Դու այստե՞ղ ես, Աստված։ Այդ ես եմ՝ Մարգարեթը (վեպ)

Դու այստե՞ղ ես, Աստված։ Այդ ես եմ՝ Մարգարեթը (անգլ.՝ Are You There God? It's Me, Margaret), ամերիկացի գրող Ջուդի Բլումի վեպ, գրվել է 1970 թվականին, նախատեսված է դեռահասների և պատանեկան տարիքի ընթերցողների համար։

Դու այստե՞ղ ես, Աստված։ Այդ ես եմ՝ Մարգարեթը
անգլ.՝ "Are You There God? It's Me, Margaret."
It's me Margaret.jpg
Տեսակգրական ստեղծագործություն
ՀեղինակՋուդի Բլում
ԵրկիրFlag of the United States.svg ԱՄՆ
Բնագիր լեզուանգլերեն
Գրվել է1970
Հրատարակություն1970

ՍյուժեԽմբագրել

Ստեղծագործության գլխավոր հերոսուհին 11-ամյա աղջնակ Մարգարեթն է, ով հասակ է առնում հավատացյալ ընտանիքում (մայրը քրիստոնյա է, հայրը՝ հրեա) և փորձում է կողմնորոշվել սեփական հավատքի և դավանանքի հարցում։

Սյուժեն զարգանում է Մարգարեթի՝ Աստծուն ուղղված աղոթքներով և հարցերով, որոնք միշտ սկսվում են այսպես․ «Դու այստե՞ղ ես, Աստված։ Այդ ես եմ՝ Մարգարեթը»։ Դպրոցում ստանալով տարեկան հետազոտական աշխատանք կատարելու հանձնարարություն, աղջիկը ընտրում է հավատքի թեման։ Աշխատանքի ընթացքում Մարգարեթը բացահայտում է ինքն իրեն և ի վերջո հասկանում է, որ ընտրված թեման չափազանց բարդ է։ Աստիճանաբար Մարգարեթը հայտնվում է ընտանեկան վեճերի կիզակետում, որոնք հրահրվում էին հայրական և մայրական կողմի տատիկ-պապիկների դավանաբանական տարբեր հայացքների բախման արդյունքում։ Մարգարեթին զայրացնում են այս վեճերը, և նա դադարում է զրուցել Նրա հետ։ Գրքի վերջաբանում, այուամենայնիվ, Մարգարեթը «ներում է» Աստծուն և դիմում է նրան վստահությամբ և երախտագիտությամբ։ Հավատքին վերաբերող հարցերից բացի, որոնց պատասխանը նա փորձում է ինքնուրույն գտնել, Մարգարեթն իր նոր ընկերուհու՝ Նենսիի հետ ուսումնասիրում է տղաներին և այնպիսի հարցեր, որոնք հուզում են հասակակից աղջնակներին։ Սիրահարվում է դասընկերոջը և նույնիսկ համբուրում է նրան դպրոցական երեկույթի ժամանակ։

ՊարգևներԽմբագրել

2005 թվականին Time ամսագիրը գիրքն ընդգրկել է 1923 թվականից հետո գրված 100 լավագույն անգլերեն գրքերի ցանկում[1]։

ՔննադատությունԽմբագրել

«Դու այստե՞ղ ես, Աստված։ Այդ ես եմ՝ Մարգարեթը» գիրքը Ջուդի Բլումի մյուս գրքերի հետ միասին ընդգրկվել է Ամերիկյան գրադարանային ասոցիացիայի 100 գրքերի ցանկում, որոնք առավել հաճախ են ենթարկվել արգելքների և սահմանափակումների, ընդհուպ՝ մինչև դպրոցական գրադարաններից հանելը[2]։

Ծաղրանմանակված անվանումներԽմբագրել

Անսովոր վերնագրի պատճառով գիրքը հանրաճանաչ է դարձել զանգվածային մշակույթում և ծաղրանմանակվել է։ Չելսի Հենդլերի 2008 թվականին գրված բեսթսելլերը վերնագրվել է «Դու այստե՞ղ ես, Օղի։ Այդ ես եմ՝ Չելսին»։ Որոշ հեռուստասերիալներ գրքի վերնագիրը կիրառել են առանձին սերիաներ վերնագրելու համար․ «Աստված, դու այստե՞ղ ես։ Այս ես եմ՝ Հիսուսը» «Հարավային այգի» մուլտսերիալում, «Դու այստե՞ղ ես, Աստված։ Այդ ես եմ՝ Դին Վինչեսթերը» «Գերբնական» հեռուստասերիալում, «Դու այստե՞ղ ես, Աստված։ Այդ ես եմ՝ Դինը» «Վենտուրա եղբայրներ» մուլտսերիալում, «Դու այստե՞ղ ես, Աստված։ Այդ ես եմ՝ Պիթերը» «Գրիֆինների ընտանիքը» սիթքոմում, «Դու այստե՞ղ ես, Օննա։ Այդ ես եմ՝ Յենը» «Անամոթները» ամերիկյան հեռուստասերիալում։

ԾանոթագրություններԽմբագրել

  1. Grossman Lev (16 October 2005)։ «All Time 100 Novels»։ Time Magazine։ Վերցված է 10-01-2011 
  2. «100 most frequently challenged books by decade»։ The ALA Office for Intellectual Freedom (OIF) 

Արտաքին հղումներԽմբագրել