Էլիգուդերզ
Էլիգուդերզ[1] (պարս.՝ الیگودرز), քաղաք Իրանի հարավում՝Լոռեսթան նահանգում։ Էլիգուդերզ շահրեստանի վարչական կենտրոնը։ Բնակչության թվով նահանգի հինգերորդ քաղաքը[2]։
Էլիգուդերզ | |
---|---|
Տեսակ | Իրանի քաղաք |
Երկիր | Իրան |
Վարչատարածք | Central District? |
ԲԾՄ | 1982 մետր |
Մասն է | Ալիգուդարզի գավառ |
Աշխարհագրություն և կլիմա խմբագրել
Քաղաքը գտնվում է Լոռեսթանի արևելյան մասում՝ կենտրոնական Զագրոսի լեռնային տեղանքում, ծովի մակարդակից 1982 մետր բարձրության վրա[3], Խորամաբադից՝ նահանգի վարչական կենտրոնից, 120 կմ արևելք և երկրի մայրաքաղաքից՝ Թեհրանից, 290 կմ հարավ-արևմուտք։ Կլիման բարեխառն է՝ տարվա ընթացքում շատ են ցուրտ օրերը (մինչև 120), ինչը հատուկ է առաջին հերթին բարձրլեռնային դիրք ունեցող քաղաքներին։ Տարեկան միջին ջերմաստիճանը +13 °C է։ Տեղումների միջին քանակը 270 մմ է[4]։
Բնակչություն խմբագրել
Բնակչությունը՝ ▲89 268 մարդ (2016)[5][2], ազգային կազմում գերակշռում են բախտիարները, լոռերը և պարսիկները, դավանականում՝ շիա մուսուլմանները։
1986 | 1991 | 1996 | 2006 | 2012 |
---|---|---|---|---|
53 843 | 58 648 | 69 447 | 78 690 | 84 355[6] |
Տեսարժան վայրեր խմբագրել
Էլիգուդերզի արևմուտքում գտնվում է լեռնաշղթան, որի բարձունքներից մեկը (Օշտորնան Կուխը)[7], ունի ծովի մակարդակից 4000 մետր բարձրություն և ծածկված է սառցադաշտով։ Սառցադաշտի հալված ջրերը մի շարք լճեր են սնուցում, որոնք գտնվում են լեռնաշղթայի լանջերին։ Դրանցից ամենամեծը Գահար լիճն է[8] (կամ Գոլ Գահար), 1,5 կմ երկարությամբ և 600 մետր միջին լայնությամբ։ Քաղաքի շրջակայքում է գտնվում նաև Տամանդար լեռը[9] (3250 մ)՝ տարածաշրջանի ամենախոշոր որսահանդակներից մեկի հետ։
Բնիկներ խմբագրել
- Մեհդի Կարուբի՝ իրանցի պետական գործիչ
Ծանոթագրություններ խմբագրել
- ↑ Атлас Мира. — М.: ПКО «Картография» Федерельного агентства геодезии и картографии Министерства транспорта Российской Федерации: Издательство Оникс, 2007 — стр. 128
- ↑ 2,0 2,1 World Gazetteer Արխիվացված 2013-02-09 archive.today Արխիվացված 2013-02-09 archive.today (անգլ.)
- ↑ Физико-географические данные (անգլ.)
- ↑ Официальный сайт города Արխիվացված 2012-01-19 Wayback Machine (պարս.)
- ↑ جمعیت به تفکیک تقسیمات کشوری (перс.)
- ↑ предполагаемое
- ↑ Oshtoran kooh Mountain (անգլ.)
- ↑ Gahar Lake (անգլ.)
- ↑ Tamandar Mountain (անգլ.)
Վիքիպահեստն ունի նյութեր, որոնք վերաբերում են «Էլիգուդերզ» հոդվածին։ |