Արարատ Գյուլբանգյան

Արարատ Գյուլբանգյան
Ծնվել է	փետրվարի 4, 1961 (63 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Մասնագիտություն	արձակագիր
Ազգություն	հայ
Քաղաքացիություն	ԽՍՀՄ և Հայաստան
Կրթություն	ՎՊՀ (1987)
Ուշագրավ աշխատանքներ	«Կենսատարածք», «Պատերազմի քմահաճույքները», «301 գրամ»
Անդամակցություն	ՀԳՄ և Հայաստանի ժուռնալիստների միություն
Պարգևներ	Հայաստանի մշակույթի նախարարության ոսկե մեդալ

Արարատ Սմբատի Գյուլբանգյան (փետրվարի 4, 1961(1961-02-04), Կիրովական, Հայկական ԽՍՀ, ԽՍՀՄ), հայ արձակագիր, Հայաստանի գրողների միության անդամ։

Կենսագրություն խմբագրել

Ծնվել է 1961 թվականի փետրվարի 4-ին Կիրովական քաղաքում զինվորականի ընտանիքում։ 1968-1978 թվականներին սովորել է Կիրովականի՝ Րաֆֆու անվան թիվ 19 միջնակարգ դպրոցում։ 1978-1979 թվականներին սովորել է Կիրովականի թիվ 6 պոլիտեխնիկական ուսումնարանում՝ փականագործի մասնագիտությամբ։ 1979-1981 թվականներին ծառայել է ԽՍՀՄ բանակում (Կիևում և Դնեպրոպետրովսկում)։ 1982-1983 թվականներին աշխատել է Կիրովականի քիմիական կոմբինատում։ 1983-1987 թվականներին սովորել է Կիրովականի պետական մանկավարժական ինստիտուտի բանասիրական ֆակուլտետի^[1] «Հայոց լեզու և գրականություն» բաժնում։

1995-2005 թվականներին աշխատել է Ազգային ռադիոյի Վանաձորի մասնաճյուղի «Հյուսիսային ալիք» ռադիոկայանի խմբագրությունում՝ որպես հաղորդաշարերի խմբագիր։

1995 թվականից Հայաստանի գրողների միության անդամ է։

1996-1997 թվականներին հրատարակել է «Բժշկություն Ձեզ համար»^[2]^[3] ամսաթերթը։

2002 թվականին դարձել է Հայաստանի ժուռնալիստների միության անդամ։

2002 թվականին հիմնադրել է «Հրաշամանուկ»^[4] մանկապատանեկան պարբերաթերթը՝ լինելով վերջինիս գլխավոր խմբագիրը։

Գրական գործունեություն խմբագրել

«Հրաշամանուկ» մանկապատանեկան պարբերաթերթը, «Կենսատարածք» և «Պատերազմի քմահաճույքները» գրքերը

Առաջին անգամ գրական մամուլում տպագրվել է 1989 թվականին. «Գարուն» ամսագրի թիվ 8 համարում տպագրվել են հեղինակի երկու պատմվածքները՝ «Վկայություն» և «Բարության սենյակ»։ Ընդ որում՝ ստեղծագործությունները տպագրման է ներկայացրել «Գարուն» ամսագրի արձակի բաժնի պատասխանատու Վազգեն Զավենի Սարգսյանը։

Տպագրվել է «Գարուն», «Գրական թերթ», «Նարցիս»^[5]^[6], «Նորք», «Երկունք», «Գրանիշ»^[7]^[8] «Անդին»^[9] գրական մամուլում։

Հեղինակի ստեղծագործություններից մեկը՝ «Կարկանդակներ վարչապետի համար»^[10] վերտառությամբ, 1998 թվականին տպագրվել է «Առավոտ» օրաթերթում։

1999-2001 թվականներին հիմնադրել և տպագրել է «ROCK ակումբ» երիտասարդական-երաժշտական պարբերաթերթը, որը հայկական մամուլի մեջ առաջինն էր իր բնույթով։

1999-2001 թվականների ընթացքում բազմիցս կազմակերպել է համահայկական ռոք փառատոններ՝ համագործակցելով ժամանակի հանրահայտ ռոք խմբերի հետ, այդ թվում՝ «Լավ Էլի», «Բամբիռ», «Սարդ», «Delis» և այլն։

2001-2002 թվականներին Հայաստանյայց Առաքելական Սուրբ Եկեղեցու Գուգարաց թեմի առաջնորդ Տեր Սեպուհ եպիսկոպոս Չուլջյանի հովանավորությամբ արձակագիր Արարատ Գյուլբանգյանը և բանաստեղծ-թարգմանիչ Խորեն Գասպարյանը հիմնադրեցին «Հայրենիք և եկեղեցի» ամսաթերթը։

Արարատ Գյուլբանգյանի հոդվածներից մեկը՝ «Մեր հոգսերի ձմեռը» վերնագրով, տպագրվել է Մխիթար Սեբաստացի կրթահամալիրի պաշտոնական կայքէջում^[11]։

«Ես՝ յուրաքանչյուրս» գրքում բանաստեղծ-թարգմանիչ Խորեն Գասպարյանը գրախոսական է գրել Արարատ Գյուլբանգյանի «301 գրամ» գրքի մասին^[12]։

2010 թվականին «301 գրամ» պատմվածքը տպագրվել է «Հայկական ժամանակ» օրաթերթում^[13]։

Հրատարակված գրքեր խմբագրել

1994 թվականին տպագրվել է հեղինակի առաջին գիրքը՝ «Կենսատարածք» վերնագրով։
2004 թվականին տպագրվել է երկրորդ գիրքը, որը կոչվում է «Պատերազմի քմահաճույքները»^[14]^[15]։
2011 թվականին տպագրվել է երրորդ գիրքը՝ «301 գրամ»^[13] վերնագրով։

Պարգևներ խմբագրել

2011 թվականին արժանացել է ՀՀ մշակույթի նախարարության ոսկե մեդալի^[1]։

Տես նաև խմբագրել

Հայաստանի գրողների միության անդամների ցանկ

Ծանոթագրություններ խմբագրել

Արտաքին հղումներ խմբագրել

[wua-1] 1,0 ^1,1 Արարատ Գյուլբանգյանի կենսագրությունը ՀԳՄ կայքում

[2] Բժշկություն ձեզ համար։ Արարատ Գյուլբանգյան(չաշխատող հղում)

[3] «Հայ մամուլ քարտարան, Գյուլբանգյան, Արարատ

[4] Հրաշամանուկ։ Մանկապատանեկան պարբերաթերթ / Գլխավոր խմբագիր՝ Արարատ Գյուլբանգյան(չաշխատող հղում)

[5] ttp://narcis41.rssing.com/browser.php?indx=58430168&item=9

[6] ttp://narcis41.rssing.com/browser.php?indx=58430168&item=13

[7] Արարատ Գյուլբանգյան

[8] ttps://granish.org/gyulbankyan-armageddon/

[9] ttp://blog.mediamall.am/?id=26879

[10] ttps://www.aravot.am/1998/12/12/784354/

[11] ttps://www.mskh.am/en/node/16188

[12] ttps://issuu.com/toryura/docs/khoren_gasparyan_yes_yurakanchyurs

[armtimes.com-13] 13,0 ^13,1 https://armtimes.com/hy/article/13111

[14] ttps://www.arlis.am/DocumentView.aspx?docid=12559

[15] ttp://www.irtek.am/views/act.aspx?aid=25782

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

Արարատ Գյուլբանգյան
Ծնվել է	փետրվարի 4, 1961(1961-02-04) (63 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Մասնագիտություն	արձակագիր
Ազգություն	հայ
Քաղաքացիություն	ԽՍՀՄ և Հայաստան
Կրթություն	ՎՊՀ (1987)
Ուշագրավ աշխատանքներ	«Կենսատարածք», «Պատերազմի քմահաճույքները», «301 գրամ»
Անդամակցություն	ՀԳՄ և Հայաստանի ժուռնալիստների միություն
Պարգևներ	Հայաստանի մշակույթի նախարարության ոսկե մեդալ