Արվեստի, ճարտարապետության և դիզայնի ազգային թանգարան

Արվեստի, ճարտարապետության և դիզայնի ազգային թանգարան
Տեսակ	պատկերասրահ, ազգային թանգարան և ոչ առևտրային կազմակերպություն
Երկիր	Նորվեգիա
Տեղագրություն	Օսլո
Կազմված է	Նորվեգիայի ազգային պատկերասրահ, The National Museum – Architecture? և Նորվեգիայի ժամանակակից արվեստի թանգարան
Ղեկավարության նստավայր	Օսլո, Նորվեգիա
Հասցե	Kristian Augusts gate 23
Հիմնադրվել է	ապրիլի 28, 2003
Այցելուներ	602 546 մարդ (2017)
Տնօրեն	Karin Hindsbo?, Audun Eckhoff? և Ingrid Røynesdal?
Հավաքածուի չափս	400 000
Կայք	nasjonalmuseet.no(նորվ.) և nasjonalmuseet.no/en/(անգլ.)

Արվեստի, ճարտարապետության և դիզայնի ազգային թանգարան (նորվ.՝ Nasjonalmuseet for kunst, arkitektur og design), թանգարան Նորվեգիայի մայրաքաղաքում՝ Օսլոյում։ Ձևավորվել է 2003 թվականի հուլիսի 1-ին Ճարտարապետության (նորվ.՝ Arkitekturmuseet), Կիրառական արվեստի (նորվ.՝ Kunstindustrimuseet), Ժամանակակից արվեստի թանգարանների (նորվ.՝ Museet for samtidskunst) և Ազգային պատկերասրահի (նորվ.՝ Nasjonalgalleriet) միավորման արդյունքում։ 2005 թվականի հուլիսի 1-ից թանգարանի մաս է կազմում Riksutstillinger (ազգային շրջիկ ցուցադրություններ)։

Երեք հիմնական ցուցադրություններ են ընդգրկված Կիրառական արվեստի, Ժամանակակից արվեստի թանգարաններում և Ազգային պատկերասրահում։

Ազգային պատկերասրահ

Հիմնադրվել է 1837 թվականին։ Ներառում է նորվեգական արվեստի ստեղծագործությունների ամենամեծ հավաքածուն, այդ թվում Էդվարդ Մունկի, ինչպես նաև օտարերկրյա արվեստագետների՝ Պաբլո Պիկասոյի, Վինսենթ Վան Գոգի, Կլոդ Մոնեի, Անրի Մատիսի կտավները։ Պատկերասրահում ներկայացված են մինչև 1945 թվականը ստեղծագործած արվեստագետների գործեր։

1994 թվականի փետրվարի 12-ին պատկերասրահից գողացել են Էդվարդ Մունկի «Ճիչ» կտավը։ 1994 թվականի մայիսի 7-ին ոստականությունը կտավը վերադարձրել է թանգարանին։

Կիրառական արվեստի թանգարան

ՀԻմնադրվել է 1876 թվականին։ Հավաքածուն ներառում է դեկորատիվ արվեստի նմուշներ սկսած 7-րդ դարից (հագուստ, կենցաղային իրեր, գոբելեն, խեցեգործական իրեր, արծաթ, կահույք, թագավորական տարազներ)։

Riksutstillinger

Ցուցահանդեսներ անցկացվում են 1953 թվականից։ Այն ժամանակ կոչվել են Riksgalleriet (շրջիկ պատկերասրահ)։ 1988 թվականից համագործակցել է Ժամանակակից արվեստի թանգարանի հետ, 1996 թվականից համագործակցությունը դադարեցվել է։