Գրաժինա Բրաշիշկիտե

Գրաժինա Բրաշիշկիտե (լիտ.՝ Gražina Brašiškytė, հոկտեմբերի 19, 1920(1920-10-19), Շյաուլյայ, Լիտվա - մայիսի 10, 1983(1983-05-10), Մոսկվա, ԽՍՀՄ), խորհրդային բեմադրող նկարիչ։

Գրաժինա Բրաշիշկիտե
Ծնվել է	հոկտեմբերի 19, 1920(1920-10-19)
Ծննդավայր	Շյաուլյայ, Լիտվա
Մահացել է	մայիսի 10, 1983(1983-05-10) (62 տարեկան)
Մահվան վայր	Մոսկվա, ԽՍՀՄ
Քաղաքացիություն	ԽՍՀՄ
Մասնագիտություն	նկարիչ-բեմադրող

Կենսագրություն

Ծնվել է 1920 թվականի հոկտեմբերի 19-ին, Շյաուլյայ քաղաքում։

1937 թվականին ընդունվել է Կաունասկի գեղարվեստական դպրոց, իսկ Հայրենական մեծ պատերազմի սկզբին իր ընտանիքի հետ միասին մեկնել է Ալմա-Աթա, որտեղ շարունակել է իր ուսումը Մոսկվայի Գերասիմովի անվան կինեմատոգրաֆիայի համառուսական պետական ինստիտուտի մուլտիպլիկացիայի բաժնում, որը տարահանվել էր Ղազախական ԽՍՀ-ի մայրաքաղաք։ 1948 թվականին ավարտել է իր ուսումը Մոսկվայում, որից հետո վերադարձել է Լիտվական ԽՍՀ։ Այնուհետև Գրաժինա Բրաշիշկիտեն նորից վերադարձել է Մոսկվա, որտեղ նա ընդունվել է «Սոյուզմուլտֆիլմ» կինոստուդիա` սկզբում աշխատելով որպես բեմադրող նկարիչի օգնական, իսկ 1956 թվականից` բեմադրող նկարիչ։

1955 թվականին որպես բեմադրող նկարիչ իր դեբյուտն է նշել «Կախարդված տղան» մուլտիպլիկացիոն ֆիլմում։ Նա բեմադրել է ավելի քան քսան մուլտֆիլմեր, գրել է սյուժեներ` խորհրդային երգիծական «Ֆիթիլ» կինոամսագրի համար։

Արժանացել է Հնդկական միջազգային կինոփառատոնի «Արծաթե լոտոս» մրցանակին` «Վիշապը (մուլտֆիլմ)» ֆիլմի համար (1961 թվական), իսկ նրա «Խավարասերը» ֆիլմը ճանաչվել է որպես տարվա լավագույն ֆիլմ (1963 թվական)։

Մահացել է 1983 թվականի մայիսի 10-ին, Մոսկվայում։

Ֆիլմագրություն

Բեմադրող նկարիչ

• 1951 թվական` Մտերիմ ընկերներ (մուլտֆիլմ)` նկարչի օգնական
• 1955 թվական` «Կախարդված տղան»
• 1957 թվական` «Վերլիոկա (մուլտֆիլմ)»
• 1957 թվական` «Ցանկությունների իրականացում»
• 1958 թվական` «Հեռավոր կղզու գաղտնիքը»
• 1959 թվական` «Սաթե ամրոցը»
• 1961 թվական` «Վիշապը (մուլտֆիլմ)»
• 1962 թվական` «Կանաչ օձը»
• 1963 թվական` «Խավարասերը»
• 1964 թվական` «Կարելին ու Չի կարելին»
• 1965 թվական` «Բարև ձեզ, ատոմ»
• 1966 թվական` «Ծանոթ դեմքերը»
• 1967 թվական` «Շտուրմովշչինան» («Ֆիտիլ» № 59)
• 1968 թվական` «Լուսատտիկը № 8»
• 1969 թվական` «Մենք փնտրում ենք թանաքակաթիլը»
• 1970 թվական` «Լինում է, չի լինում»
• 1971 թվական` «Օտար հետքերով»
• 1972 թվական` «Նվիրական երազանք»
• 1973 թվական` «Պատմվածքներ տիեզերքի մասին»
• 1974 թվական` «Պոնին վազում է շրջանով»
• 1975 թվական` «Ես հիշում եմ...»

Գրականություն

• Сергей Капков Энциклопедия отечественной мультипликации. — М.: Алгоритм, 2006. — С. 125-126. — 816 с. — 3000 экз. — ISBN 5-9265-0319-4

Արտաքին հղումներ

• Գրաժինա Բրաշիշկիտե (անգլ.) Internet Movie Database կայքում
• Գրաժինա Բրաշիշկիտե Արխիվացված 2020-06-26 Wayback Machine
• Գրաժինա Բրաշիշկիտեյի աշխատանքները
• Nežinoma lietuviškosios animacijos istorija (լիտվ.)