Էդուարդ Բաղդասարյան (երգիչ)

Անվան այլ կիրառումների համար տե՛ս՝ Էդուարդ Բաղդասարյան (այլ կիրառումներ)

Էդուարդ Սերգեյի Բաղդասարյան (փետրվարի 5, 1928(1928-02-05), Մարի - հունվարի 6, 2015(2015-01-06), Երևան, Հայաստան), հայ օպերային երգիչ, տենոր։ ՀԽՍՀ վաստակավոր արտիստ։

Էդուարդ Բաղդասարյան
Հիմնական տվյալներ
Ի ծնե անուն	Էդուարդ Սերգեյի Բաղդասարյան
Ծնվել է	փետրվարի 5, 1928(1928-02-05) Մարի
Երկիր	ԽՍՀՄ և  Հայաստան
Մահացել է	հունվարի 6, 2015(2015-01-06) (86 տարեկան) Երևան, Հայաստան
Ժանրեր	օպերա
Մասնագիտություն	օպերային երգիչ, տենոր
Երգչաձայն	տենոր
Գործիքներ	վոկալ
Կրթություն	Բաքվի երաժշտական ակադեմիա
Պարգևներ

Կենսագրություն

Էդուարդ Բաղդասարյանը ծնվել է Թուրքմենիայի Մարի քաղաքում։ 1931 թվականին ընտանիքը տեղափոխվել է Բաքու։ 1941 թվականին աշխատել է որպես կենցաղային տեխնիկայի վերանորոգման մասնագետ, հետպատերազմյան շրջանում՝ որպես բեռնատարի վարորդ։ Երաժշտական կրթություն ստացել է 19 տարեկան հասակում Բաքվի կոնսերվատորիային կից դպրոցում (Սուսաննա Միքայելյանի դասարան), 1949 թվականին սովորել է Բաքվի կոնսերվատորիայում։ 1954 թվականից եղել է Երևանի Ալեքսանդր Սպենդիարյանի անվան օպերայի և բալետի ազգային ակադեմիական թատրոնի մենակատար, 1968 թվականին՝ Հայաստանի պետական ֆիլհարմոնիայի մենակատար։ Համերգներով հանդես է եկել Խորհրդային Միությունում և արտասահմանյան այլ երկրներում։

Ստեղծագործական ուղի

Առաջին ելույթը կայացել է դպրոցական տարիներին։ Տրիկե դերերգով հանդես է եկել կոնսերվատորիայի բեմականացրած «Եվգենի Օնեգին» օպերայում։ Բացի օպերային կատարումներից հանդես է եկել Ադրբեջանի էստրադային նվագախմբի, Հայաստանի սիմֆոնիկ նվագախմբի հետ Միքայել Մալունցյանի ղեկավարությամբ, Արտեմի Այվազյանի ղեկավարած նվագախմբում, հայկական ռադիոյում հանդես է եկել էստրադային հնգյակի հետ (Անդրանիկ Պողոսյան - կլարնետ, Ալեքսանդր Շահբազով - կիթառ, Դավիթ Զաքարյան - ակորդեոն, Նապոլեոն Կյուրկչյան - կոնտրաբաս, Կոնստանդին Օրբելյան - դաշնամուր)։ Երգացանկում ընդգրկված են եղել Առնո Բաբաջանյանի, Արտեմի Այվազյանի, Ալեքսանդր Աճեմյանի, Էդուարդ Աբրահամյանի, Էդուարդ Բաղդասարյանի ստեղծագործություններից, ինչպես նաև արիաներ, հայկական ժողովրդական երգեր։

Օպերաներ

• «Եվգենի Օնեգին» Պյոտր Չայկովսկի - Լենսկի
• «Ռիգոլետտո» Ջուզեպպե Վերդի - կոմս
• «Ֆաուստ» Շառլ Գունո - Ֆաուստ
• «Տրավիատա» Ջուզեպպե Վերդի - Ալֆրեդ
• «Դավիթ Բեկ» Արմեն Տիգրանյան -երիտասարդ զինվորական

Ֆիլմեր

• «Ծերունին և ծովը», 1981 թ.
• «Թույն գնեք», 1997 թ.
• Passeurs de rêves, 2000

Պարգևներ

• Վոկալիստների 4-րդ համաշխարհային փառատոնի արծաթե մեդալ (Մոսկվա, 1957)
• ՀԽՍՀ վաստակավոր արտիստ

Ընտանիք

• Դուստր՝ Մարգարիտա (1958)

Արտաքին հղումներ

• Ռադիոէսսե «Ռուսական ռոմանսը վեհաշար» (Էդուարդ Բաղդասարյանի կատարումներից)
• Тер-Саакян К. (2009-02-23)։ «Эдуард Сергеевич Багдасарян» (ռուսերեն)։ Hayastan.com։ Վերցված է 2015-01-18 
• «Скончался Эдуард Багдасарян» (ռուսերեն)։ Общественное Радио Армении։ 2015-01-07։ Վերցված է 2015-01-18 
• «Скончался заслуженный артист Армении Эдуард Багдасарян» (ռուսերեն)։ ИА ARMENIAToday։ 2015-01-08։ Արխիվացված է օրիգինալից 2015-01-18-ին։ Վերցված է 2015-01-18 
• «Эдуард Багдасарян» (ռուսերեն)։ ԿինոՊոիսկ։ Վերցված է 2015-01-18 
• «Багдасарян Эдуард Сергеевич» (ռուսերեն)։ Энциклопедия фонда «Хайазг»։ Վերցված է 2015-01-18