Բաչիչիո

Ջովանի Բատիստա Գաուլի, մականվանյալ Բաչիչիո (Baciccio) (իտալ՝. Giovanni Battista Gaulli, մայիսի 8, 1639(1639-05-08)^[…], Ջենովա, Իտալիա - ապրիլի 2, 1709(1709-04-02)^[…], Հռոմ, Պապական մարզ), բարոկկոյի դարաշրջանի իտալացի նկարիչ, որմնանկարի ու դիմանկարի անվանի վարպետ։

Բաչիչիո
Ծնվել է	մայիսի 8, 1639(1639-05-08)[…]
Ծննդավայր	Ջենովա, Իտալիա
Վախճանվել է	ապրիլի 2, 1709(1709-04-02)[…] (69 տարեկան)
Մահվան վայր	Հռոմ, Պապական մարզ
Քաղաքացիություն	Իտալիա
Դավանանք	Հռոմի Կաթոլիկ եկեղեցի
Մասնագիտություն	նկարիչ, քանդակագործ, fresco painter և վիզուալ արտիստ
Ժանր	դիմապատկեր և ֆրեսկո
Ուշագրավ աշխատանքներ	Conversion of Paul?, The Sermon of St. John the Baptist? և A Blessed Abbess Receiving the Host from the Hands of Christ?
Ուսուցիչ	Luciano Borzone?
Baciccio Վիքիպահեստում

Սկզբնական շրջանում Ճենովայում աշակերտել է Լուչանո Բորզոնեին։ 1653 թվականին եկել է Հռոմ, որտեղ ծանոթացել ու մտերմացել է անվանի քանդակագործ ու նկարիչ Ջովանի Լորենցո Բեռնինիի հետ։ Վերջինս օգնել է Գաուլիին կարևոր պատվերներ ձեռք բերելու գործում։ 1657 թվականին նկարչի ծնողները ժանտախտի համաճարակի զոհ են դարձել։

1662 թվականին Գաուլին անդամագրվել է Հռոմի Սուրբ Ղուկասի անվան գեղարվեստական ակադեմիային, տասներկու տարի անց ընտրվել այդ ակադեմիայի նախագահ (Principi):

Ջովանի Գաուլիի վաղ շրջանի աշխատանքներում զգացվում է Պիտեր Պաուլ Ռուբենսի և Անտոնիս վան Դեյկի, ավելի ուշ շրջանի գործերում՝ Ջովանի Բեռնինիի ստեղծագործական ազդեցությունը։

Գաուլի-Բաչիչիոն բազմաթիվ աշակերտներ է ունեցել, որոնցից հիշատակման են արժանի հատկապես հետագայում ճանաչված նկարիչներ դարձած Լուդովիկո Մաձանտին, Ջովանի Օդաձին և Ջովանի Բատիստա Բրուգին։ Ժամանակակիցները Գաուլիին բնութագրել են որպես արագ բռնկվող, բորբոքվող, բայց վրդովմունքի պատճառների վերացումից հետո շուտ հանգստացող, միաժամանակ՝ շատ ազատամիտ, առատաձեռն, աղքատախնամ անձնավորության։

Ստեղծագործությունների ընտրանի

Որմնանկարներ

• Իլ Ջեզու եկեղեցում (1668—1683) — նրա ամենահամբավավոր ստեղծագործությունը
• Քրիստոսի անվան հաղթարշավը (1679)
• Սանտ Անիեզե ին Ագոնե եկեղեցում (1668-71)

Դիմանկարներ

• Հռոմի պապերի՝
  • Ալեքսանդր VII-ի
  • Կղեմես IX-ի
  • Կղեմես X-ի
  • Իննոկենտիոս XI-ի
  • Ալեքսանդր VIII-ի
  • Ինոկենտիոս XII-ի
  • Կղեմես XI-ի
• Ջանլորենցո Բեռնինիի (1665)
• Լեոպոլդո Մեդիչիի ( 1675)
• Ինքնանկար (1667/1668)

Աստվածաշնչյան թեմաներով

• Հարսանիք Կաննայում
• Հովհաննես Մկրտիչն անապատում (մոտ. 1671)
• Հովհաննես Մկրտիչ (1676)
• Ոսկե հորթի պաշտամունքը (1683)

Գրականություն

• Gombrich, E.H. (1995). The Story of Art.
• Haskell, Francis (1980). Patrons and Painters: Art and Society in Baroque Italy. Yale University Press. էջեր 80–85.
• Soprani, Raffaello (1769). Carlo Giuseppe Ratti (ed.). Delle vite de' pittori, scultori, ed architetti genovesi; Tomo secundo scritto da Carlo Giuseppe Ratti. Stamperia Casamara in Genoa, Oxford University copy on Feb 2, 2007. էջեր 74–90.
• Wittkower, Rudolf (1980). Pelican History of Art (ed.). Art and Architecture Italy, 1600-1750. Penguin Books.

Պատկերասրահ

• 
  Երանելի Լուդովիկա Ալբերտոնին ողորմություն բաժանելիս, 1670
• 
  Բաքոսն ու Արիադնեն, c. 1675
• 
  Ջեզուի եկեղեցու որմնանկարներից
• 
  Ջանլորենցո Բեռնինի, 1665
• 
  Ջանլորենցո Բեռնինի
• 
  Ֆրանցիսկյան օրդենի հաղթարշավը, Santi Apostoli, Հռոմ
• 
  Կարդինալ Լեոպոլդո դե Մեդիչի, Ուֆֆիցի, Ֆլորենցիա, մոտ. 1667
• 
  Սուրբ Իգնատիուսի ապոթեոզը, Ջեզուի եկեղեցի, 1685
• 
  Տիրամոր համբարձումը
• 
  Ողբ, 1667
• 
  Կղեմես IX

Արտաքին հղումներ

• Արթսիկլոպեդիա

Վիքիպահեստն ունի նյութեր, որոնք վերաբերում են «Բաչիչիո» հոդվածին։