59) 2010—2011 Կոնգսվինգեր 20 (−40)
Ազգային հավաքական
1998—2007 Նորվեգիա 56 (−?)
Պարգևացանկ Kniksen Award for goalkeeper of the year?
* Մասնագիտական կարիերայում ընդգրկված են միայն առաջնության խաղերը և գոլերը:

Կենսագրություն

Ակումբային կարիերա

Մյուրեն իր ֆուտբոլային կարիերան սկսել է «Մոսե» ֆուտբոլային ակումբում, հետագայում՝ 1993 թվականին, տեղափոխվել է «Վիկինգ» ֆուտբոլային ակումբ։ Երիտասարդ դարպասապահը ոչ միայն խաղում էր ակումբի հիմնական կազմում, այլ նաև Նորվեգիայի երիտասարդական հավաքականում։ Մյուրեն բաց է թողել 1996 թվականի մրցաշրջանը վնասվածքի պատճառով, իսկ 1997 թվականին տեղափոխվել է անգլիական «Էվերթոն»։

Էվերթոնում Մյուրեն «Համար առաջին» դարպասապահն էր։ 1999 թվականին ունենալով ֆինանսական խնդիրներ, նա որոշեց փոխել ակումբը։ Մյուրեն Անգլիայի Շոտլանդիայի և Դանիայի ուշադրության կենտրոնում էր։ 2001 թվականին տեղափոխվել է թուրքական «Բեշիկթաշ», բայց մեկ մրցաշրջան անց դուրս է եկել ակումբից և վերադարձել Անգլիա։ 2002 թվականի հուլիսին Մյուրեն «Սանդերլենդի» ֆուտբոլիստ էր։ Այնտեղ նա ստիպված է եղել նստել պահեստայինների նստարանին, այդ իսկ պատճառով վարձակալության է դուրս եկել։ Սյորենսենի հեռացումից հետո Մյուրեն անցկացրել է 2004/2005 մրցաշրջանը, խաղալով 31 խաղ։

2005 թվականի հունիսին Մյուրեի պայմանագիրը «Սանդերլենդի» հետ ավարտվեց։ 2005 թվականի հուլիսի 21-ին Մյուրեն տեղափոխվեց «Ֆրեդրիկստադ»։ 2005 թվականի օգոստոսի 8-ին նա երկամյա պայմանագիր ստորագրեց «Չարլտոն Ատլետիկի» հետ։ 2006/2007 մրցաշրջանում Մյուրեն համարվում էր ակումբի «համար երկրորդ» դարպասապահը (առաջինը Սքոթ Կարսոնն էր)։

2007 թվականին Մյուրեն վերադարձավ «Վիկինգ» ֆուտբոլային ակումբ։ Նա վնասվածքի պատճառով շատ խաղ չխաղաց, և բաց թողեց 2008 թվականի մրցաշրջանը։ 2010 թվականի փետրվարին ակումբը խզեց պայմանագիրւ Մյուրեի հետ, այդ իսկ պատճառով Մյուրեն տեղափոխվեց «Կոնգսվիգեր» ակումբ։

Կարիերան ազգային հավաքականում

Երիտասարդական հավաքականում Մյուրեն անցկացրել է 27 հանդիպում։ Նորամուտը կայացել է 1998 թվականի ապրիլի 22-ին Կոպենհագենում, Դանիայի հետ կայացած խաղում։ Խաղում Նորվեգիան 2:0 հաղթել է Դանիային։ Այդ խաղից հետո Մյուրեին ընտրեցին հանդես գալու 1998 թվականի աշխարհի առաջնությանը։ 2000 թվականի Եվրոպայի առաջնությունում նա անցկացրել է 3 խաղ։ Խաղացել է Իսպանիայի, Սլովենիայի դեմ (Մյուրեն ոչ մի գնդակ չի ընդունել սեփական դարպասը) և Հարավսլավիայի դեմ որտեղ Սավո Միլոշեվիչը դարձավ գոլի հեղինակ։ 2004 թվականի Եվրոպայի առաջնությունում Մյուրեն վնասվածքի պատճառով խաղացել է ընդամենը 1 խաղ։ 2006 թվականի աշխարհի առաջնությունում Մյուրեն 12 խաղից խաղացել է 11-ը։

Արտաքին հղումներ

• Ցուցանիշները soccerbase.com կայքում (անգլ.)
• Վիճակագրութունը National Football Teams կայքում(անգլ.)
• Պրոֆիլը transfermarkt.com կայքում(անգլ.)

Վիքիպահեստն ունի նյութեր, որոնք վերաբերում են «Թոմաս Մյուրե» հոդվածին։