Արտեմ Մեջինյան

հայ քամանչահար

Արտեմ Մարգարի Մեջինյան (նոյեմբերի 29, 1913(1913-11-29), Կոթիգեղ, Ղազախի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն - նոյեմբերի 8, 1998(1998-11-08), Երևան, Հայաստան), հայ քամանչահար, ՀԽՍՀ վաստակավոր արտիստ (1961), ՀԽՍՀ ժողովրդական արտիստ (1986

Արտեմ Մեջինյան
Ի ծնե անունԱրտեմ Մեջինյան
Ծնվել էնոյեմբերի 29, 1913(1913-11-29)
Կոթիգեղ, Ղազախի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն
Երկիր ԽՍՀՄ և  Հայաստան
Մահացել էնոյեմբերի 8, 1998(1998-11-08) (84 տարեկան)
Երևան, Հայաստան
Մասնագիտությունքամանչահար
Գործիքներքամանչա
ԿրթությունՌոմանոս Մելիքյանի անվան պետական երաժշտական քոլեջ
Պարգևներ
ՀԽՍՀ ժողովրդական արտիստ և ՀԽՍՀ վաստակավոր արտիստ

Կենսագրություն խմբագրել

Արտեմ Մեջինյանը ծնվել է Նոյեմբերյանի շրջանի Կոթի գյուղում։ 1932 թվականին ավարտել է տեղի միջնակարգ դպրոցը, 1932 - 1935 թվականներին սովորել է Իջևանի գյուղ-տեխնիկումում։ Իջևանում ուսանելու տարիներին որպես քյամանի նվագող, ելույթներ է ունեցել տեղի ռադիո հանգույցում։ 1934 թվականին Թբիլիսիում մասնակցել է Անդրկովկասյան ժողովրդական գործիքների օլիմպիադային, նվագել «Էշխեմեդ», «Լոռվա հովվականը» երաժշտական համարները և արժանացել ժյուրիի նախագահ, կոմպոզիտոր Ռոմանոս Մելիքյանի ուշադրությանը։ 1935 թվականին տեղափոխվել է Երևան, ընդունվել Ռոմանոս Մելիքյանի անվան երաժշտական ուսումնարանի ջութակի բաժին։ Նույն թվականին որպես քյամանչահար և շվի նվագող ընդունվել է ֆիլհարմոնիայի ժողովրդական գործիքների նվագախումբ։ 1941 թվականին ավարտել է Ռոմանոս Մելիքյանի անվան երաժշտական ուսումնարանը։ 1939 թվականին մասնակցել է Երևանում տեղի ունեցած ժողովրդական գործիքների մրցույթին։ Նույն թվականին նվագախմբի հետ մասնակցել է Մոսկվայում կայացած հայկական արվեստի և գրականության տասնամյակին՝ արժանանալով մեդալի։ 1946 թվականին ընդունվել է ՀԽՍՀ Ռադիոյի ժողովրդական գործիքների համույթ՝ որպես կոնցերտմեյստեր և մենակատար։ Աշխատանքին զուգահեռ դասավանդել է Ռ. Մելիքյանի անվան երաժշտական ուսումնարանում։ 1956 թվականին կրկին մասնակցել է Մոսկվայի հայկական արվեստի և գրականության տասնօրյակին։ Համերգներով հանդես է եկել Շարա Տալյանի, Շողիկ Մկրտչյանի, Արաքսյա Գյուլզադյանի, Վաղարշակ Սահակյանի և այլոց հետ։ Գրել է նաև երգեր հայ գրողների տեքստերի հիման վրա՝ «Ինչ իմանայի» երգը[1],«Երգ-պար», «Արփենիկ», «Գայանե» պարերը[2][3][4][5]։

 
Արտեմ Մեջինյանի հուշատախտակը Երևանում

Մրցանակներ, պարգևներ խմբագրել

Ծանոթագրություններ խմբագրել

  1. Ինչ իմանայի, Խոսք` Ռոզա Մելիքյանի, երաժշտությունը՝ Արտեմ Մեջինյանի
  2. «Music of Armenia Արտեմ Մեջինյան». Արխիվացված է օրիգինալից 2017 թ․ մայիսի 14-ին. Վերցված է 2015 թ․ հունվարի 19-ին.
  3. «Արտեմ Մեջինյանի կենսագրությունը AV Production կայքում». Արխիվացված է օրիգինալից 2016 թ․ մարտի 5-ին. Վերցված է 2018 թ․ փետրվարի 18-ին.
  4. Հարգանք առ մեծ երաժիշտը
  5. «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007։