Վիքիպեդիա

Դոմենիկո Մորոնե

Դոմենիկո Մորոնե (իտալերեն՝ Domenico Morone, 1442[1][2][3][…], Վերոնա, Վենետո, Իտալիա - 1518, Վերոնա, Վենետո, Իտալիա), Վերածննդի դարաշրջանի իտալացի նկարիչ։ Ստեղծագործել է վաղվերածննդյան շրջանի նկարիչների ոճով։ Նրա աշխատանքների մեծ մասը չի պահպանվել, հատկապես որմնանկարները[4]։

Դոմենիկո Մորոնե
Ծնվել է1442[1][2][3][…]
ԾննդավայրՎերոնա, Վենետո, Իտալիա
Վախճանվել է1518
Մահվան վայրՎերոնա, Վենետո, Իտալիա
Քաղաքացիություն Վենետիկի հանրապետություն
Մասնագիտություննկարիչ
ՈճVeronese school?
Ժանրպատմական գեղանկարչություն
Ուշագրավ աշխատանքներBattle between the Gonzaga and the Bonacolsi?
 Domenico Morone Վիքիպահեստում

Պահպանվածների թվում են մի շարք պաննոներ, որոնցում պատկերված են հասարակական տոնախմբությունների և աշխարհիկ այլ տեսարաններ։ Լավագույն աշխատանքներից է համարվում 1494 թվականին նկարած Cacciata dei Bonacolsi (կամ «Բոնակոլսիի վտարումը 1328 թվականին. Մանտուայի Պիացա Սորդելո հրապարակի տեսարան») կտավը, որ ներկայումս գտնվում է Մանտուայի Դքսական պալատում։ Հիշարժան գործերից են նաև Սան Բեռնարդինո եկեղեցու երգեհոնի փեղկերին նկարած Աստվածամայրը (ներկայումս գտնվում է Բեռլինի Staatliche Museum-ում), այդ եկեղեցու Սանտ Անտոնիո մատուռի որմնանկարները, սաբինյան կանանց բռնաբարությունը պատկերող երկու փոքրաչափ պաննոները, որոնք նույնպես վերագրվում են Մորոնեին և ներկայումս գտնվում են Լոնդոնի Արվեստի ազգային պատկերասրահում։ Վերածննդի դարաշրջանի նկարիչ և արվեստաբան-պատմիչ Ջորջո Վազարին Դոմենիկո Մորոնեին համարում է նրա ժամանակների Վերոնայի երկրորդ մեծ նկարիչը։ Դոմենիկոյի որդի և աշակերտ Ֆրանչեսկոն նույնպես այդ քաղաքի անվանի նկարիչներից էր, ինչպես և մյուս աշակերտներից Միկելե դա Վերոնան, Ջիրոլամո դաի Լիբրին։

Արվեստի պատմաբանների կարծիքով՝ Մորոնեն ղեկավարել է Սան Բեռնարդինո եկեղեցու ֆրանցիսկյան գրադարանի պատկերազարդման աշխատամքները, անձամբ ինքն էլ է մասնակցել դրանց՝ իր ձեռքով ստեղծելով կենտրոնական որմնանկարների մեծ մասը։

Գրականություն խմբագրել

  • The Subject of Domenico Morone's 'Tournament' Panels in the National Gallery, London, Tom Henry. The Burlington Magazine (1994) pp 21–22.
  • Gene P. Veronesi. The decoration of the Sagramossa Library in the Church of San Bernardino, Verona.PhD dissertation, Case Western Reserve University, 2000.

Ծանոթագրություններ խմբագրել

  1. ↑ 1,0 1,1 RKDartists (նիդերլ.)
  2. ↑ 2,0 2,1 KulturNav — 2015.
  3. ↑ 3,0 3,1 Artnet — 1998.
  4. ↑ Lawrence Gowing, ed., Biographical Encyclopedia of Artists, v.3 (Facts on File, 2005): 472.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Դոմենիկո Մորոնե» հոդվածին։
Ստացված է «https://hy.wikipedia.org/w/index.php?title=Դոմենիկո_Մորոնե&oldid=9739410» էջից