Դորուդ
Դորուդ(պարս.՝ دورود), քաղաք Իրանի արևմուտքում՝ Լոռեսթան օսթանում (նահանգում), Դորուդ շահրեստանի վարչական կենտրոնը։ Վերջին մարդահամարի տվյալներով բնակչությունը կազմում է 121 608 մարդ (2016)[1]։
| Քաղաք | ||
|---|---|---|
| Դորուդ | ||
| պարս.՝ دورود | ||
 | ||
| Երկիր |  Իրան | |
| Օսթան | Լոռեսթան | |
| Շահրեստան | Դորուդ | |
| Բնակչություն | 121 608 մարդ (2016)[1] | |
| Պաշտոնական կայք | shahrdari-doroud.ir | |
| ||
Աշխարհագրություն և կլիմա խմբագրել
Քաղաքը գտնվում է Լոռեսթանի արևելյան մասում՝ արևմտյան Զագրոսի լեռնային տեղանքում՝ Տիրե և Մարբերե գետերի միախառնման տեղում[2]։ Ծովի մակարդակից ունի 1466 մետր բարձրություն[3]։ Դորուդը գտնվում է նահանգի վարչական կենտրոնից՝ Խորամաբադից, մոտ 62 կմ դեպի արևելք և երկրի մայրաքաղաքից՝ Թեհրանից, 315 կմ դեպի հարավ-արևմուտք։
Քաղաքի կլիման բնութագրվում է չափավոր տաք ամառներով և ձմռանը օդի ջերմաստիճանի համեմատաբար ցածր ցուցանիշներով[2]։ Միջին տարեկան ջերմաստիճանը +14 °C է, իսկ միջին տարեկան տեղումների քանակը՝ 562 մմ[4]։
Քաղաքը գտնվում է սեյսմիկ ակտիվության գոտում։ 2007 թվականի մարտի 7-ին Դորուդում տեղի է ունեցել 4,8 մագնիտուդ ուժգնությամբ երկրաշարժ։ Արդյունքում վիրավորվել է առնվազն 35 մարդ[5]։
Բնակչություն խմբագրել
Քաղաքի բնակչությունը 2016 թվականի մարդահամարի տվյալներով կազմում էր 121 638 մարդ, որոնք կազմում էին 35 529 տնտեսություն[6]։ Բնակչությամբ Լոռեսթան օսթանի երրորդ ամենախոշոր քաղաքն է Խորամաբադից և Բորուջերդից հետո[7]։ Քաղաքի բնակչության փոփոխությունը ժամանակի ընթացքում բերված է աղյուսակում ստորև.
| 1956 | 1966 | 1986 | 1991 | 1996 | 2006 | 2011 | 2016 |
|---|---|---|---|---|---|---|---|
| 7 088[8] | 14 060[9] | 62 517[10] | 77 299[11] | 88 152[11] | 100 528[12] | 99 499[13] | 121 638[6] |
Ազգային կազմում գերակշռում են լոռերը[2], բնակիչները հիմնականում շիա մուսուլմաններ են։
Պատմություն խմբագրել
Իրանի իշխանությունները հաղորդում են, որ 2018 թվականի հունվարի 1-ին Դորուդ քաղաքում տեղի ունեցած ցույցերի ժամանակ սպանվել է երկու մարդ՝ նշելով նաև, որ «անվտանգության ուժերը ցուցարարների ուղղությամբ կրակ չեն բացել»[14]։ Թե որ կողմն է կրակ բացել ցուցարարների դեմ, դեռևս հայտնի չէ[15]։
Տնտեսություն խմբագրել
Դորուդը կարևոր առևտրային և գյուղատնտեսական կենտրոն է։ Բացի այդ, քաղաքում են տեղակայված են Իրանի խոշորագույն ցեմենտ արտադրող կոմպլեքներից մեկը, որի երեք գործարաններն, որոնք օրական արտադրում են 4,5 հազար տոննա ցեմենտ[2]։
Տեսարժան վայրեր խմբագրել
Քաղաքի շրջակայքում գտնվում են մի քանի ջրվեժներ։ Հայտնի են սեզոնային չորացող Չական ջրվեժը (Chakan)[16], որը գտնվում է քաղաքից հարավ, ինչպես նաև Շևի ջրվեժը (Shevy)[17], որը գտնվում է հարակից համանուն գյուղի շրջանում։
Ծանոթագրություններ խմբագրել
- ↑ 1,0 1,1 https://www.amar.org.ir/english
- ↑ 2,0 2,1 2,2 2,3 Encyclopædia Iranica(անգլ.)
- ↑ Физико-географические данные(անգլ.)
- ↑ Доруд(անգլ.)
- ↑ Газета. Ru
- ↑ 6,0 6,1 «Իրանի Իսլամական Հանրապետության մարդահամար, 1395 (2016)» (պարսկերեն). Արխիվացված է օրիգինալից (Excel) 2017 թ. օգոստոսի 3-ին. Վերցված է 2022 թ. դեկտեմբերի 19-ին.
- ↑ «IRAN: Lorestan» (անգլերեն). City Populations.
- ↑ «Իրանի Իսլամական Հանրապետության մարդահամար, 1956 թ.» (PDF) (անգլերեն). Արխիվացված է օրիգինալից (PDF) 2024 թ. փետրվարի 24-ին. Վերցված է 2024 թ. մարտի 1-ին.
- ↑ «Իրանի Իսլամական Հանրապետության մարդահամար, 1966 թ.» (PDF) (անգլերեն). Արխիվացված է օրիգինալից (PDF) 2024 թ. փետրվարի 24-ին. Վերցված է 2024 թ. մարտի 1-ին.
- ↑ «Dorūd». World Gazetteer. Արխիվացված է օրիգինալից 2013 թ․ փետրվարի 9-ին. Վերցված է 2023 թ․ սեպտեմբերի 17-ին.
- ↑ 11,0 11,1 «Islamic Republic of Iran» (անգլերեն).
- ↑ «Իրանի Իսլամական Հանրապետության մարդահամար, 1385 (2006)» (պարսկերեն). Արխիվացված է օրիգինալից (Excel) 2011 թ. սեպտեմբերի 20-ին. Վերցված է 2022 թ. սեպտեմբերի 25-ին.
- ↑ «Իրանի Իսլամական Հանրապետության մարդահամար, 1390 (2011)» (Excel) (պարսկերեն). Վերցված է 2022 թ. դեկտեմբերի 19-ին.
- ↑ «Իրանում բողոքի ցույցերերի հետեւանքով զոհերի թիվը հասել է չորսի». news.am. 2018 թ․ հունվարի 1. Վերցված է 2023 թ․ հուլիսի 11-ին.
- ↑ В Иране во время протестов погибли два человека
- ↑ Chakan Waterfall(անգլ.)
- ↑ Shevy Waterfall(անգլ.)
 | Վիքիպահեստն ունի նյութեր, որոնք վերաբերում են «Դորուդ» հոդվածին։ |