Գուրգեն Խաչատրյան (գործարար)
Գուրգեն Գագիկի Խաչատրյան (նոյեմբերի 23, 1983), հայ գործարար, «Գալաքսի» ընկերությունների խմբի համահիմնադիր[1], «Յուքոմ» ընկերության տնօրենների խորհրդի նախագահ[2]։
| Գուրգեն Խաչատրյան | |
|---|---|
 | |
| Ծնվել է | Նոյեմբերի 23, 1983 |
| Քաղաքացիություն | Հայաստան |
| Զբաղեցրած պաշտոններ | «Գալաքսի» ընկերությունների խմբի հիմնադիր, «Յուքոմ» ընկերության տնօրենների խորհրդի նախագահ |
Կենսագրություն խմբագրել
Կրթություն և գործարար ոլորտ
Իրավագիտության մասնագիտացմամբ ավարտել է Երևանի պետական համալսարանը և ՀՀ Պետական կառավարման ակադեմիան։ Հանդիսանում է Հարվարդի համալսարանի բիզնեսի կառավարման դպրոցի շրջանավարտ[3]։ 2006 թվականից իրականացնում է «Գալաքսի» ընկերությունների խմբի կառավարումն ու ստեղծման օրվանից համակարգել է «Յուքոմ» հեռահաղորդակցության օպերատորի, «Երևան մոլ» առևատրաժամանցային կենտրոնի[4] աշխատանքները, իսկ 2019-ին հայտարարել է Երևանում «Ինովացիայի և տեխնոլոգիաների պարկի» կառուցման մասին[5]։
Սոցիալական պատասխանատվություն
Գուրգեն Խաչատրյանի ղեկավարած ընկերությունը աջակցում է կրթության[6], ստարտ-ափների[7], ստեղծարար արվեստի[8], դասական երաժշտության[9] և համաշխարհային գիտական գրականության հայերեն թարգմանության նախագծերին, ինչպես օրինակ՝ Յուվալ Նոյ Հարարի եռագրությունը հայերեն[10]։ Ի հավելումն, Գուրգեն Խաչատրյանի ընտանիքը խոշոր նվիրատու է Հայաստանի Հանրապետության պաշտպանական գծի անվտանգության համակարգերով ապահովման ծրագրերին[11]։
Ընտանիքը
Գուրգեն Խաչատրյանը ՀՀ ֆինանսների նախկին նախարար Գագիկ Խաչատրյանի որդին է[12]։
«Յուքոմ» ընկերություն խմբագրել
Գուրգեն Խաչատրյանի կողմից կառավարվող «Յուքոմ» (Ucom) ընկերությունը հիմնադրվել է 2009 թվականին որպես ինտերնետ պրովայդեռ, ապա թվային հեռուստատեսություն և ֆիքսված հեռախոսակապ[13]։ 2015 թվականին Յուքոմը ձեռք է բերում Օրանժ ընկերության 100% բաժնետոմսերը` այդպիսով դառնալով նաև շարժական կապի ծառայություններ մատուցող օպերատոր[14]։
2020 թվականի ապրիլին «Յուքոմի» գործադիր տնօրեն Հայկ Եսայանը և 576 աշխատակիցներ ազատման դիմում են ներկայացնում, որին հաջորդում է գործադիր տնօրենի կողմից «Յուքոմի» գնման առաջարկը[15]։ Գուրգեն Խաչատրյանը առաջարկը մերժում է՝ հայտարարելով, որ «Ucom»-ը չի վաճառվում ու իր արժանապատվությունը սակարկության չի դրվում»[16]։ «Յուքոմի» նոր տնօրեն է նշանակվում Արա Սերգեյի Խաչատրյանը, ով «Գալաքսի» ընկերությունների խմբի ֆինանսական տնօրենն էր[17]։ Հայկ Եսայանը հիմնում է նոր ընկերություն՝ «ԹԻՄ» ՍՊԸ-ն[18]։ 2022թ. Մարտ ամսին տնօրենների խորհրդի հայտարարությամբ «Յուքոմի» նոր գլխավոր տնօրեն է նշանակվել Ռալֆ Յիրիկյանը[19]։
«Յուքոմ» ընկերությունը ՍՊԸ-ից վերափոխվել է ՓԲԸ-ի 27.11.2019թ.-ի որոշմամբ[20]։ Ընկերությունը մեծամասնական բաժնետերերը Խաչատրյաններն են, և ընկերության 89% բաժնեմասը գրավադրված է[21]։ «Յուքոմը» հանրությանը հասանելի պարտատոմսեր է թողարկում 2019թ.-ից[22]։
Ծանոթագրություններ խմբագրել
- ↑ ««Գալաքսի» ընկերությունների խումբը հրապարակել է 2019թ. հարկային և վարկային ցուցանիշները». armenpress.am. Վերցված է 2021 թ․ փետրվարի 9-ին.
- ↑ ««Մենք հավատում էինք, որ մեր ստեղծածը կխոսի մեր մասին». Գուրգեն Խաչատրյանի հայտարարությունը». Sputnik Armenian. Վերցված է 2021 թ․ փետրվարի 9-ին.
- ↑ «ԳՈՒՐԳԵՆ ԽԱՉԱՏՐՅԱՆ». GalaxyGroup. Վերցված է 2021 թ․ փետրվարի 9-ին.
- ↑ «Գուրգեն Խաչատրյան. Երազում ենք Հայաստանը տեսնել նորարարությունների քարտեզում». Banks.am (ամհարերեն). Վերցված է 2021 թ․ փետրվարի 9-ին.
- ↑ «Երևանում կկառուցվի Ինովացիայի և տեխնոլոգիաների պարկ՝ 6000 աշխատատեղերով». «Ազատ Եվրոպա/Ազատություն» ռադիոկայան. Վերցված է 2021 թ․ փետրվարի 9-ին.
- ↑ Limited, Clover CG. ««Գալաքսի» ընկերությունների խումբը և «Դասավանդի՛ր, Հայաստան» կրթական հիմնադրամն ազդարարում են համատեղ ծրագրերի մեկնարկը». b24.am. Վերցված է 2021 թ․ փետրվարի 9-ին.
- ↑ ««Գալաքսի» ընկերությունների խումբը և «Ստարտափ Արմենիա» հիմնադրամը կաջակցեն ինովացիոն նախագծերին». PanARMENIAN.Net. Վերցված է 2021 թ․ փետրվարի 9-ին.
- ↑ «Նախագահ Սարգսյանը ներկա է գտնվել Ucom-ի և «Creative Armenia»-ի ստեղծարար երիտասարդների միջոցառմանը». www.ucom.am. Վերցված է 2021 թ․ փետրվարի 9-ին.
- ↑ Technologies, Peyotto. ««Արի գնանք դասական համերգի». մեկնարկում է «Գալաքսի» ընկերությունների խմբի և Հայաստանի պետական սիմֆոնիկ նվագախումբի համատեղ նախագիծը». factor.am. Վերցված է 2021 թ․ փետրվարի 9-ին.
- ↑ «Յուվալ Նոյ Հարարիի «Sapiens. մարդկության համառոտ պատմություն» գիրքը թարգմանվել է հայերեն. Newmag-ի և «Գալաքսի» ընկերությունների խմբի նոր նախագիծը». www.aravot.am (ամերիկյան անգլերեն). Վերցված է 2021 թ․ փետրվարի 9-ին.
- ↑ Գագիկ Խաչատրյանի որդիների աջակցությամբ առաջնագծի տեսադիտարկման համակարգը համալրվել է կարևոր տեխնիկական միջոցներով. Հարցազրույց https://www.aysor.am/am/news/2017/05/19/%D5%AD%D5%A1%D5%B9%D5%A1%D5%BF%D6%80%D5%B5%D5%A1%D5%B6-%D5%A5%D5%B2%D5%A2%D5%A1%D5%B5%D6%80%D5%B6%D5%A5%D6%80/1263511
- ↑ «Կարմիր թել» Գուրգեն Խաչատրյանի հետ https://www.youtube.com/watch?v=pkZJNOlvitU
- ↑ «Ucom պարտատոմսեր». www.ucom.am. Վերցված է 2021 թ․ փետրվարի 9-ին.
- ↑ ««Օրանժ Արմենիա»-ի 100% բաժնեմասը օտարվեց «Յուքոմ» ընկերությանը. ՀԾԿՀ-ի որոշում». www.aravot.am (ամերիկյան անգլերեն). Վերցված է 2021 թ․ փետրվարի 9-ին.
- ↑ «Հայկ և Ալեքսանդր Եսայանները պատրաստ են գնել Ucom-ի` իրենց չպատկանող բաժնեմասը». Sputnik Armenian. Վերցված է 2021 թ․ փետրվարի 9-ին.
- ↑ «Գուրգեն Խաչատրյան. «Ucom-ը չի վաճառվում ու մեր արժանապատվությունը սակարկության չի դրվում»». iTel.am. Վերցված է 2021 թ․ փետրվարի 9-ին.
{{cite web}}: soft hyphen character in|title=at position 25 (օգնություն) - ↑ «Ucom-ի նոր տնօրենը Արա Խաչատրյանն է. ընկերության Տնօրենների խորհրդի հայտարարությունը». Hetq.am. Վերցված է 2021 թ․ փետրվարի 9-ին.
- ↑ «Եսայան եղբայրների ընկերությունը TEAM․Telecom Armenia բրենդով հանդես կգա». PanARMENIAN.Net. Վերցված է 2021 թ․ փետրվարի 9-ին.
- ↑ «Ucom-ը հայտարարում է գլխավոր տնօրենի փոփոխության մասին. Արա Խաչատրյանին կփոխարինի Ռալֆ Յիրիկյանը». armenpress.am. Վերցված է 2023 թ․ հունիսի 30-ին.
- ↑ ««Յուքոմ» ՍՊԸ-ն հունվարից «Յուքոմ» ՓԲԸ կլինի». www.ucom.am. Վերցված է 2021 թ․ փետրվարի 9-ին.
- ↑ ««Յուքոմը» գրավադրել է 89 տոկոս բաժնեմասը․ Սամվել Կարապետյանի բանկն ու մերձավորը՝ ընկերության բաժնետեր». www.civilnet.am. Վերցված է 2021 թ․ փետրվարի 9-ին.(չաշխատող հղում)
- ↑ «Ucom-ը ճիշտ ժամանակին կվճարի դոլարային և դրամային պարտատոմսերի արժեկտրոնները». www.aravot.am (ամերիկյան անգլերեն). Վերցված է 2021 թ․ փետրվարի 9-ին.