Բարտալոմեո Վենետո
Բարտալոմեո Վենետո (իտալ.՝ Bartolomeo Veneto, 1502[1][2] կամ մոտ 1480-ականներ, Հյուսիսային Իտալիա, Իտալիա - 1555[1], Թուրին, Սավոյայի դքսություն), Վերածննդի դարաշրջանի իտալացի նկարիչ։
Բարտալոմեո Վենետո | |
|---|---|
| Ծնվել է | 1502[1][2] կամ մոտ 1480-ականներ |
| Ծննդավայր | Հյուսիսային Իտալիա, Իտալիա |
| Վախճանվել է | 1555[1] |
| Մահվան վայր | Թուրին, Սավոյայի դքսություն |
| Մասնագիտություն | նկարիչ և գծանկարիչ |
| Ժանր | դիմապատկեր |
| Ուշագրավ աշխատանքներ | Circumcision? և Salome with the head of John the Baptist? |
 Bartolomeo Veneto Վիքիպահեստում | |
Կենսագրություն և ստեղծագործություն
խմբագրելԲարտոլոմո Վենետոյի ծագման մասին քիչ տեղեկություններ կան։ Նկարիչը իր հայտնի նկարներից առաջինի՝ «Մարիամը մանկան հետ» նկարի վրա ստորագրել է 1502 թվականի ապրիլի 9-ին՝ «կես վենետիկցի, կիս կրեմոնցի»։ Աշխատել է հիմնականում Վենետիկում և Լոմբարդիայում։ Ըստ որոշ տեղեկությունների, ծնվել է Կրեմոնայի կամ Բերգամոյի տարածքում։ Բերգամոյում նա ուսումնասիրել է դիմանկարչություն և այդ բնագավառում հասել է ուշագրավ հմտության։
Վենետոն իր վաղ ստեղծագործական շրջանում ստեղծել է գրեթե բացառապես կրոնական թեմաներով կտավներ Վենետիկյան դպրոցի ոճով։ Ջովաննի Բելլինիի և Անտոնելլո դա Մեսինայի արվեստը առանձնահատուկ ազդեցություն է ունեցել Վենետոյի նկարչության վրա։ Հետագա ժամանակահատվածում, ինչպես մի շարք այլ վենետիկցի նկարիչներ (Մարկո Մարցիալե, Յակոպո դե Բարբարի, Բենեդետտո Դիանա), Վենետոն շատ գաղափարներ է վերցրել Ալբրեխտ Դյուրերից։ Սկզբնական շրջանում Վենետոյի նկարներում պատկերների և առարկաների ուրվագծերը պարզ և կոպիտ են՝ Ալվիզ Վիվարինիի ոճով։ Միայն Ֆերարայում և Միլանում մնալուց և Լոմբարդիայի գեղանկարչական դպրոցի հետ ծանոթությունից հետո այն, ինչ պատկերված է նրա ստեղծագործություններում, դառնում է փափուկ, կլորացվում և մոտենում է Լեոնարդո դա Վինչիի տեսլականին։ Ֆերարայում և նրա շրջակայքում Վենետոն պատվեների հիման վրա նկարել է դ'Էստե դքսական ընտանիքի որոշ ներկայացուցիչների դիմանկարներ։ Աշխատել է նաև Պադովայում։
Վենետիկից հեռանալուց հետո Վենետոն առաջին տարիներին աստիճանաբար հեռացել է վենետիկյան ոճի նորմերից և ավելի ու ավելի է ենթարկվել Հյուսիսային Վերածննդի դարաշրջանի ներկայացուցիչների (Դյուրեր, Լուկաս վան Լեյդեն) ազդեցությանը։ Հետո նրա ստեղծագործություններում գերակշռում է Լեոնարդո դա Վինչիի դպրոցի ազդեցությունը։ Նկարչի կյանքի վերջին տարիներին նրա դիմանկարներում հեշտ է ճանաչել բրեշիանյան ոճը, հատկապես Ալեսանդրո Մորետտոյի և Ջովաննի Սավոլդոյի ազդեցությունը։ Վենետոյի արժանիքներից մեկն այն հմտությունն է, որի շնորհիվ նա իր ստեղծագործություններում զուգորդել է Հյուսիսային և Իտալիայի Վերածննդի դարաշրջանի նվաճումները։
Պատկերասրահ
խմբագրել-
![Վին նվագող կինը (մոտ 1530, Գեթի կենտրոն[3], ԱՄՆ)](//upload.wikimedia.org/wikipedia/commons/thumb/2/21/Bartolomeo_Veneto_Woman_playing_a_lute.jpg/90px-Bartolomeo_Veneto_Woman_playing_a_lute.jpg)
Վին նվագող կինը (մոտ 1530, Գեթի կենտրոն[3], ԱՄՆ) -
Երիտասարդ տղամարդու դիմանկար -
Երիտասարդ տղամարդու դիմանկար -
Նորածին Քրիստոսի թլփատությունը -
Դոննա Էբրեայի դիմանկարը -
Չորսը Ռիդոնո տոհմից -
Մադոննա Դելլա Փերը -
Ձեռնոցով երիտասարդի դիմանկար -
![Բեատա Բեատրիսա II դ'Էստեի դիմանկարը (1510-ական թվականներ Ֆերարա, Իտալիա[4])](//upload.wikimedia.org/wikipedia/commons/thumb/5/5b/Veneto%2C_Bartolomeo_-_Beata_Beatrice_II_d%27Este_-_1510s.jpg/91px-Veneto%2C_Bartolomeo_-_Beata_Beatrice_II_d%27Este_-_1510s.jpg)
Բեատա Բեատրիսա II դ'Էստեի դիմանկարը (1510-ական թվականներ Ֆերարա, Իտալիա[4]) -
Հովհաննես Մկրտիչ
![Վին նվագող կինը (մոտ 1530, Գեթի կենտրոն[3], ԱՄՆ)](/wiki/%D5%8A%D5%A1%D5%BF%D5%AF%D5%A5%D6%80:Bartolomeo_Veneto_Woman_playing_a_lute.jpg)
![Բեատա Բեատրիսա II դ'Էստեի դիմանկարը (1510-ական թվականներ Ֆերարա, Իտալիա[4])](/wiki/%D5%8A%D5%A1%D5%BF%D5%AF%D5%A5%D6%80:Veneto,_Bartolomeo_-_Beata_Beatrice_II_d%27Este_-_1510s.jpg)
Ծանոթագրություններ
խմբագրել- ↑ 1,0 1,1 1,2 1,3 1,4 Artnet — 1998.
- ↑ 2,0 2,1 Encyclopédie Larousse en ligne (ֆր.)
- ↑ «www.getty.edu». Արխիվացված է օրիգինալից 2010-05-28-ին. Վերցված է 2009-04-20-ին.
- ↑ www.comune.fe.it Արխիվացված Մայիս 1, 2006 Wayback Machine
Գրականություն
խմբագրել- Kindlers Malereilexikon. — Z.: Kindler Verlag AG, 1964—1971.
 | Վիքիպահեստն ունի նյութեր, որոնք վերաբերում են «Բարտալոմեո Վենետո» հոդվածին։ |