Արմեն Մկոյան (գործարար)

Արմեն Մկոյան;
Ծնվել է	1961 թվականի մայիսի 15-ին (58 տարեկան)
Ծննդավայր	Ջավախք, Վրացական ԽՍՀ, ԽՍՀՄ
Քաղաքացիություն	ԽՍՀՄ, Հայաստան
Կրթություն	Մոսկվայի պետական համալսարան
Գիտական աստիճան	գիտությունների թեկնածու
Մասնագիտություն	Ֆիզմաթ գիտությունների թեկնածու (1989)
Աշխատանք	Գործարար, «Elite Group»-ի հիմնադիր նախագահ
Պարգևներ և ; մրցանակներ	Անանիա Շիրակացու մեդալ, ՀՀ վարչապետի հուշամեդալ

Անվան այլ կիրառումների համար տե՛ս՝ Արմեն Մկոյան (այլ կիրառումներ)

Արմեն Սերգեյի Մկոյան (մայիսի 15, 1961(1961-05-15), Սամցխե-Ջավախեթի մարզ, Վրացական ԽՍՀ, ԽՍՀՄ), գործարար^[1], Էլիտ Գրուպի հիմնադիր, «Ջավախքին աջակցություն» հիմնադրամի հոգաբարձուների խորհրդի անդամ^[2], Հայաստանի արդյունաբերողների և գործարարների միության նախագահության անդամ^[3]։

Կենսագրություն

Ծնվել է 1961 թվականի մայիսի 15-ին Ջավախքի Դիլիսկա գյուղում։

1975 թվականին Դիլիսկա գյուղի դպրոցից տեղափոխվել է սովորելու Երևանի № 3 ֆիզմաթ թեքումով դպրոց, որն ավարտել է 1978 թվականին։ 1977 և 1978 թվականներին Մաթեմատիկա առարկայի հանրապետական օլիմպիադայում զբաղեցրել է 2-րդ տեղը։ 1977 թվականին Ֆիզիկա առարկայի հանրապետական օլիմպիադայում զբաղեցրել է 2-րդ տեղը։ 1983 թվականին կարմիր դիպլոմով ավարտել է Երևանի պետական համալսարանի ԵՊՀ ֆիզիկայի ֆակուլտետը։ Եղել է «Կալինինի» անվան անվանական թոշակառու – ամենաբարձր հնարավոր թոշակը։ 1983-1985 թվականներին աշխատել է «Լազերային տեխնիկա» ԳԱՄ-ում։

1983-1985 թվականներին սովորել է Մոսկվայի Լոմոնոսովի անվան պետական համալսարանի Ֆիզիկայի ֆակուլտետի քվանտային ռադիոֆիզիկայի ամբիոնի ասպիրանտուրայում և գերազանցությամբ ավարտել այն։ 1989 թվականին պաշտպանել է թեկնածուական թեզը «Լույսի կոլեկտիվ կոմբինացիոն ցրման քվանտային տեսությունը» թեմայով^[4]^[5]։ Հանձնել է Լև Լանդաուի տեսական մինիմումը, որը Լև Լանդաուի օրոք հանձնել են ընդամենը 43 հոգի ամբողջ աշխարհով։ Մինչ օրս Լադաուի մինիմումը հանձնել են ընդամենը 3 հայ։ 1990 թվականին ընտրվել է Երևանի քաղաքային խորհրդի անդամ որպես անկուսակցական։

Ձեռնարկատիրական գործունեություն

ԽՍՀՄ-ի փլուզումից հետո թողել է գիտական կարիերան, և 1991 թվականից սկսել է զբաղվել բիզնես գործունեությամբ։ Սկզբից սկսել է զբաղվել տարբեր ապրանքատեսակների Հայաստան ներկրմամբ և մեծածախ վաճառքով՝ լամպ, կաշի, կոշիկ, կարագ, խմիչք։ Այնուհետև ընկերների հետ հիմնադրել է «Փունջ» սուպերմարկետը Վաղարշյան փողոցի վրա^[6]։ Այնուհետև «Փունջ» ընկերությունը գնել է «Արդշինբանկ»-ի 16% բաժնետոմսեր, որոնք կորցրել է 2002 թվականին, երբ «Արդշինբանկ»-ը սնանկացել է։ 1996-2002 թվականներին Արմեն Մկոյանը եղել է «Արդշինբանկ»-ի խորհրդի անդամ։

«Էլիտ Պլազա» բիզնես-կենտրոնը երեկոյան

«Էլիտ Պլազա» բիզնես-կենտրոն

2000 թվականին հիմնադրել է «Էլիտ Գրուպ» կառուցապատող ընկերությունը։ Հայաստանի արդյունաբերողների և գործարարների միության նախագահության անդամ է^[3]։ 2011 թվականից «Կապիտալ Ասեթ Մենեջմենթ» ընկերության խորհրդի անդամ է^[7]։ «Կապիտալ Ասեթ Մենեջմենթ» ՓԲԸ-ն Հայաստանում ներդրումային և կամավոր կենսաթոշակային ֆոնդերի առաջին գրանցված կառավարիչն է։ Ընկերությունը պետական գրանցում է ստացել 2012 թվականի հոկտեմբերի 18-ին և ստացել ՀՀ կենտրոնական բանկի կողմից լիցենզիա։

Պարգևներ

2009 թվականին Արմեն Մկոյանը երկարամյա, բարեխիղճ և անբասիր աշխատանքային գործունեության համար պարգևատրվել է Հայաստանի վարչապետի հուշամեդալով^[8]։ 2015 թվականին տնտեսության բնագավառում նշանակալի գործունեության համար պարգևատրվել է Անանիա Շիրակացու մեդալով^[9]։

Ընտանիք

Ամուսնացած է, ունի 2 զավակ։

Ծանոթագրություններ

Հղումներ

Հարցազրույցներ

Գործարար հանդիպում Գրիգոր Առաքելյանի հետ` Արմեն Մկոյան (Էլիտ Գրուպ), մաս 1 Արմեն Մկոյանի հարցազրույցը Զարթուցիչ Նախագիծ-ի հեղինակ Գրիգոր Առաքելյանին
Գործարար հանդիպում Գրիգոր Առաքելյանի հետ՝ Արմեն Մկոյան (Էլիտ Գրուպ), մաս 2

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Արմեն Մկոյան (գործարար) կատեգորիայում։

[1] «Մեզ համար կարևոր խնդիր է ապագա սերունդների համար ներդրում ունենալը» // «Դե Ֆակտո», 24.01.2014

[2] «Արմեն Մկոյան [[Ջավախքին աջակցություն հիմնադրամ]]ի հոգաբարձուների խորհրդի անդամ». Արխիվացված է օրիգինալից 2019 թ․ մայիսի 10-ին. Վերցված է 2019 թ․ սեպտեմբերի 18-ին.

[umba.am-3] 3,0 ^3,1 «Արմեն Մկոյան Հայաստանի արդյունաբերողների և գործարարների միության նախագահության անդամ». Արխիվացված է օրիգինալից 2023 թ․ հունիսի 26-ին. Վերցված է 2019 թ․ սեպտեմբերի 18-ին.

[4] Мкоян, Армен Сергеевич Квантовая теория кооперативного комбинационного рассеяния света

[5] Авторефераты диссертаций МГУ։ Мкоян, Армен Сергеевич Квантовая теория кооперативного комбинационного рассеяния света

[6] "ՖՐԱՆՍԻԱՅԻ ՀԱՆՐԱՊԵՏՈՒԹՅՈՒՆ ՄԵԿՆՈՂ ՀՀ ՊԱՏՎԻՐԱԿՈՒԹՅԱՆ ՄԱՍԻՆ" // «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԿԱՐԳԱԴՐՈՒԹՅՈՒՆԸ», 7 փետրվարի 2001թ.

[7] "«Կապիտալ Ասեթ Մենեջմենթ»" // «Ղեկավարներ», 05․10․2018

[8] «Պաշտոնական լրահոս։ ՀՀ վարչապետ Տիգրան Սարգսյանը ՀՀ վարչապետի հուշամեդալներ է հանձնել» // «Հայաստանի Հանրապետության Կառավարություն», 30 ապրիլի 2009

[9] «Պաշտոնական լրահոս։ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՀՐԱՄԱՆԱԳԻՐԸ» // «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ», 2015թ. մայիսի 23

[1]

[2]

[3]

[4]

[5]

[6]

[7]

[8]

[9]