Արջուկը (մուլտֆիլմ)
«Արջուկը» (ռուս.՝ «Топтыжка»), խորհրդային մուլտիպլիկացիոն ֆիլմ, Ֆյոդոր Խիտրուկի ռեժիսորական երկրորդ աշխատանքը։ Ստեղծվել է առանց ուրվագծերով նկարների տեխնիկայով։
 | |
|---|---|
.jpg) | |
| Տեսակ | կարճամետրաժ մուլտիպլիկացիոն ֆիլմ |
| Ռեժիսոր | Ֆյոդոր Խիտրուկ |
| Սցենարիստ | Ֆյոդոր Խիտրուկ |
| Հնչյունավորում | Ելենա Պոնսովա |
| Բեմադրող նկարիչ | Սերգեյ Ալիմով |
| Երաժշտություն | Մեչիսլավ Վայնբերգ |
| Օպերատոր | Բորիս Կոտով |
| Երկիր |  ԽՍՀՄ |
| Լեզու | ռուսերեն |
| Ընկերություն | Սոյուզմուլտֆիլմ |
| Թվական | 1964 |
Հեքիաթն այն մասին է, թե ինչպես արջուկն ու նապաստակն ընկերանալով ստիպում են ընկերանալ նաև իրենց ընտանիքներին[1]։
Մուլտֆիլմում օգտագործվել են նկարիչ Եվգենի Չարուշինի նկարները[2].
Սեղանի արկղում գտա իմ ուսումնական սցենարը։ Արջուկի մասին։ Ես մի գաղտնի երազանք ունեի՝ նկարահանել Չարուշինի նկարներով։ Նա աստվածային նկարիչ-անիմալիստ է։ Եվ ամեն ինչ համընկավ։ Բայց դա տիտանական բարդություն ուներ։ Չարուշինի յուրաքանչյուր նկար անկրկնելի է, յուրահատուկ, ինչպես աստվածային լույսը. վրձնախազ – արջուկը կենդանանում է։ Բայց այստեղ հազարավոր շարժումներ են, փուլեր։ Աստվածային հայտնությունը «հոսանքում» չես թաքցնի։ Չարուշինը միայն մասամբ էր նման։ Սակայն, այնուամենայնիվ, կախարդանքի ինչ-որ պահը պահպանվել է:— Ֆ. Խիտրուկ
Սյուժե
խմբագրելԽոր ու թավ անտառում կանգնած էր խրճիթը։ Այնտեղ ապրում էին մայր արջն ու նրա քոթոթ Արջուկը։ Մայր արջը խոր քուն է մտնում. արջերը ձմռանը էլ ի՞նչ են անում։ Իսկ Արջուկը չի քնում։ Որոշում է գնալ տեսնելու, թե ինչ է կատարվում սպիտակ աշխարհում։ Դուրս է գալիս. շուրջը սպիտակ-սպիտակ ձյուն է, իսկ արևը փայլում է։ Արջուկը գնում է զբոսնելու և հանդիպում է Սևպոչիկ նապաստակին։ Սկսում են միասին խաղալ, սահել և ընկերանում են։ Օրն անցնում է հրաշալի։ Բայց երբ Արջուկը վերադառնում է, մայրը փակում է դուռն ու արգելում ձմռանն անտառ դուրս գալ և նապաստակի հետ ընկերություն անել։ Սևպոչիկին էլ իր մայրն է արգելում անտառ դուրս գալ ու արջի հետ ընկերանալ։
Եկավ գարուն։ Մայր արջն արթնանում է ու որդուն տանում անտառ։ Եվ Արջուկը հայտնվում է այն նույն վայրում, որտեղ ձմռանը խաղացել էր նապաստակի հետ։ Արջուկը որոշում է փնտրել ընկերոջը և գնում է ուղղաբերձ ափ։ Տեսնում է, որ գետակում տնակ է լողում, իսկ տանիքում մայր նապաստակն է ու նրա ձագուկը։ Նետվում է ընկերոջը փրկելու, և ինքն էլ հազիվ է խուսափում սառույցի վրայից ընկնելուց։ Նապաստակները մի կերպ փրկվում են։ Իսկ այդտեղ մայր արջն է օգնության հասնում։ Այդպես ընկերանում են երկու ընտանիքները։
Ստեղծողներ
խմբագրելՆշված են ըստ մուլտֆիլմի տիտրերի։
- ռեժիսոր – Ֆյոդոր Խիտրուկ
- սցենարի հեղինակ – Ֆյոդոր Խիտրուկ
- բեմադրող նկարիչ – Սերգեյ Ալիմով
- նկարիչ-մուլտիպլիկատորներ – Գալինա Բարինովա, Յանա Վոլսկայա, Մարիա Մոտրուկ, Վլադիմիր Մորոզով, Լեոնիդ Նոսիրև, Անատոլի Պետրով, Գենադի Սոկոլսկի, Իրինա Սվետլիցա, Էլվիրա Մասլովա, Մստիսլավ Կուպրաչ, Վ. Լեոնովա, Վ. Չիժովա
- օպերատոր – Բորիս Կոտով
- կոմպոզիտոր – Մոիսեյ Վայնբերգ
- հնչյունային օպերատոր – Գեորգի Մարտինյուկ
- հնչյունային ձևավորող – Ալեքսանդր Բառանով
- հեղինակի տեքստը կարդում է – Ելենա Պոնսովա
Պարգևներ
խմբագրել- 1964 − Սան-Մարկոսի բրոնզե առյուծ Վենետիկի XXV միջազգային կինոփառատոնում (Իտալիա),
- 1964 − Երեխաների և պատանիների համար ֆիլմերի մրցանակ Վենետիկի միջազգային VI փառատոնում։
Վիդեո
խմբագրել1990-ական թվականներին մուլտֆիլմը տեսաերիզներով թողարկվել է Studio PRO Video և «Союз» վիդեոստուդիայի մուլտֆիլմերի հավաքածուներում։
Ծանոթագրություններ
խմբագրել- ↑ С. В. Асенин. Волшебники экрана: Первые в жизни фильмы. Авторитет доброты Արխիվացված 2014-02-26 Wayback Machine 3d-master.org.
- ↑ Лариса Малюкова. «Потеряв, не чувствовал себя потерянным» Արխիվացված 2013-12-24 Wayback Machine(интервью с Фёдором Хитруком). Новая газета от 29 апреля 2002 г., uisrussia.msu.ru.
Գրականություն
խմբագրել- Наталья Василькова. Фёдор Хитрук // Наши мультфильмы / Арсений Мещеряков, Ирина Остаркова. — Интеррос, 2006. — ISBN 5-91105-007-2
- Фильмы-сказки: сценарии рисованных фильмов. Выпуск 9. — М.: Искусство, 1969. — С. 47—64. — 224 с. — 100 000 экз..
Արտաքին հղումներ
խմբագրել- «Արջուկը» մուլտֆիլմը «Անիմատոր.ռու» կայքում
- Ф. Хитрук. «Топтыжка», books.rusf.ru.
- «Топтыжка»(չաշխատող հղում). Энциклопедия отечественного кино.
- «Топтыжка». Мультик.ру.