Դուք նամակ ունեք
«Դուք նամակ ունեք» (անգլ.՝ You’ve Got Mail), 1998 թվականի ամերիկյան կինոնկար, ռեժիսոր Նորա Էֆրոնի «Փոքրիկ խանութ անկյունում» դասական, սիրողական կատակերգության վերաթողարկված տարբերակներից մեկը։
 անգլ.՝ You've Got Mail | |
|---|---|
 | |
| Երկիր |  ԱՄՆ |
| Ժանր | ռոմանտիկ կատակերգություն, սուրբծննդյան ֆիլմ և գրական ստեղծագործության էկրանավորում |
| Թեմա | հաշվարկում |
| Հիմք | Parfumerie? |
| Թվական | դեկտեմբերի 18, 1998[1] և փետրվարի 11, 1999[2] |
| Լեզու | անգլերեն |
| Ռեժիսոր | Նորա Էֆրոն[3] |
| Պրոդյուսեր | Նորա Էֆրոն և Լորեն Շուլեր Դոններ |
| Սցենարի հեղինակ | Դելիա Էֆրոն[3] և Նորա Էֆրոն[3] |
| Դերակատարներ | Թոմ Հենքս[3], Մեգ Ռայան[3], Գրեգ Քիննիր[3], Փարքեր Փոուզի[3], Ջին Սթեփլտոն[3], Սթիվ Զան[3], Դեյվ Շափել[3], Քեթի Ֆիներան, Հիթեր Բերնս[3], Քրիստ Մեսինա[3], Կառա Սեյմուր[3], Դեբորա Ռաշ[3], Հոլլի Հերշ[3], Ջոն Ռենդոլֆ[3], Դեբնի Քոուլմեն[3], Սառա Ռամիրես[3], Ջեֆրի Սկապեռոտտա[3], Ռեյկո Էյլսվորթ[3], Մայքլ Բադալուկո[3], Ջեյն Ադամս[3] և Ալֆոնսո Գոմես-Ռեխոն[3] |
| Օպերատոր | Ջոն Լինդլի |
| Երաժշտություն | Ջորջ Ֆենթոն |
| Մոնտաժ | Ռիչարդ Մարքս |
| Պատմվածքի վայր | Նյու Ջերսի և Նյու Յորք |
| Նկարահանման վայր | Նյու Ջերսի |
| Կինոընկերություն | Warner Bros. |
| Տևողություն | 114 րոպե |
| Բյուջե | 65 000 000 $[4] |
| Շահույթ | 250 821 495 $[5] և 115 821 495 $[4] |
| Պաշտոնական կայքէջ | |
Սյուժե խմբագրել
Ջո Ֆոքսը (Թոմ Հենքս) և Քեթլին Քելլին (Մեգ Ռայան) ապրում են մանհեթենյան Վեսթ Սայդում և անանուն նամակագրություն են վարում համացանցում։ Նրանք ազատ չեն լինում, բայց ինչ-որ բան նրանց գրավում է, «Նյու Յորք-152» («NY152»)-ը և «Վաճառողուհի» («Shopgirl») անընդհատ շփվում են համացանցում։
Սակայն իրական կյանքում նրանք պարբերաբար հանդիպում են միմյանց, և ոչինչ չգիտեն այն մասին, թե ինչքան սերտորեն կապված են համացանցում։ Միևնույն ժամանակ, Քեթլինը և Ջոն ուժեղ մրցակիցներ են. նրանք երկու հարևան գրախանութների սեփականատերեր են... Ջոն իր նորաբաց ցանցային սուպերմարկետների ցանցով փաստացի բիզնեսից դուրս է նետում Քեթլինին և նրա փոքրիկ հին խանութը։ «Վաճառողուհին» իր խնդիրները պատմում է համացանցային զրուցակցին, իսկ նա պատրաստակամորեն և գործնական մեծ գիտելիքներով սկսում է տալ իր գործարարական խորհուրդները, բայց հետո վերջապես պարզում է, թե ում հետ է շփվել այդ ամբողջ ընթացքում։ Նրանք հանդիպում են, սակայն Ֆոքսը ցույց է տալիս, իբր թե պատահաբար են հանդիպել, իսկ աղջիկը, որը սովորաբար փափուկ և նուրբ էր, հետևելով NY152-ի (այսինքն՝ Ջոյի) խորհուրդներին, իր կյանքում առաջին անգամ որոշում է պատմել իր համար տհաճ մարդուն (այսինքն՝ նույն Ջոյի) այն ամենը, ինչ մտածում է նրա և նրա բիզնես ռազմավարությունների մասին։
Քեթլինը նույնիսկ չէր կասկածում, որ իմաստուն և սրամիտ համացանցային զրուցակիցը՝ այն տղամարդը, որի համար նա իր խոստովանությամբ խենթանում էր, հենց այն Ջո Ֆոքսն է, որը «ցանկանում է ամեն ինչ գրավել»։ Եվ նրանով հիացած Ջոն, որը բիզնեսում խնայող գործարար և անգութ մրցակից էր, երկչոտությամբ և զգուշորեն մոտենում է մերձեցմանը, փորձում է դառնալ նրա ընկերը իրական կյանքում, և դա անում է մինչ ամեն ինչ պարզ կդառնա...
Դերերում խմբագրել
| Դերասան | Գործող անձինք |
|---|---|
| Թոմ Հենքս | Ջո Ֆոքս |
| Մեգ Ռայան | Քեթլին Քելլի |
| Փարկեր Պոուզի | Պատրիցիա Իդեն |
| Գրեգ Քիներ | Ֆրենկ Նավասկի |
| Հիզեր Բյոռնս | Քրիստինա Պլուտցկեր |
| Հոլլի Հիրշ | Աննաբելլ Ֆոքս |
| Ջին Ստեպլտոն | Բյորդի Կոնրադ |
| Դեյվ Շափել | Քևին Ջեքսոն |
| Սթիվ Զան | Ջորջ Պապպաս |
Ֆիլմի նախատիպ խմբագրել
«Դուք նամակ ունեք»-ը երրորդ հոլիվուդյան ֆիլմն է այս սյուժեի հիման վրա։ Առաջին ֆիլմը՝ «Փոքրիկ խանութ անկյունում», 1940 թվականին նկարահանել է Էրնստ Լյուբիչը։ Գլխավոր դերերը խաղացել են Ջեյմս Ստյուարտը և Մարգարեթ Սալավանը։ Գործողությունները տեղի են ունեցել Բուդապեշտում (սցենարը գրվել է Միկլոշ Լասլոյի «Օծանելիք» հունգարերեն պիեսի հիման վրա)։
1949 թվականին Ռոբերտ Զ. Լեոնարդը Վան Ջոնսոնի և Ջուդի Գառլենդի հետ պատմությունը վերածել է կինոմյուզիքլի։ Ֆիլմն ստացել է «Հին բարի ամռանը» անվանումը։ Սյուժեն ամերիկայնացվել է, գործողությունները տեղափոխվել են Չիկագո։ Գառլենդի երեք տարեկան դուստրը` Լայզա Մինելլին այս ֆիլմում կատարել է իր դեբյուտը։ «Փոքրիկ խանութ անկյունում»-ը նաև հիմք է հանդիսացել «Նա սիրում է ինձ» բրոդվեյյան երաժշտական մյուզիքլի և «Ձեզ սպասարկո՞ւմ են» անգլիական հանրաճանաչ սիթքոմի համար։
Առաջին երկու ֆիլմերում էլ կերպարները կանոնավոր փոխանակվել են «ցպահանջ» նամակներով։ Արդիականացված տարբերակում նրանք շփվում են համացանցում և ապրում Նյու Յորքում։
Շահույթ խմբագրել
Չնայած պարզունակ սյուժեին՝ ֆիլմը հաջողություն է ունեցել ինչպես ԱՄՆ-ում, այնպես էլ մյուս երկրներում։ Շահույթը կազմել է մոտ 250 միլիոն դոլար։
Ծանոթագրություններ խմբագրել
Արտաքին հղումներ խմբագրել
- Դուք նամակ ունեք(անգլ.) ֆիլմը Internet Movie Database կայքում
- Դուք նամակ ունեք(անգլ.) ֆիլմը Rotten Tomatoes կայքում
- «Դուք նամակ ունեք»(անգլ.) ֆիլմը Box Office Mojo կայքում