Երիցվանք (համայնք, Քաշաթաղի շրջան)

Երիցվանք համայնք;
Երկիր	Արցախի Հանրապետություն
Կարգավիճակ	Համայնք
Մտնում է	Քաշաթաղի շրջան
Ներառում է	Երիցվանք, ; Ամիրյան, ; Կրմեն, ; Երվանդակերտ,
Վարչկենտրոն	Երիցվանք գյուղ
Հիմնական լեզու	Հայերեն
Բնակչություն (2015)	320
Տարածք	4766,0 հա
Ժամային գոտի	+4

Անվան այլ կիրառումների համար տե՛ս՝ Երիցվանք (այլ կիրառումներ)

Չշփոթել Երիցվանք (գյուղ, Քաշաթաղի շրջան) հոդվածի հետ։

Երիցվանք, համայնք Արցախի Հանրապետության Քաշաթաղի շրջանում^[2]^[3]։ Ներկայում համայնքի ամբողջ տարածքը գտնվում է Ադրբեջանի զինված ուժերի վերահսկողության ներքո^[4]^[5]^[6]^[7] և Արցախի Հանրապետության կողմից համարվում է օկուպացված^[1]։

Աշխարհագրություն խմբագրել

Համայնքը տեղաբաշխված է Արցախի Հանրապետության հարավարևմտյան մասում։ Ունի հարթավայրային տեղանք։ Համայնքի տարածքն 4766,0 հա է, որից 1953,6 հա-ն անտառային հողեր են։ Համայնքի սահմաններով է հոսում Հագարի գետը^[2]։

Բերձոր շրջկենտրոնից հեռու է 90 կմ, իսկ մայրաքաղաք Ստեփանակերտից` 127 կմ^[2]։

Վարչատարածքային բաժանում և համայնքային կյանք խմբագրել

Համաձայն Արցախի Հանրապետության վարչատարածքային բաժանման՝ Երիցվանք համայնքն իր մեջ ներառում է Երիցվանք, Ամիրյան, Կրմեն, Երվանդակերտ գյուղերը^[2]։

Համայնքում գործում էր գյուղապետարան, բուժկետ, միջնակարգ դպրոց^[2]։

Համայնքն ապահովված էր էլեկտրաէներգիայով, հասանելի էին բջջային, ինտերնետ կապի միջոցներն ու ռադիոհեռուստատեսությամբ^[2]։

Գործում էր ջրամատակարարման համակարգ, որը սնվում էր ջրհորներից։ Առկա էին նաև խմելու ջրի համար պիտանի 7 անհատական ջրհորներ^[2]։

2015 թվականի դրությամբ համայնքային ճանապարհները բնահողային էին, խճից և չմշակված այլ նյութերից^[2]։

Համայնքը միացված էր հանրապետության տրանսպորտային կապին, մասնավորապես՝ Կովսական-Ստեփանակերտ-Կովսական և Կովսական-Բերձոր-Կովսական երթուղիներին^[2]։

Բնակչություն խմբագրել

Երիցվանք համայնքի բնակչությունը 2015 թվականի դրությամբ կազմել է 320 մարդ, որոնք կազմել են 88 տուն։ Նույն թվականի դրությամբ Երիցվանք գյուղում բնակվել է 241 մարդ, որոնք կազմել են 68 տուն։ Ամիրյան գյուղում բնակվել է 34 մարդ, որոնք կազմել են 10 տուն։ Կրմեն գյուղում բնակվել է 45 մարդ, որոնք կազմել են 10 տուն^[2]։

Կրթություն խմբագրել

Երիցվանք համայնքում գործում էր միջնակարգ դպրոց, որտեղ 2015 թվականի դրությամբ սովորում էր 41 աշակերտ^[2]։

Տնտեսություն խմբագրել

Համայնքի բնակչությունը հիմնականում զբաղվել է գյուղատնտեսությամբ՝ հողագործությամբ և անասնապահությամբ։ Համայնքի տարածքի 2376,1 հա-ը գյուղատնտեսական նշանակության են^[2]։

Ծանոթագրություններ խմբագրել

[armenpress.am_օկուպացված_տարածքներ-1] 1,0 ^1,1 Արցախի տարածքները համարվում են օկուպացված Ադրբեջանի կողմից. ԱՀ ԱԺ հայտարարությունը, (արխիվացված 05․04․2021թ․)

[Հակոբ_Ղահրամանյան_Տեղեկատու_2015-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 Հակոբ Ղահրամանյան, Տեղեկատու Արցախի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.։

[Արցախի_վարչատարածքային_բաժանման_մասին_օրենք-3] «Արցախի Հանրապետության բնակավայրերի ցանկը հանրապետության Ազգային ժողովի կայքում (Արցախի Հանրապետության օրենքը երկրի վարչատարածքային բաժանման մասին, 25 մարտի 2005 թ., ք.Ստեփանակերտ, ՀՕ-178, ստորագրված նախագահ Ա․Ղուկասյանի կողմից)։». Արխիվացված է օրիգինալից 2016 թ․ մարտի 4-ին. Վերցված է 2021 թ․ մարտի 14-ին.

[ԱՀ_ՏԿԶՆ_կորցրած_բնակավայրերի_ցանկ-4] Արցախի Հանրապետության այն բնակավայրերի ցանկը, որոնք գտնվում են Ադրբեջանի զինված ուժերի վերահսկողության ներքո /հրապարակված Արցախի Հանրապետության Տարածքային կառավարման և ենթակառուցվածքների նախարարության կողմից/, (արխիվացված 05․03․2021թ․)։

[armenpress.am_կորցրած_բնակավայրերի_ցանկ-5] «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը»։

[artsakhpress.am_կորցրած_բնակավայրերի_ցանկ-6] «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը», (արխիվացված)։

[hetq.am_կորցրած_բնակավայրերի_ցանկ-7] «Ադրբեջանի վերահսկողության տակ անցած՝ Արցախի համայնքների և բնակավայրերի ցանկը»։

[2]

[3]

[4]

[5]

[6]

[7]

[1]