Երաժշտության տուն (Վիեննա)

Երաժշտության տուն
Տեսակ	երաժշտական թանգարան
Երկիր	Ավստրիա
Տեղագրություն	Վիեննա և Ներքին Քաղաք
Հասցե	Annagasse 20
Հիմնադրված է	2000
Կայք	hausdermusik.com(գերմ.)

Երաժշտության տուն (գերմ.՝ Haus der Musik), ինտերակտիվ թանգարան Վիեննայի կենտրոնում։ Բացվել է 2000 թվականին, համարվում է հնչյունի ու երաժշտության լավագույն թանգարաններից մեկը Ավստրիայում։ Մակերեսը 5.020 մ² է^[2]։

ՇենքԽմբագրել

Երաժշտության տունը գտնվում է Վիեննայի պատմական շենքերից մեկում, որ պատկանել է էրցհերցոգ Կառլ Թեշենցին։ Այստեղ է ապրել կոմպոզիտոր Օտտո Նիկոլային, որ հիմնադրել է Վիեննայի ֆիլհարմոնիկ նվագախումբը։

ԿառուցվածքԽմբագրել

ԲակԽմբագրել

Թանգարանի բակում սովորաբար կազմակերպվում են ժամանակավոր ցուցադրություններ։

Առաջին հարկԽմբագրել

Առաջին հարկը զբաղեցնում է Վիեննայի ֆիլհարմոնիկ նվագախումբը։ Այնտեղ ներկայացված են կոլեկտիվի ստեղծման պատմությունը, նվագախմբի հիմնադրման հրամանը, նրա պարգևները։ Հատուկ ձևավորված սրահում, որն ունի պրոեկցիոն էկրան, ներկայացված են Վիեննայի ֆիլհարմոնիկ նվագախմբի համերգների ձայնագրությունները։

Երկրորդ հարկԽմբագրել

Երկրորդ հարկում գտնվում է այսպես կոչված «Երազոլորտը», որտեղ ցուցադրված են ինտերակտիվ նմուշներ. դրանք թույլ են տալիս հնչյունային փարձարկումներ անել։

Երրորդ հարկԽմբագրել

Երրորդ հարկը նվիրված է այն կոմպոզիտորներին, ում անունները կապվում են Վիեննայի հետ։ Ներկայացված են Յոզեֆ Հայդնը, Վոլֆգանգ Ամադեուս Մոցարտը, Լյուդվիգ վան Բեթհովենը, Ֆրանց Շուբերտը, Յոհան Շտրաուսը, Գուստավ Մալերը, ինչպես նաև Վիեննայի նոր դպրոցի հիմնադիրները` Առնոլդ Շյոնբերգը, Ալբան Բերգը և Անտոն Վեբերնը։

Չորրորդ հարկԽմբագրել

Չորրորդ հարկում սրահ է` նվիրված ապագայի հնչյուններին։ Գաղափարը, որ մարմնավորված է տեխնոլոգիաներում, կոչված է մարդկանց օգնելու դրսևորվելու հնչյունների շնորհիվ։ Այստեղ կարելի է տեսնել գործիքներ, որոնց հնչել կարող է ստիպել ձեր մարմինը։ Այսպես, «Գիտակցության անտառ» («Mind Forest») սրահում գտնվում են հնչող պատեր, որոնք արձագանքում են ձեռքերի շարժումներին։

Չորրորդ հարկում գործում է նաև հուշանվերների խանութ։

ՄրցանակներԽմբագրել

Իր ցուցանմուշների հավաքածուի համար Երաժշտության տունն արժանացել է Ավստրիայի թանգարանների մրցանակին^[3]։

ԾանոթագրություններԽմբագրել

Արտաքին հղումներԽմբագրել

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Երաժշտության տուն (Վիեննա) կատեգորիայում։

[_a3c8ce2814fd631c-1] 1,0 ^1,1 ^1,2 Monuments database — 2017.

[2] : ukk — Österreichischer Museumspreis: Gewinner seit 2000

[3] Дом Музыки в Вене (Haus der Musik) — уникальный музыкальный музей | Поездки с детьми самостоятельно

[2]

[1]

[3]