Դենիզ Ունդավ
Դենիզ Ունդավ (գերմ.՝ Deniz Undav, քրդ.՝ Denîz Ûndew,1996 թվականի հուլիսի 19, Ֆարել, Ստորին Սաքսոնիա)՝ գերմանացի ֆուտբոլիստ, «Շտուտգարտ» ակումբի և Գերմանիայի հավաքականի հարձակվող։
| Դենիզ Ունդավ գերմ.՝ Deniz Undav | |
|---|---|
 | |
| Ծնվել է | հուլիսի 19, 1996[1] (27 տարեկան) |
| Ծննդավայր | Ֆարել, Ֆրիսլանդիա, Weser-Ems Government Region, Ստորին Սաքսոնիա, Գերմանիա |
| Քաղաքացիություն |  Գերմանիա |
| Մայրենի լեզու | գերմաներեն |
| Մասնագիտություն | ֆուտբոլիստ |
 Deniz Undav Վիքիպահեստում | |
Ակումբային կարիերա
խմբագրելՈւնդավը «Ախիմ», «Վերդեր Բրեմեն», «Վեյհե» և «Հավելսե» ակումբների շրջանավարտ է։ 2015 թվականի ապրիլի 25-ին պահեստային թիմի՝ «Հանովեր 96»-ի դեմ խաղում, նա իր նորամուտը նշեց Գերմանիայի Չորրորդ լիգայում[2]։«Լյուբեկ»–ի դեմ խաղում՝ օգոստոսի 2-ին Դենիզը խփեց իր առաջին գոլը «Հավելսե»–ի կազմում[3]։ 2017 թվականին Ունդավը տեղափոխվեց Բրաունշվայգի «Այնտրախտ», սակայն խաղաց պահեստայինների կազմում։ 2018 թվականի ամռանը Ունդավը տեղափոխվեց «Մեպպեն»։ Հուլիսի 30-ին «Սփորտֆրոյնդե»-ի դեմ խաղում նա իր նորամուտը նշեց Գերմանիայի Երրորդ լիգայում[4]։ Սեպտեմբերի 22-ին «Անտրեհաչինգ»-ի դեմ խաղում Դենիզը խփեց իր առաջին գոլը «Մեպպեն»–ի կազմում[5]։
2020 թվականի ամռանը Ունդավը տեղափոխվեց բելգիական «Յունիոն»։ Օգոստոսի 21-ին «Դեյնցե»–ի դեմ խաղում նա իր նորամուտը նշեց բելգիական Չելենջ Լիգայում[6]։ Հոկտեմբերի 25-ին «Բրյուգգե» «դուբլյորների» դեմ խաղում Դենիզը «դուբլ» արեց՝ խփելով իր առաջին գոլերը «Յունիոն»–ի կազմում[7]։ Մրցաշրջանի վերջում Դենիզն օգնեց ակումբին հասնել էլիտայի։ «Անդերլեխտ»–ի դեմ խաղում՝ 2021 թվականի հուլիսի 25-ին նա իր դեբյուտը նշեց Յուպիլ լիգայում[8]։ Նոյեմբերի 21-ին «Օստենդե»–ի դեմ խաղում Դենիզը «պոկեր» արեց[9]։ Մրցաշրջանի վերջում նա օգնեց ակումբին նվաճել արծաթե մեդալներ և դարձավ առաջնության լավագույն ռմբարկու։
2022 թվականի սկզբին Ունդավը տեղափոխվեց անգլիական «Բրայթոն ընդ Հոուվ Ալբիոն», սակայն վարձավճարով մնաց «Յունիոնում» ևս վեց ամիս։ Տրանսֆերային գումարը կազմել է 7 միլիոն եվրո։ Նույն թվականի ամռանը Դենիզը վերադարձավ Բրայթոն։ Օգոստոսի 7-ին «Մանչեսթեր Յունայթեդի» դեմ խաղում նա իր նորամուտը նշեց Անգլիայի Պրեմիեր Լիգայում[10]։ Օգոստոսի 24-ին «Ֆորեսթ Գրին Ռովերսի» դեմ Անգլիայի լիգայի Գավաթի խաղում, Դենիզը խփեց իր առաջին գոլը «Բրայթոն ընդ Հով Ալբիոնի» կազմում[11]։
Կարիերան՝ ազգային հավաքականում
խմբագրել2024 թվականի մարտի 14-ին նա առաջին անգամ հրավիրվել է Գերմանիայի ազգային հավաքական՝ մասնակցելու Ֆրանսիայի և Հոլանդիայի ազգային հավաքականների հետ ընկերական խաղերին։ Նա իր նորամուտը նշել է մարտի 23-ին Ֆրանսիայի դեմ խաղում (2:0)՝ հանդիպման 81-րդ րոպեին փոխարինելով Կայ Հավերցին[12]։
Անձնական կյանք
խմբագրելԾնվել է Գերմանիայում՝ Մասակի կլանի եզդիների ընտանիքում։ Նրա ծնողները Թուրքիայի հարավ արևելքում գտնվող Շանլըուրֆա մարզի Վիրանշեհիր քաղաքից են[13]։
Ձեռքբերումներ
խմբագրել- Ժյուպիլե լիգայի լավագույն ռմբարկու (25 գոլ) 2021/2022
- Տարվա լավագույն խաղացող - 2021/2022
Ծանոթագրություններ
խմբագրել- ↑ Transfermarkt.com(բազմ․) — 2000.
- ↑ «Ганновер 96 II VS. Хавелсе 1:2» (անգլերեն). soccerway.com. 2015 թ․ ապրիլի 25. Արխիվացված օրիգինալից 2022 թ․ օգոստոսի 5-ին. Վերցված է 2023 թ․ հունվարի 3-ին.
- ↑ «Хавелсе VS. Любек 5:3» (անգլերեն). soccerway.com. 2015 թ․ օգոստոսի 2. Արխիվացված օրիգինալից 2023 թ․ հունվարի 3-ին. Վերցված է 2023 թ․ հունվարի 3-ին.
- ↑ «Шпортфройнде Лотте VS. Меппен 0:0» (անգլերեն). soccerway.com. 2018 թ․ հուլիսի 30. Արխիվացված օրիգինալից 2023 թ․ հունվարի 4-ին. Վերցված է 2023 թ․ հունվարի 3-ին.
- ↑ «Меппен VS. Унтрехахинг 3:3» (անգլերեն). soccerway.com. 2018 թ․ սեպտեմբերի 22. Արխիվացված օրիգինալից 2023 թ․ հունվարի 3-ին. Վերցված է 2023 թ․ հունվարի 3-ին.
- ↑ «Дейнзе VS. Юнион 0:2» (անգլերեն). soccerway.com. 2020 թ․ օգոստոսի 21. Արխիվացված օրիգինալից 2023 թ․ հունվարի 3-ին. Վերցված է 2023 թ․ հունվարի 3-ին.
- ↑ «Юнион VS. Брюгге II 6:0» (անգլերեն). soccerway.com. 2020 թ․ հոկտեմբերի 25. Արխիվացված օրիգինալից 2023 թ․ հունվարի 4-ին. Վերցված է 2023 թ․ հունվարի 3-ին.
- ↑ «Андерлехт VS. Юнион 1:3» (անգլերեն). soccerway.com. 2021 թ․ հուլիսի 25. Արխիվացված օրիգինալից 2022 թ․ հոկտեմբերի 26-ին. Վերցված է 2023 թ․ հունվարի 3-ին.
- ↑ «Остенде VS. Юнион 1:7» (անգլերեն). soccerway.com. 2021 թ․ նոյեմբերի 21. Արխիվացված օրիգինալից 2023 թ․ հունվարի 3-ին. Վերցված է 2023 թ․ հունվարի 3-ին.
- ↑ «Манчестер Юнайтед VS. Брайтон энд Хоув Альбион 1:2» (անգլերեն). soccerway.com. 2022 թ․ օգոստոսի 7. Արխիվացված օրիգինալից 2022 թ․ օգոստոսի 7-ին. Վերցված է 2023 թ․ հունվարի 3-ին.
- ↑ «Форест Грин Роверс VS. Брайтон энд Хоув Альбион 0:3» (անգլերեն). soccerway.com. 2022 թ․ օգոստոսի 24. Արխիվացված օրիգինալից 2023 թ․ հունվարի 3-ին. Վերցված է 2023 թ․ հունվարի 3-ին.
- ↑ «Traumstart ins EM-Jahr». dfb.de (գերմաներեն). Немецкий футбольный союз. 2024 թ․ մարտի 23. Արխիվացված օրիգինալից 2024 թ․ մարտի 23-ին. Վերցված է 2024 թ․ մարտի 23-ին.
- ↑ «OFFICIEEL: Union denkt toch al vooruit en trekt topschutter uit Duitsland aan». www.voetbalprimeur.be (ֆլամանդերեն). Արխիվացված օրիգինալից 2023 թ․ դեկտեմբերի 2-ին. Վերցված է 2023 թ․ դեկտեմբերի 6-ին.