Բատայսկի պատմության թանգարան
Բատայսկի պատմության թանգարան (ռուս.՝ Батайский музей истории), թանգարան ՌԴ Ռոստովի մարզի Բատայսկ քաղաքում։ Թանգարանի ժամանակակից շենքը գտնվում է քաղաքի մշակույթի և հանգստի զբոսայգում, հասցեն` Կիրովի փող., 51ա։
Բատայսկի պատմության թանգարան | |
---|---|
Տեսակ | թանգարան |
Երկիր | Ռուսաստան |
Տեղագրություն | Բատայսկ |
Հասցե | 346880[1] |
Հիմնադրվել է | ապրիլի 22, 1979 |
Պատմություն խմբագրել
Առաջին թանգարանը Բատայսկում բացվել է 1966 թվականին և գտնվել է տեղի կինոթատրոնում։ Սկզբնական անունը եղել է «Հեղափոխական, մարտական և աշխատանքային փառքի թանգարան»։ Տեղավորված է եղել ընդամենը երկու սենյակներում, իսկ ֆոնդում եղել է ընդամենը մոտ 400 ցուցանմուշ։ Թանգարանի ժամանակակից շենքը կառուցվել է 1979 թվականին։ Բացումը տեղի է ունեցել նույն թվականի ապրիլի 22-ին[2]։
Ժամանակակից անվանումը թանգարանը կրում է 1993 թվականից։ Այս պահին ցուցասրահների մակերեսը 430 մ² է[3]։
Թանգարանի ցուցադրություն խմբագրել
Թանգարանի բոլոր ցուցադրությունների հիմք են քաղաքի պատմության, ազգագրության, հնագիտության մասին պատմող ցուցանմուշները։ Թանգարանի ֆոնդերում կա Բատայսկի պատմությանը նվիրված մոտ 9 հազար վավերական փաստաթուղթ[4]։
Թանգարանում կա երեք ցուցասրահ[5].
- Մարտական փառքի սրահ. ներկայացված են Քաղաքացիական և Հայրենական մեծ պատերազմների ժամանակների ցուցանմուշներ, զոհվածների անուններով հուշապատը։ Սրահում ժամանակ առ ժամանակ անցկացվում են հանդիսավոր միջոցառումներ, պատերազմների վետերանների հանդիպումներ և որոնողական խմբերի նիստեր։
- Գավառագիտության սրահ
- Ցուցահանդեսների սրահ
Ցուցադրությունները[5].
- Բատայսկի ավիացիոն դպրոցի (Բարանովի անվան քաղաքացիական օդատորմիղի ուսումնարան) և Սերովի անվան օդաչուների ռազմական ավիացիոն բարձրագույն ուսումնարանի պատմությունը։ Հատկանշական է նրանով, որ այնտեղ սովորել են այնպիսի հռչակավոր օդաչուներ, ինչպիսիք են Ալեքսեյ Մարեսևը, որը դարձել է Բորիս Պոլևոյի «Պատմություն իսկական մարդու մասին» վիպակի գլխավոր հերոսի նախատիպը, աս օդաչու Գրիգորի Դոլնիկովը։
- Առաջին տիեզերագնաց օդաչուներ Վլադիմիր Կոմարովի, Եվգենի Խրունովի, Վիկտոր Գորբատկոյի անձնական իրերը։
- Բատայսկի երկաթուղային հանգույցի պատմության ցուցանմուշները։ Վլադիկավկազի երկաթուղին, որը 1875 թվականին կառուցվել էր Ալեքսանդր II կայսրի հրամանով, անցնում էր Բատայսկով, որը դարձավ խոշոր երկաթուղային հանգույց և «դարպաս» դեպի Կովկաս։
- Ազգագրական ցուցադրություն։ Այստեղ ներկայացված ցուցանմուշները նվիրված են Բատայսկի և նրա շրջակայքի բնակիչների ավանդույթներին և կենցաղին` հին կահույք, գյուղացու աշխատանքային գործիքներ, եկեղեցական և դեկորատիվ-կիրառական կենցաղի առարկաներ։
- Բատայսկցի նկարիչ Նիկոլայ Լոսևսկու աշխատանքների մշտական ցուցահանդես[2]։
Ծանոթագրություններ խմբագրել
- ↑ Государственный каталог Музейного фонда Российской Федерации (ռուս.)
- ↑ 2,0 2,1 Administrator. «Городской музей истории города Батайска» (ռուսերեն). xn----7sbbaad2dcgd9csffhc5m.xn--p1ai. Արխիվացված է օրիգինալից 2017 թ․ փետրվարի 2-ին. Վերցված է 2017 թ․ հունվարի 21-ին.
- ↑ «ИСТОРИЯ ГОРОДСКОГО МУЗЕЯ» (ռուսերեն). xn--80aaabtlpdjm6djh.xn--p1ai. Արխիվացված է օրիգինալից 2017 թ․ փետրվարի 2-ին. Վերցված է 2017 թ․ հունվարի 21-ին.
- ↑ «Батайский музей истории - Правительство Ростовской области» (ռուսերեն). www.donland.ru. Վերցված է 2017 թ․ հունվարի 21-ին.
- ↑ 5,0 5,1 «Донской туризм :: Турист на Дону :: Музеи» (ռուսերեն). dontourism.ru. Արխիվացված է օրիգինալից 2017 թ․ փետրվարի 2-ին. Վերցված է 2017 թ․ հունվարի 21-ին.