Էդիպ արքա (ֆիլմ, 1967)
Էդիպ արքա (իտալ.՝ Edipo re), գեղարվեստական կինոնկար, որը նկարահանվել է 1967 թվականին՝ իտալացի կինոռեժիսոր Պիեռ Պաոլո Պազոլինիի կողմից, Սոֆոկլեսի համանուն ողբերգության հիման վրա։ Առաջին անգամ ցուցադրվել է 1967 թվականին՝ Վենետիկի 28-րդ միջազգային կինոփառատոնի շրջանակներում[6]։
 իտալ.՝ Edipo re | |
|---|---|
 | |
| Երկիր |  Իտալիա |
| Ժանր | դրամա[1][2][3] |
| Հիմք | Էդիպուս արքա |
| Թվական | 1967 |
| Լեզու | իտալերեն |
| Ռեժիսոր | Պիեռ Պաոլո Պազոլինի[1][2][3] |
| Պրոդյուսեր | Ալֆրեդո Բինի |
| Սցենարի հեղինակ | Պիեռ Պաոլո Պազոլինի |
| Դերակատարներ | Ֆրանկո Չիտի[2][3][1], Սիլվանա Մանգանո[2][3][1], Ալիդա Վալլի[2][3][1], Կարմելո Բենե[2][1], Ջուլիան Բեք[2][1], Նինետո Դավոլի[2][1], Լուչիանո Բարտոլի[2][1], Ֆրանչեսկո Լեոնետտի[1], Պիեռ Պաոլո Պազոլինի[2][3][4], Ahmed Belhachmi?[2][1], Ժան Կլոդ Բիետ, Ջովաննի Իվան Սկրատուլյա[1], Լաուրա Բետտի[5] և Իզաբել Ռութ[5] |
| Օպերատոր | Ջուզեպպե Ռուցցոլինի |
| Երաժշտություն | Վոլֆգանգ Ամադեուս Մոցարտ և Մասարու Սատո |
| Մոնտաժ | Նինո Բարալյի |
| Պատմվածքի վայր | Հունաստան |
| Նկարահանման վայր | Մարոկկո |
| Կինոընկերություն | Arco Film |
| Տևողություն | 104 րոպե |
 Edipo re (film) Վիքիպահեստում | |
Սյուժե
խմբագրելՖիլմի գործողություններն ընթանում են ժամանակակից աշխարհում և Հին Հունաստանում։
20-րդ դար։ Իտալական ընտանիքներից մեկում տղա է ծնվում։ Հայրը նկատելով թե ինչպես է մայրը կապված որդու հետ, տանջվում է խանդից և տանելով որդուն անապատ, լքում է նրան։ Գործողությունները տեղափոխվում են անտիկ ժամանակաշրջան, որտեղ պատմվում է Սոֆոկլեսի դասական ողբերգության Պազոլինիի կողմից ձևափոխված տարբերակը։
Երեխան փրկվելով մահից, հայտնվում է Կորնթոսի տիրակալների՝ Պոլիբոսի և Մերոպեի ապարանքում։ Անժառանգ ամուսինները տղային մեծացնում ու դաստիարակում են թագավորական պալատում՝ ինչպես սեփական որդուն և անվանում Էդիպ (Օյդիպոս)։ Պատանի Էդիպը Դելփյան պատգամախոսից տեղեկանում է, որ ինքն սպանելու է հորը և ամուսնանալու է մոր հետ։ Նա չգիտեր, որ Պոլիբոսն ու Մերոպեն իր ծնողները չեն և այդ դաժան ճակատագրից խուսափելու նպատակով լքում է Կորնթոսը։
Թեբե գնալիս, ճանապարհին պատահաբար հանդիպում է Թեբեի արքային, իր իրական հորը՝ Լայոսին։ Նրանց միջև վեճ է առաջանում և Էդիպը սպանում է Լայոսին։ Որոշ փորձություններ անցնելուց հետո, Էդիպը կարգվում է Թեբեի թագավոր և անտեղյակ իրականությանը, ամուսնանում է Թեբեի այրիացած թագուհու, իր իրական մոր՝ Իոկաստեի հետ։
Այսպիսով մարգարեությունն իրականանում է։ Որոշ ժամանակ անց, իմանալով ճշմարտությունը, Իոկաստեն ինքնասպան է լինում։ Այդ ամենից ցնցված Էդիպը հանում է իր աչքերը։
Կինոնկարն ավարտվում է կրկին ժամանակակից աշխարհում։ Կուրացած Էդիպը վերադառնում է այնտեղ, որտեղ ծնվել էր։
Դերասանական կազմ
խմբագրել| Դերակատար | Կերպար |
|---|---|
| Ֆրանկո Չիտտի | Էդիպ |
| Սիլվանա Մանգանո | Իոկաստե |
| Ալիդա Վալլի | Մերոպե |
| Լուչանո Բարտոլի | Լայոս |
| Ահմեդ Բելաշմի | Պոլիբոս |
| Կարմելո Բենե | Կրեոն |
| Ջուլիան Բեկ | Թիրեսիաս |
| Պիեռ Պաոլո Պազոլինի | քրմապետ |
Նկարահանող խումբ
խմբագրել| Կինոգործիչ | Ներդրումը |
|---|---|
| Պիեռ Պաոլո Պազոլինի | սցենարիստ |
| Պիեռ Պաոլո Պազոլինի | ռեժիսոր |
| Ալֆրեդո Բինի | պրոդյուսեր |
| Ջուզեպպե Ռուցոլինի | օպերատոր |
| Վոլֆգանգ Ամադեուս Մոցարտ | կոմպոզիտոր |
Մրցանակներ
խմբագրել- 1968 թվականին արժանացել է իտալական կինոլրագրողների ընկերության «Արծաթե ժապավեն» մրցանակին[7]։
- 1970 թվականին ճապոնական «Կինեմա Ձյունպո» (キネマ旬報) կինոամսագրի կողմից ճանաչվել է լավագույն օտարալեզու ֆիլմ[8]։
Ծանոթագրություններ
խմբագրել- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 http://www.imdb.com/title/tt0061613/
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 http://www.filmaffinity.com/en/film461869.html
- ↑ 3,0 3,1 3,2 3,3 3,4 3,5 http://www.adorocinema.com/filmes/filme-4876/
- ↑ http://www.imdb.com/title/tt0061613/fullcredits
- ↑ 5,0 5,1 ČSFD (չեխերեն) — 2001.
- ↑ Biennale di Venezia (ed.). «Արխիվացված պատճենը». Արխիվացված է օրիգինալից 2019 թ․ հունվարի 21-ին. Վերցված է 2019 թ․ ապրիլի 5-ին.
{{cite web}}: Unknown parameter|sito=ignored (|website=suggested) (օգնություն) - ↑ «1968 Italian National Syndicate of Film Journalists Awards» (անգլերեն). Վերցված է 16 gennaio 2019-ին.
{{cite web}}: Unknown parameter|sito=ignored (|website=suggested) (օգնություն) - ↑ «1970 Kinema Junpo Awards» (անգլերեն). Վերցված է 16 gennaio 2019-ին.
{{cite web}}: Unknown parameter|sito=ignored (|website=suggested) (օգնություն)
 | Վիքիպահեստն ունի նյութեր, որոնք վերաբերում են «Էդիպ արքա (ֆիլմ, 1967)» հոդվածին։ |