Վիքիպեդիա

Գվիդո Բուխվալդ

գերմանացի ֆուտբոլիստ

Գվիդո Ուլրիխ Բուխվալդ (գերմ.՝ Guido Ulrich Buchwald, հունվարի 24, 1961(1961-01-24)[1], Արևմտյան Բեռլին, Գերմանիա), գերմանացի ֆուտբոլիստ և մարզիչ։ Աշխարհի չեմպիոն (1990), որն այդ մրցաշարից հետո Գերմանիայում ստացել է «Դիեգո» մականունը՝ Դիեգո Մարադոնային հաջող հակազդելու համար[2]։

Գվիդո Բուխվալդ
գերմ.՝ Guido Buchwald
Քաղաքացիությունը  Գերմանիա
Ծննդյան ամսաթիվ հունվարի 24, 1961(1961-01-24)[1] (63 տարեկան)
Ծննդավայր Արևմտյան Բեռլին, Գերմանիա
Հասակ 188 սանտիմետր
Դիրք պաշտպան

2006 թվականին ճանաչվել Է Ճապոնիայի Առաջնության լավագույն մարզիչ։

Ակումբային կարիերա

խմբագրել

Վաղ տարիներ

խմբագրել

Բուխվալդը ծնվել է Բեռլինում, իսկ 1962 թվականից ապրել է Վանվայլում, որտեղ նույնպես սովորել է ֆուտբոլ խաղալ։ 16 տարեկանից հանդես է եկել «Շտուտգարտեր Կիկերսի» կազմում Գերմանիայի երիտասարդական առաջնությունում։

Շտուտգարտ

խմբագրել

Էլեկտրիկի կրթություն ստանալուց հետո, Բուխվալդն իր պրոֆեսիոնալ ֆուտբոլային կարիերան սկսել է 1983 թվականին «Շտուտգարտում»։ Նա այս ակումբի կազմում մասնակցել է Բունդեսլիգայի 325 խաղի՝ դառնալով 28 գոլի հեղինակ[3]։ Թիմի կազմում նա երկու անգամ դարձել է երկրի չեմպիոն (1984 և 1992), ընդ որում՝ վերջին խաղում կարևոր դեր է խաղացել՝ մրցաշրջանի վերջին խաղում կարևոր գոլ խփելով Լևերկուզենի «Բայերի» դարպասը հիմնական ժամանակի ավարտից 6 րոպե առաջ։ Բուխվալդը մասնակցել է 1986 թվականի Գերմանիայի Գավաթի և 1989 թվականի ՈՒԵՖԱ գավաթի եզրափակիչներին, սակայն երկու հանդիպումներում էլ «Շտուտգարտը» պարտվել է։

Ուրավա Ռեդ Դայմոնդս

խմբագրել

1994 թվականին տեղափոխվել է Ճապոնիա՝ խաղալու առաջին պրոֆեսիոնալ լիգայում «Ուրավա Ռեդ Դայմոնդսի» կազմում։ Այնտեղ Բուխվալդն անցկացրել է երեք ու կես տարի և առանցքային դեր է խաղացել ակումբի պաշտպանության գործում՝ թիմին բերելով իսկական գերմանական մարտական ոգի։ Նա վաստակել է ինչպես պրոֆեսիոնալ համայնքի (Բուխվալդին երկու անգամ ընդգրկել են լիգայի խորհրդանշական հավաքականում՝ 1995 և 1996 թվականներ), այնպես էլ երկրպագուների հարգանքը։ Նրանք հավաքվել էին տնային ասպարեզում 1997 թվականի հոկտեմբերի 15-ին՝ նրան հայրենիք ճանապարհելու համար․ Բուխվալդը դուրս է եկել սպիտակ ձիով և պատվո շրջան կատարել մարզադաշտի շուրջը։ 1994-1997 թվականներին նա անցկացրել է 127 հանդիպում և դարձել 11 գոլի հեղինակ։

Կարլսրուե

խմբագրել

Նոր ակումբում՝ «Կարլսրուեում», նրա խնդիրն էր կանխել երկրորդ Բունդեսլիգա դուրս մնալը։ Նա հասցրել է անցկացնել մրցաշրջանի 9 հանդիպում, սակայն նպատակին չի հասել։ Հաջորդ մրցաշրջանում Բուխվալդը 31 խաղ է անցկացրել երկրորդ Բունդեսլիգայում՝ չկարողանալով օգնել ակումբին վերադառնալ երկրի բարձրագույն դիվիզիոն[4]։ Դրանից հետո նա ավարտել է խաղային կարիերան։

Կարիերան հավաքականում

խմբագրել

Բուխվալդը հավաքականի կազմում անցկացրել է 76 հանդիպում՝ խփելով չորս գնդակ[5] և ստանալով երկու դեղին քարտ։ Նրա դեբյուտը տեղի է ունեցել 1984 թվականի մայիսի 22-ին Իտալիայի դեմ խաղում։ Դրանից հետո Բուխվալդը խաղացել է 1984 թվականի Եվրոպայի առաջնությունում, երբ Բունդեսթիմը չկարողացավ դուրս գալ խմբից։ Նրա հաջորդ մրցաշարը 1984 Օլիմպիական խաղերն էին Լոս Անջելեսում, որտեղ Գերմանիան քառորդ եզրափակիչում պարտվեց Հարավսլավիային։

Գվիդոյի համար մեծ հիասթափությունը 1986 թվականն էր, երբ մարզիչ Ֆրանց Բեկենբաուերը նրան չընդգրկեց Մեքսիկայում կայանալիք աշխարհի առաջնության իր թիմում։ Հայտնի է, որ մարզիչն է 4 տարի անց հաղթել Իտալիայի Գավաթի առաջնությունում[6]։ Եզրափակչում Բուխվալդը վարպետորեն հաղթահարեց արգենտինացիների հարձակվող Մարադոնային, որից հետո Գերմանիայում նրան սկսեցին անվանել «Դիեգո»։ Բայց ոմանք պնդում են, որ այս մականունը նա ստացել է Հոլանդիայի դեմ 1/8 խաղում՝ մի շարք տպավորիչ հարվածների և երկու գոլային փոխանցման համար։

1988 թվականի Եվրոպայի առաջնության ժամանակ Դանիայի դեմ խաղում նա բախվել է Ֆլեմինգ Պոուլսենի հետ, ինչի արդյունքում պատռված վերք է եղել։ Երբ նրան հաջողվել է կարել, նա վերադարձել է խաղադաշտ, սակայն աճուկի ձգում է ստացել և ստիպված է եղել լքել մրցաշարը։ 1992 թվականի Եվրոպական հաջորդ մրցաշարը կարող էր ճակատագրական լինել Բուխվալդի համար։ Հանդիպումներից մեկում նա գլխի հարվածից հետո անգիտակից վիճակում փլուզվել է՝ վնասելով շնչուղիները։ Ազգային հավաքականի մերսող Ադոլֆ Կացենմայերը փրկել է նրա կյանքը։

Մարզչական կարիերա

խմբագրել

Ֆուտբոլիստի կարիերայի ավարտից հետո Բուխվալդը դարձավ «Կարլսրուեի» մարզական տնօրենը, որը դուրս մնաց, իսկ հաջորդ մրցաշրջանում կրկին բարձրացավ երկրորդ Բունդեսլիգա։ 2001 թվականին տեղափոխվել է իր նախկին ակումբ՝ «Շտուտգարտեր Կիկերս» և այնտեղ զբաղեցրել նույն պաշտոնը։ Մեկ տարի անց նա դարձավ «Ուրավա Ռեդ Դայմոնդսի» մարզական խորհրդատու, իսկ 2004 թվականի հունվարի 1-ից գլխավորեց նախկին ակումբը որպես մարզիչ։ Դեբյուտային մրցաշրջանում թիմը գրավեց առաջին տեղը Առաջնության երկրորդ շրջանում, բայց արդյունքում, ինչպես և հաջորդ մրցաշրջանում, հայտնվեց միայն երկրորդը։ Սակայն 2005 թվականին «Ուրավա Ռեդսը» նվաճեց կայսեր գավաթը, իսկ 2006 թվականի մրցաշրջանի վերջին խաղում գրանցեց չեմպիոնությունը՝ առաջինը պրոֆեսիոնալ ֆուտբոլում։ Ընդամենը մի քանի օր անց թիմը կրկնեց իր նախորդ տարվա հաղթանակը Կայսեր Գավաթի եզրափակիչ խաղում՝ 1:0 հաշվով հաղթելով «Գամբա Օսակա» ակումբին։ Դեկտեմբերին Գվիդո-սանը լքեց մարզչական պաշտոնը՝ ճանաչվելով Ճապոնիայի տարվա մարզիչ։

2007 թվականի հունիսի 11-ին Բուխվալդը գլխավորել Է Երկրորդ Բունդեսլիգայի «Ալեմաննիա» ակումբը Աաքենից։ Նա փոխարինեց Միքայել Ֆրոնցեկին, իսկ պայմանագիրը նախատեսված էր երկու տարով։ Բայց 2007 թվականի նոյեմբերի 26-ին նա հեռացվեց աշխատանքից այն բանից հետո, երբ իր թիմը մրցաշարային աղյուսակում իջավ իններորդ հորիզոնական։ Պաշտոնական հաղորդագրության մեջ պատճառը թիմի թույլ ելույթն էր հյուրընկալվելիս, որի համար Բուխվալդը այդպես էլ բացատրություն չի գտել[7]։

Բուխվալդը շարունակեց համագործակցել «Ուրավա Ռեդսի» հետ և մտածեց, որ 2009 թվականին կրկին աշխատի Ճապոնիայում որպես տեխնիկական խորհրդատու և կարող է ղեկավարել թիմը։ Սակայն ակումբի որոշումը՝ վաղաժամ խզել պայմանագիրը գլխավոր մարզիչ Էնգելսի հետ և հրավիրել նոր մասնագետ Ֆոլկեր Ֆինկեին, առանց խորհրդակցելու Բուխվալդի հետ, զայրացրել է նրան։ Այս պատմությունը խզել է ճապոնական ակումբի հարաբերությունները գերմանացի մարզչի հետ[8]։ Դրանից հետո Ճապոնիայում նա միայն աշխատել է որպես ճապոնական ֆուտբոլի ասոցիացիայի խորհրդատու։

2010 թվականի նոյեմբերի 1-ից Բուխվալդը եղել է «Շտուտգարտեր Կիկերսի» խորհրդի անդամ, որը պատասխանատու է առաջին թիմի համար։ Նրա գլխավորությամբ թիմը կարողացավ 2011/2012 մրցաշրջանում բարձրանալ երրորդ լիգա։ Հաջորդ մրցաշրջանում, 2012 թվականի նոյեմբերին մի շարք պարտություններից հետո, Բուխվալդը ժամանակավորապես ստանձնեց մարզչի պաշտոնը, այն բանից հետո, երբ մարզիչ Դիրկ Շուստերը հեռացվեց իր պարտականություններից։ Բայց հենց որ թիմը գտավ նոր մարզիչ՝ Գերդ Դայս, Բուխվալդը վերադարձավ իր նախկին պաշտոնին։ Այն բանից հետո, երբ 2013 թվականի հոկտեմբերի 1-ին այս մարզիչը հեռացվեց աշխատանքից, Բուխվալդը նույնպես լքեց իր պաշտոնը։

2015 թվականին աշխատել է «Շտուտգարտում» որպես սկաուտ[9], ինչպես նաև ասիական շուկայի մասնագետ[10]։ 2019 թվականի փետրվարի 4-ին Բուխվալդը հրաժարական է տվել իր պաշտոնից՝ ղեկավարության հետ ներքին տարաձայնությունների պատճառով[11]։

Ձեռքբերումներ

խմբագրել

Որպես խաղացող

խմբագրել
  «Շտուտգարտ»[12]
  Գերմանիայի հավաքական[12]

Որպես մարզիչ

խմբագրել
  «Ուրավա Ռեդ Դայմոնդս»[13]

Անձնական

խմբագրել
  • Բունդեսլիգայի խորհրդանշական հավաքական (ըստ kicker-ի)՝ 1989/90, 1993/94[14][15]
  • Ջեյ-լիգայի խորհրդանշական հավաքական՝ 1995, 1996[16]
  • Ջեյ լիգայի տարվա մարզիչ՝ 2006[17]

Վիճակագրություն

խմբագրել

Ակումբում

խմբագրել
Ակումբի ելույթներ Լիգա Գավաթ Լիգայի գավաթ Ընդհանուր
Մրցաշրջան Ակումբ Լիգա Մրցաշար Գոլեր Մրցաշար Գոլեր Մրցաշար Գոլեր Մրցաշար Գոլեր
Գերմանիա Լիգա Գերմանիայի գավաթ Գերմանիայի լիգայի գավաթ Ընդհանուր
1979–80 Շտուտգարտեր Կիկերս Երկրորդ Բունդեսլիգա 33 1
1980–81 38 8
1981–82 38 5
1982–83 37 4
1983–84 Շտուտգարտեր Բունդեսլիգա 34 3
1984–85 15 4
1985–86 32 1
1986–87 33 2
1987–88 30 1
1988–89 30 1
1989–90 28 5
1990–91 21 3
1991–92 37 5
1992–93 33 1
1993–94 32 2
Ճապոնիա Լիգա Կայսեր Գավաթ Ջեյ-լիգայի գավաթ Ընդհանուր
1994 Ուրավա Ռեդ Դայմոնդս Ջեյ-լիգա 20 2 3 0 2 0 25 2
1995 51 4 3 0 - 54 4
1996 24 3 4 0 12 0 40 3
1997 32 2 0 0 6 0 38 2
Գերմանիա Լիգա Գերմանիայի Գավաթ Գերմանիայի լիգայի գավաթ Ընդհանուր
1997–98 Կարլսրուե Բունդեսլիգա 9 0
1998–99 Երկրորդ Բունդեսլիգա 31 3
Երկիր Գերմանիա 511 49
Ճապոնիա 127 11 10 0 20 0 157 11
Ընդհանոր 638 60

Ազգային հավաքականում

խմբագրել
Գերմանիայի հավաքական
Տարի Մրցաշար Գոլեր
1984 3 0
1985 0 0
1986 7 0
1987 7 0
1988 6 0
1989 6 0
1990 12 0
1991 6 1
1992 13 1
1993 10 2
1994 6 0
Total 76 4

Մարզչական կարիերա

խմբագրել
Թիմ Երկիր Այս թվականից Մինչև Վիճակագրություն
Խաղեր Հաղթանակներ Պարտություններ Ոչ ոք Հաղթանակ %
Կարլսրուե   1999 թվականի հոկտեմբերի 16 1999 թվականի հոկտեմբերի 24 2 0 0 2 0
Ուրավա Ռեդ Դայմոնդս[18]   2004 թվականի հունվարի 1 2006 թվականի դեկտեմբերի 31 98 58 19 21 59.18
Ալեմաննիա   2007 թվականի հուլիսի 1 2007 թվականի նոյեմբերի 26 14 5 4 5 35.71
Ընդհանուր 114 63 23 28 55.26

Ծանոթագրություններ

խմբագրել
  1. ↑ 1,0 1,1 Transfermarkt.com(բազմ․) — 2000.
  2. ↑ FIFA.com. «2018 FIFA World Cup Russia™ - News - A magical night in Rome - FIFA.com». www.fifa.com (անգլերեն). Արխիվացված օրիգինալից 2019 թ․ հոկտեմբերի 24-ին. Վերցված է 2019 թ․ մայիսի 22-ին.
  3. ↑ Arnhold, Matthias (2015 թ․ հուլիսի 23). «Guido Buchwald - Matches and Goals in Bundesliga». Rec.Sport.Soccer Statistics Foundation. Արխիվացված օրիգինալից 2016 թ․ մարտի 5-ին. Վերցված է 2015 թ․ օգոստոսի 21-ին.
  4. ↑ Matthias Arnhold (2015 թ․ հուլիսի 23). «Guido Buchwald – Matches and Goals in Bundesliga». Rec.Sport.Soccer Statistics Foundation. Արխիվացված օրիգինալից 2016 թ․ մարտի 5-ին. Վերցված է 2015 թ․ օգոստոսի 21-ին.
  5. ↑ Matthias Arnhold (2015 թ․ հուլիսի 23). «Guido Buchwald – International Appearances». Rec.Sport.Soccer Statistics Foundation. Արխիվացված օրիգինալից 2016 թ․ մարտի 5-ին. Վերցված է 2015 թ․ օգոստոսի 21-ին.
  6. ↑ «Guido Buchwald: «Meine Tasche hatte keine Nummer»». Արխիվացված օրիգինալից 2017 թ․ մարտի 18-ին. Վերցված է 2017 թ․ մարտի 17-ին.
  7. ↑ Alemannia entlässt Buchwald Արխիվացված 2018-02-28 Wayback Machine, Kicker Sportmagazin-Onlinedienst vom 26-11-2007
  8. ↑ «反フィンケ"ギドはアドバイザー拒否». Արխիվացված օրիգինալից 2009 թ․ փետրվարի 9-ին. Վերցված է 2019 թ․ հոկտեմբերի 24-ին.
  9. ↑ Weichenstellungen
  10. ↑ Die Pressekonferenz der Vereinsführung in voller Länge
  11. ↑ Buchwald hört beim VfB auf und erhebt Vorwürfe Արխիվացված 2019-03-09 Wayback Machine, kicker.de, abgerufen am 4-02-2019
  12. ↑ 12,0 12,1 Whitney, Clark (2013 թ․ հոկտեմբերի 4). «The 20 Most Intimidating Defenders in Bundesliga History». Bleacher Report. Արխիվացված օրիգինալից 2018 թ․ դեկտեմբերի 6-ին. Վերցված է 2018 թ․ դեկտեմբերի 6-ին.
  13. ↑ «CLUB HISTORY». Urawa Red Diamonds. Վերցված է 2018 թ․ դեկտեմբերի 6-ին.(չաշխատող հղում)
  14. ↑ «Bundesliga Historie 1989/90» (գերմաներեն). kicker. Արխիվացված օրիգինալից 2019 թ․ մարտի 30-ին. Վերցված է 2019 թ․ նոյեմբերի 3-ին.
  15. ↑ «Bundesliga Historie 1993/94» (գերմաներեն). kicker. Արխիվացված օրիգինալից 2019 թ․ մարտի 30-ին. Վերցված է 2019 թ․ նոյեմբերի 3-ին.
  16. ↑ Jackman, Spencer (2018 թ․ մայիսի 29). «Iniesta Is Taking His Talents To Japan, Joining These Legenday J League Imports». The18. Արխիվացված օրիգինալից 2018 թ․ դեկտեմբերի 6-ին. Վերցված է 2018 թ․ դեկտեմբերի 6-ին.
  17. ↑ «Aachen name Buchwald as new coach». CNN International. 2007 թ․ հունիսի 12. Արխիվացված օրիգինալից 2018 թ․ դեկտեմբերի 6-ին. Վերցված է 2018 թ․ դեկտեմբերի 6-ին.
  18. ↑ «J.League Data Site». Արխիվացված օրիգինալից 2016 թ․ սեպտեմբերի 15-ին. Վերցված է 2019 թ․ նոյեմբերի 3-ին.

Արտաքին հղումներ

խմբագրել
 Վիքիպահեստն ունի նյութեր, որոնք վերաբերում են «Գվիդո Բուխվալդ» հոդվածին։
Ստացված է «https://hy.wikipedia.org/w/index.php?title=Գվիդո_Բուխվալդ&oldid=9783082» էջից