Էմմա Թոմփսոն

Էմմա Թոմփսոն; անգլ.՝ Emma Thompson
Ծնվել է	ապրիլի 15, 1959[…] (65 տարեկան)
Ծննդավայր	Պատինգթոն, Վեստմինստեր, Մեծ Լոնդոն, Անգլիա, Միացյալ Թագավորություն
Կրթություն	Նյունհեմի քոլեջ, Քեմբրիջի համալսարան և The Camden School for Girls?
Քաղաքացիություն	Միացյալ Թագավորություն
Մասնագիտություն	դերասանուհի, հեռուստատեսային դերասանուհի, կինոդերասանուհի, կատակերգու, կինոռեժիսոր, սցենարիստ, թատրոնի դերասանուհի, ձայնային դերասանուհի և գրող
Ընտրանի	Sense and Sensibility?, Գեղեցկուհին և Հրեշը, Փրկել միստր Բենքսին և Խիզախը
Ծնողներ	հայր՝ Էրիկ Թոմփսոն, մայր՝ Ֆիլլիդա Լոու
Ամուսին(ներ)	Գրեգ Ուայզ
Երեխա(ներ)	Tindyebwa Agaba Wise? և Gaia Wise?
Պարգևներ և մրցանակներ	«Օսկար» (1993),(1996) ; «Ոսկե Գլոբուս» (1996, 2009,); BAFTA ( 1993, 1994, 1996, 2004,); «Էմմի» (1998)(2001)

Էմմա Թոմփսոն (անգլ.՝ Dame Emma Thompson, ապրիլի 15, 1959(1959-04-15)^[1]^[2]^[3]^[…], Պատինգթոն, Վեստմինստեր, Մեծ Լոնդոն, Անգլիա, Միացյալ Թագավորություն), բրիտանացի դերասանուհի, կատակերգու և սցենարիստ է։ Ճանաչում ստացել է «Պատերազմի ճակատագիրը» հեռուստասերիալի շնորհիվ։ Արժանացել է երկուական «Օսկարի»-ի, «Ոսկե գլոբուս»-ի, BAFTA-ի մրցանակների «Բանականություն և զգայնություն», «Հովարդս Էնդ» ֆիլմերում կատարած դերերի համար։ Բացի դրանից, դերասանուհին համարվում է BAFTA TV-ի մրցանակաբաշխության դափնեկիր «Պատերազմի ճակատագիրը» հեռուստասերիալի համար, իսկ «Էմմի» մրցանակաբաշխությունում ստացել է լավագույն դերասանուհու անվանակոչում՝ «Էլեն» ֆիլմում կատարած դերի համար։

2018 թվականի հունիսի 9-ին շնորհվել է Բրիտանական կայսրության շքանշան (DBE) և դարձել Բրիտանական կայսրության Դամա-Կոմանդոր։

Կենսագրություն

Վաղ կյանքը

Թոմփսոնը ծնվել է 1959 թ. ապրիլի 15-ին Լոնդոնում՝ հայտնի դերասաններ Էրիկա Թոմփսոնի և Ֆիլիդա Լոի ընտանիքում։ Էմմայի քույրը՝ Սոֆի Թոմփսոնը, նույնպես դերասանուհի է։ Իր կյանքի մեծ մասը Թոմփսոնը անցկացրել է Շոտլանդիայում։ Թոմսոնը կրթությունը սկսել է աղջիկներ համար նախատեսված դպրոցում, իսկ հետո սովորել է Քեմբրիջի համալսարանում։ Այնտեղ նա մասնակցել է բեմադրությունների՝ հումորային թեմաներով։ 1980-ական թվականներին համարվել է լոնդոնյան ամենախոստումնալից դերասաններից՝ երիտասարդ դերասանների շարքում։ BBC-ի շարքի համար նկարահանվել է պատմական բնույթ կրող ֆիլմերում։

Կարիերա

Հոլիվուդում նկարահանվել է հետևյալ պատմական ֆիլմերում՝ «Հովարդս Էնդ» (1992), «Օրվա մնացորդը» (1993) և «Հանուն հոր անվան» (1993) քաղաքական թրիլլերում։ Երեք դերերն էլ եղել են հաջողված և արժանացել են «Օսկարի»-ի, «Ոսկե գլոբուս»-ի, BAFTA-ի մրցանակների։ 1995 թ. խաղացել է «Բանականություն և զգայնություն» ֆիլմում, որի սցենարը գրել է հենց ինքը։ Այս ֆիլմի համար նույնպես արժանացել է «Օսկարի»-ի և «Ոսկե գլոբուս»-ի մրցանակների, այս անգամ՝ «Լավագույն սցենարիստ» անվանակոչմանը։ 1998 թ. «Հիմնական գույն» ֆիլմում խաղացել է առաջին տիկնոջ դերը։ 2005 թվականին էկրան է դուրս եկել «Իմ սարսափելի դայակը» կատակերգությունը, որում Էմմա Թոմփսոնը խաղում էր գլխավոր դերը, բացի դրանից նա նաև սցենարիստն էր։ Սցենարը գրելու համար Էմման տրամադրել է ինը տարի։ 2010 թ. եթեր է հեռարձակվել ֆիլմի շարունակությունը՝ «Իմ սարսափելի դայակը 2»։ 2013 թվականին Էմման աշխատել է Թոմ Հենսկի հետ միասին «Փրկեք պարոն Բենսկին » կենսագրական տրագիկոմեդիայում։

Անձնական կյանք

Էմման ունեցել է ռոմանտիկ հարաբերություններ Հյու Լորիի հետ։ 1989 թվականի օգոստոսի 20-ին ամուսնացել է դերասան և ռեժիսոր Քենետ Բրանի հետ, ում հետ նա նկարահանվել է 6 ֆիլմերում։ 1995 թվականի հոկտեմբերին նրանք բաժանվել են։ «Բանականություն և զգայնություն» ֆիլմի նկարահանումների ժամանակ Էմման ծանոթացել է դերասան Գրեգ Ուայզի հետ։ 2003 թվականին նրանք ամուսնացել են Շոտլանդիայում, որտեղ դերասանուհին տուն ուներ։ Էմման մեծ է ամուսնուց 7 տարի։ Ունեն մեկ աղջիկ՝ Գայան։ 2003 թվականին նրանք որդեգրել են մի աղջկա, ում ընտանիքի անդամները սպանվել էին ցեղասպանության ժամանակ։

Ֆիլմագրություն

(1989) Հենրիխ V – Եկատերինա Բալուա
(1991) Մահանալ նորից – Գրեյս/Մարգարետ Շտրաուս
(1991) Էքսպրոմտ – Դքսուհի դ'Անտան
(1992) Հովարդս Էնդ – Մարգարետ Շլեգել
(1992) Փիթերի ընկերները – Մեգգի Չեստեր
(1993) Օրվա մնացորդը – Տիկին Կենտոն
(1995) Բանականություն և զգայնություն – Էլինոր Դեշվուդ
(1997) Ձմեռային հյուրը – Ֆրենսիս
(1998) Հուդայի համբույրը – Սեդի Հոկինս
(2003) Իրական սեր – Կարեն
(2005) Իմ սարսափելի դայակը – Դայակ Մատիլդա Մաֆի
(2007) Ես լեգենդ եմ – Բժիշկ Էլիզ Կրիպին
(2008) Հարվիի վերջին շանսը – Քեյտ Ուոկեր
(2010) Իմ սարսափելի դայակը 2 – Դայակ Մատիլդա Մաֆի
(2012) Սրտով քաջ – Էլինոր
(2013) Փրկեք պարոն Բենկսին – Պամել Լինդոն Թրևերս
(2014) Տղամարդիկ, կանայք և երեխաներ – հնչյունավորում։
(2014) Էֆֆի - Էլիսաբեթ Իստլեյք։
(2015) Զբոսանք անտառներով - Քեթրին Բրայսոն։
(2015) Շեֆ Ադամ Ջոնս - բժիշկ Ռոսշիլդե
(2015) Բարնեյ Թոմսոնի մասին լեգենդը - Միսիս Թոմսոն
(2016) Բրիջիտ Ջոնս 3 - Գինեկոլոգ - Բժիշկ Ռուլինգս
(2017) Գեղեցկուհին և Հրեշը - Միսիս Փոթս
(2017) Մաիրովիցների ընտանիքի պատմությունները - Մորին
(2017) Երեխաների մասին օրենք - Ֆիոնա Մեյ
(2018) Արքա Լիր - Գոներիլյա
(2019) Տարիներ - Վիվիեն Ռուկ
(2019) Սևազգեստ մարդիկ - Գործակալ Օ
(2019) Գործակալ Ջոնի Ինգլիշ 3.0 - Մեծ Բրիտանիայի վարչապետ
(2019) Ուղիղ Եթեր - Քեթրին Նյուբերիի
(2019) Անցյալ Սուրբ Ծնունդ - Ադելիա

Մրցանակներ և անվանակարգեր

Օսկար

1993 թ., լավագույն դերասանուհի «Հովարդս Էնդ» ֆիլմում

1996 թ., «Օսկար», լավագույն դերասանուհի «Բանականություն և զգայնություն» ֆիլմի Համար

BAFTA

1993 թ Լավագույն դերասանուհի «Հովարդս Էնդ» ֆիլմում

1994 թլավագույն դերասանուհի «Օրվա մնացորդը» ֆիլմում

1996 թ, լավագույն դերասանուհի և սցենարիստ «Բանականություն և զգայնություն» ֆիլմում

2004 թ., լավագույն դերասանուհի «Իրական սեր» ֆիլմի երկրորդական դերում

Ոսկե գլոբուս

1996 թ., «Ոսկե գլոբուս», լավագույն դերասանուհի և սցենարիստ «Բանականություն և զգայնություն» ֆիլմում

2009 թ. լավագույն դերասանուհի «Հարվիի վերջին շանսը» ֆիլմում

Էմմի

1998 թ., «Էմմի», լավագույն դերասանուհի «Էլեն» կատակերգությունում

2001 թ., լավագույն դերասանուհի «Վերջաբան» ֆիլմում

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 Encyclopædia Britannica
↑ ^2,0 ^2,1 Discogs — 2000.
↑ ^3,0 ^3,1 filmportal.de — 2005.

Վիքիպահեստն ունի նյութեր, որոնք վերաբերում են «Էմմա Թոմփսոն» հոդվածին։

[_b26674313e3dc4a5-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 Encyclopædia Britannica

[_6f4a1b5d0160d7e9-2] 2,0 ^2,1 Discogs — 2000.

[_4ba03e90931a811f-3] 3,0 ^3,1 filmportal.de — 2005.

[1]

[2]

[3]

Էմմա Թոմփսոն անգլ.՝ Emma Thompson

Ծնվել է	ապրիլի 15, 1959(1959-04-15)^[1]^[2]^[3]^[…] (65 տարեկան)
Ծննդավայր	Պատինգթոն, Վեստմինստեր, Մեծ Լոնդոն, Անգլիա, Միացյալ Թագավորություն
Կրթություն	Նյունհեմի քոլեջ, Քեմբրիջի համալսարան և The Camden School for Girls?
Քաղաքացիություն	Միացյալ Թագավորություն
Մասնագիտություն	դերասանուհի, հեռուստատեսային դերասանուհի, կինոդերասանուհի, կատակերգու, կինոռեժիսոր, սցենարիստ, թատրոնի դերասանուհի, ձայնային դերասանուհի և գրող
Ընտրանի	Sense and Sensibility?, Գեղեցկուհին և Հրեշը, Փրկել միստր Բենքսին և Խիզախը
Ծնողներ	հայր՝ Էրիկ Թոմփսոն^[1], մայր՝ Ֆիլլիդա Լոու^[1]
Ամուսին(ներ)	Գրեգ Ուայզ^[1]
Երեխա(ներ)	Tindyebwa Agaba Wise? և Gaia Wise?
Պարգևներ և մրցանակներ	«Օսկար» (1993),(1996) «Ոսկե Գլոբուս» (1996, 2009,) BAFTA ( 1993, 1994, 1996, 2004,) «Էմմի» (1998)(2001)