Էլ-Ամառնա
| Առաջարկվում է այս և Ամառնա հոդվածները միացնել իրար: (քննարկում) |
Էլ–Ամառնա (Թել էլ Ամառնա, արաբ․՝ تل العمارنة), հին եգիպտական անունը՝ Ախեթաթոն (Աթոնի հորիզոն, կապված է Հին Եգիպտոսում արևի աստծո՝ Աթոնի պաշտամունքի հետ), հնավայր, քաղաք Հին Եգիպտոսում, այժմյան Ամառնա բնակավայրի մոտ։ Հիմնադրել է Էխնաթոն (Ամենհոտեպ IV) փարավոնը (մ.թ.ա. XV դ. վերջին) և դարձրել իր մայրաքաղաքը՝ Թեբեի փոխարեն։
| Քաղաք֊հնավայր | ||
|---|---|---|
| Էլ-Ամառնա | ||
| العمارنة | ||
 Էլ-Ամառնայի թանգարան | ||
| Երկիր |  Եգիպտոս | |
| Հիմնադրված է | մ. թ. ա. 1346 և մ. թ. ա. 1370[1] թ. | |
| ԲԾՄ | 195±1 մետր | |
| Ժամային գոտի | UTC+2 | |
| ||
Էլ–Ամառնայի պեղումներով բացվել է փարավոնների արխիվը, գտնվել են Բաբելոնի, Միտանիի, Խեթական պետության և Կիպրոսի թագավորների հետ նրանց գրագրությունները։
Պահպանվել են Նոր թագավորության շրջանի պալատներ (Նեֆերտիտի թագուհու պալատը), տաճար, գրիչների դպրոցը, միջին խավին պատկանող բնակարաններ, աղքատների և քանդակագործների թաղամասերը (ճարտարապետ Թութմոսի արվեստանոցում հայտնաբերվել են Էխնաթոնի և Նեֆերտիտիի հայտնի արձանները), դամբարաններ, բույսերի, կենդանիների, կենցաղային և այլ պատկերներով որմնանկարներ։ Քաղաքի մոտ, ժայռափոր դամբարանների պատկերներն ու արձանագրությունները նվիրված են Ամոն աստծուն։
Քաղաքը գոյություն է ունեցել 15 տարի և Էխնաթոնի մահից հետո՝ լքվել։
ՊատկերասրահԽմբագրել
Ամարնայում Էխենատոնի գերեզմանի մուտքը
Էխենատոնի դամբարանում արևը պատկերող խորաքանդակ
Հյուսիսային պալատի սյունակի մի մասը
Ամարնայում արևի տաճարի մնացորդները
Ռելիեֆ Էխենատոնի դամբարանում
Ժայռի վրա փորագրված Էխենատոնի ուղերձը
Ամարնայի դամբարաններից մեկում
Ռելիեֆը պահպանվել է մոտ 2500 տարի
ԾանոթագրություններԽմբագրել
- ↑ Archaeology and Language: The Puzzle of Indo-European Origins — Pimlico, 1998. — P. 49. — ISBN 0-7126-6612-5
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 9)։ 
|