Գենրիխ Նեյգաուզ
Գենրիխ Գուստավովիչ Նեյգաուզ (մարտի 31 (ապրիլի 12), 1888[2], Կրոպիվնիցկի, Խերսոնի նահանգ, Ռուսական կայսրություն - հոկտեմբերի 10, 1964[1][2][3][…], Մոսկվա, ԽՍՀՄ[1]), խորհրդային դաշնակահար, մանկավարժ։ ՌՍՖՍՀ ժողովրդական արտիստ (1956)։
Գենրիխ Գուստավովիչ Նեյգաուզ | |
---|---|
Գենրիխ Նեյգաուզ (1962) | |
Բնօրինակ անուն | գերմ.՝ Heinrich Neuhaus |
Ի ծնե անուն | Нейгауз, Генрих Густавович |
Ծնվել է | մարտի 31,(ապրիլի 12),1888 Ելիզավետգրադ (Կիրովոգրադ) |
Երկիր | Ռուսաստան |
Մահացել է | հոկտեմբերի 10,1964 Ռուսաստան Մոսկվա |
Գերեզման | Նովոդեվիչյան գերեզմանոց |
Ժանրեր | դասական երաժշտություն |
Մասնագիտություն | դաշնակահար, մանկավարժ |
Գործիքներ | դաշնամուր |
Աշխատավայր | Մոսկվայի կոնսերվատորիա և Ուկրաինայի Չայկովսկու անվան ազգային երաժշտական ակադեմիա |
Կրթություն | Սանկտ Պետերբուրգի կոնսերվատորիա և Մոսկվայի կոնսերվատորիա |
Ամուսին | Զինաիդա Պաստեռնակ |
Պարգևներ | |
Heinrich Neuhaus Վիքիպահեստում |
Կրթություն խմբագրել
Պարապել սկսել է հոր՝ դաշնակահար Գուստավ Նեյգաուզի (1847-1938) մոտ։ Աշակերտել է Լ․ Գոդովսկուն (1906 թվականին՝ Բեռլինում և 1912-1914 թվականներին Վիեննայում՝ Երաժշտության և բեմական արվեստների ակադեմիայի բարձրագույն վարպետության դպրոցում)։ 1915 թվականին էքստեռն ավարտել է Պետրոգրադի կոնսերվատորիան։ 1916-1918 թվականներին դասավանդել է Թբիլիսիի երաժշտական ուսումնարանում, 1918-1922 թվականներին՝ Կիևի կոնսերվատորիայում (1919 թվականից՝ պրոֆեսոր)։
Աշխատանքներ խմբագրել
1922-1964 թվականներին Մոսկվայի կոնսերվատորիայի պրոֆեսոր (1935-1937 թվականներին՝ տնօրեն)։ Նեյգաուզը ռոմանտիկական ուղղության վառ ներկայացուցիչ է՝ օժտված հարուստ բանաստեղծական մտածելակերպով, բուռն տեմպերամենտով, կատարողական բարձր կուլտուրայով։ Ստեղծել է խոշորագույն դաշնամուրային դպրոց, որի ներկայացուցիչներն են Ս․ Ռիխտերը, Է․ Գիլելսը, Յա․ Զակը, Ե․ Մալինինը, Մ․ Նեյգաուզը (Նեյգաուզի որդին)։ Աշակերտներից են նաև Տ․ Գուտմանը, Վ․ Գորնոստաևան, Լ․ Նաումովը, Ա․ Բայբուրթյանը։ Երաժշտական կատարողական արվեստի մասին աշխատությունների հեղինակ է, Ֆ․ Շոպենի երկերի խմբագիր։
Պարգևներ խմբագրել
Պարգևատրվել է Լենինի, Աշխատանքային կարմիր դրոշի շքանշաններով։
Ծանոթագրություններ խմբագրել
- ↑ 1,0 1,1 1,2 1,3 Нейгауз Генрих Густавович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ 2,0 2,1 2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 3,0 3,1 Babelio (ֆր.) — 2007.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 219)։ |