Գիտությունների թեկնածու

Գիտությունների թեկնածու, առաջին կարգի գիտական աստիճան (վերջինը՝ գիտությունների դոկտոր) նախկին ԽՍՀՄ-ում, Ռուսաստանում և ԱՊՀ-ի մի շարք երկրներում։

Համապատասխանում է Գերմանիայում (Doctor) և Ֆրանսիայում (Docteur) դոկտորի աստիճանին։ Իսկ Գերմանիայի «Habilitation» ակադեմիկական որակավորումը համապատասխանում է Ռուսաստանի «գիտությունների դոկտոր» աստիճանին։

Ռուսաստանի ԲՈՒՀ-երում թեկնածուական աստիճանը անհրաժեշտ պայմաններից մեկն է՝ դոցենտի (որոշ դեպքերում նաև պրոֆեսորի) կոչմանն արժանանալու մրցույթին մասնակցելու համար։

ՅՈՒՆԵՍԿՕ-ի՝ կրթության միջազգային ստանդարտ դասակարգման 262 պարբերության համաձայն՝ գիտությունների թեկնածուի աստիճանը հավասարեցվում է փիլիսոփայության դոկտորի աստիճանին (որը տարածված է կրթության արևմտյան համակարգ ունեցող երկրներում) և հնարավորություն է տալիս զբաղեցնել համալսարանի դոցենտի կոչմանը համապատասխանող պաշտոններ։

Հղումներ

• Գիտական կոչումների վերաբերյալ (Ռուսաստանի կրթության և գիտության նախարարություն) Archived 2013-12-29 at the Wayback Machine. (ռուս.)

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 84)։