Էդուարդ Աբաջյան

Վիքիպեդիայում կան հոդվածներ Աբաջյան ազգանունով այլ մարդկանց մասին։

Էդուարդ Գարեգինի Աբաջյան (փետրվարի 21, 1941(1941-02-21), Լենինական, Հայկական ԽՍՀ, ԽՍՀՄ - մարտի 30, 2016(2016-03-30), Երևան, Հայաստան), հայ նկարիչ։ Հայաստանի նկարիչների միության անդամ (1974)։

Էդուարդ Աբաջյան
Ծնվել է	փետրվարի 21, 1941(1941-02-21)
Ծննդավայր	Լենինական, Հայկական ԽՍՀ, ԽՍՀՄ
Վախճանվել է	մարտի 30, 2016(2016-03-30) (75 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ
Կրթություն	Երևանի պետական գեղարվեստա-թատերական ինստիտուտ (1969), Փանոս Թերլեմեզյանի անվան գեղարվեստական ուսումնարան (1963) և Գյումրու նկարչական դպրոց (1956)
Մասնագիտություն	նկարիչ
Անդամակցություն	Հայաստանի նկարիչների միություն

Կենսագրություն

1956 թվականին ավարտել է Լենինականի գեղանկարչական դպրոցը, 1963 թվականին՝ Երևանի գեղարվեստի ուսումնարանը, 1969 թվականին՝ Երևանի գեղարվեստա-թատերական ինստիտուտը։

Աշխատանքները գտնվում են անհատական հավաքածուներում Ֆրանսիայում, Կանադայում, ԱՄՆ-ում, Գերմանիայում, Թուրքիայում, Ֆինլանդիայում, Մեծ Բրիտանիայում, Ռուսաստանում, Բուլղարիայում, Լեհաստանում։

Ստեղծագործություններ

Ստեղծել է կոմպոզիցիաներ, դիմանկարներ, բնանկարներ, խորհրդանշական պատկերներ։

Գործերից են՝

• «Սերունդ» (1981 թվական, կոմպոզիցիա)
• «Ժոկեյներ» (1981 թվական, կոմպոզիցիա, Տրետյակովյան պատկերասրահ, Մոսկվա)
• «Շուշիի աղվեսը» (1997 թվական, Նաիրա Սահակյանի դիմանկարը)
• «Զարթոնք», (Ջերմուկի պատկերասրահ (ՀԱՊ-ի մասնաճյուղ))
• «Արարատյան դաշտի առավոտը» (2002)
• «Լճակ» (2003 թվական, բնանկարներ)
• «Ժամանակի մեքենա» (2003 թվական, խորհրդանշական պատկեր)

Ցուցահանդեսներ

Անհատական ցուցահանդեսներ է ունեցել Երևանում (1996, 2003, 2012)։