Առողջության դեղամիջոց

«Առողջության դեղամիջոց» (անգլ.՝ A Cure for Wellness), ռեժիսոր Գոռ Վերբինսկու ամերիկյան հոգեբանական թրիլլերը, որը նկարահանվել է 2016 թվականին։ Ֆիլմի սցենարը հիմնված է Թոմաս Մանի «Կախարդական լեռը» (1924) վեպի վրա։ Գլխավոր դերերը կատարել են Դեյն ԴեՀանը, Ջեյսոն Այզեքսը և Միա Գոթը։ Ֆիլմը Միացյալ Նահանգների, Գերմանիայի և Լյուքսեմբուրգի համատեղ արտադրություն է[8]։ Միացյալ Նահանգների կինոթատրոններում պրեմիերան կայացել է 2017 թվականի փետրվարի 17-ին։

Picto infobox cinema.png
Առողջության դեղամիջոց
անգլ.՝ A Cure for Wellness
Առողջության դեղամիջոց.jpeg
ԵրկիրFlag of the United States.svg ԱՄՆ
Flag of Germany.svg Գերմանիա
Ժանրսարսափ ֆիլմ[1] և թրիլեր
Թվականփետրվարի 23, 2017[2][3], փետրվարի 17, 2017, 2016 և փետրվարի 16, 2017[4]
Լեզուանգլերեն
ՌեժիսորԳոռ Վերբինսկի[1][5][3]
ՊրոդյուսերDavy Crockett?
Սցենարի հեղինակJustin Haythe?
ԴերակատարներԴեյն ԴեՀան[6], Ջեյսոն Այզեքս, Միա Գոթ, Սելիա Իմրի[7], Susanne Wuest?[7], Ադրիան Շիլլեր[7], Judith Hoersch?[7], Johannes Krisch?[7], Jeff Burrell?[7], Godehard Giese?[7], Annette Lober?[7], Axel Buchholz?[7], Հարրի Գրոներ[7], Carl Lumbly? և Magnus Krepper?
ՕպերատորԲոյան Բացելի
ԵրաժշտությունԲենջամին Ուոլֆիշ
ՄոնտաժPete Beaudreau?
Պատմվածքի վայրՆյու Յորք շրջան
Նկարահանման վայրՀոհենցոլեռն ամրոց
ԿինոընկերությունRegency Enterprises
Տևողություն146 րոպե
Պաշտոնական կայքէջ

ՍյուժեԽմբագրել

Նյու Յորքի խոշոր ֆինանսական ընկերություններից մեկում Լոքհարթ անունով աշխատակիցը, ընկերության գործերին առնչվող անհետաձգելի հանգամանքներով պայմանավորված, Շվեյցարական Ալպերում գտնվող առողջարանից հանձնարարություն է ստանում ուղեկցել դրա գլխավոր տնօրեն Պեմբրոկին։

Լոքհարթը ժամանում է առողջարան, սակայն հաստատության անձնակազմը և, հատկապես` դրա տնօրեն Հենրիխ Ֆոլմերն ամեն կերպ խոչընդոտում են նրա և շեֆի հանդիպմանը։ Լոկհարթը որոշում է դիմել ոստիկանություն, սակայն բժշկական կենտրոնից դուրս գալու ճանապարհին ավտովթարի է ենթարկվում և ուշքի է գալիս նույն տեղում, սակայն` ոտքի վրա գիպսային վիրակապով։

Համաձայնելով Ֆոլմերի առաջարկությունների հետ՝ Լոքհարթը որոշում է բուժման կուրս անցնել` բուժիչ ջրով «մաքրելով գիտակցությունը և մարմինը տոքսիններից»։ Լոքհարթն առողջարանում ծանոթանում է դրա հիվանդներից մեկի՝ Հաննայի հետ, ինչպես նաև եզրակացնում է, որ բուժվողների մեծ մասը հարուստ տարեց մարդիկ են, որոնք հանգիստ ժամանակ են անցկացնում և ջրային միջամտություններ են ընդունում։ Հիվանդներից մեկը՝ Վիկտորիա Ուոթկինսը, ինչպես նաև մոտակա քաղաքի բնակիչները, Լոքհարթին պատմում են հաստատության պատմությունը։ Այն կառուցվել է ամրոցի ավերակների վրա, որը 200 տարի առաջ պատկանում էր տեղի բարոնին։ Արիստոկրատական արյան մաքրությամբ տարված՝ վերջինս ամուսնացել է իր քրոջ հետ, բայց իմանալով նրա անպտղության մասին՝ սկսել է բուժման մեթոդներ փնտրել՝ մասնավորապես դիմելով տեղացի գյուղացիների նկատմամբ անմարդկային փորձերի, որոնք, ի վերջո, ապստամբել ու այրել են ամրոցը։

Լոքհարթն առողջարանում հայտնաբերում է փոխներարկման թևը, որտեղ հիվանդների նկատմամբ սարսափելի բժշկական փորձեր են կատարվում։ Նա նաև պարզում է, որ տեղական ջրային հորիզոնի ջուրը յուրահատուկ հատկություններ ունի. այն թունավոր է մարդու համար, բայց անվտանգ է պզուկների համար՝ վերջինիս վրա բուժիչ ազդեցություն ունենալով։ Ջուրը ֆիլտրվում է հիվանդների մարմինների միջոցով՝ «դեղամիջոց» ստեղծելու համար, որն ընդունում են Ֆոլմերը, Հաննան և այլ հիվանդներ։ Լոքհարթը, գիտակցելով, որ իրեն հարկադրաբար գերության մեջ են պահում, իսկ ոտքը կոտրված չէ, փորձում է փախչել առողջարանից, սակայն նրան բռնում է Ֆոլմերը։ Լոքհարթը մղձավանջային փորձարկումների է ենթարկվում, որոնք զրկում են նրան գիտակցությունից, ինչպես նաև Փեմբրոքից։ Հաննան տեսնում է նրա վիճակը և վերադարձնում բալետի պարուհու արձանիկը, որը Լոքհարթը նրան նվիրել էր ավելի վաղ՝ դրանով իսկ դուրս բերելով նրան զառանցանքի վիճակից։

Հաննան ունենում է առաջին դաշտանը։ Ֆոլմերը, հասկանալով, որ նա «կին» է դարձել, ամուսնանում է նրա հետ և այդ առթիվ կազմակերպում պարահանդես։ Նա Հաննային տանում է ամրոցի ավերակների վրա կառուցված գաղտնի սենյակ և նրան սեռական բռնության է ենթարկում։ Լոքհարթը դիմակայության մեջ է մտնում Ֆոլմերի հետ և հասկանում է, որ նա բազմադարյա բարոնն է, իսկ Հաննան նրա դուստրն է։ Առողջարանում Ֆոլմերի և Հաննայի բուժման շնորհիվ դանդաղել է նրանց օրգանիզմների ծերացման գործընթացը։ Լոքհարթի և Ֆոլմերի պայքարի ժամանակ պարզվում է, որ վերջինիս դեմքը դիմակ է, որը թաքցնում է սարսափելի այրվածքները։ Լոքհարթը վառում է Ֆոլմերին և ամրոցը, բայց Ֆոլմերը հաղթում է։ Հաննան փրկում է Լոքհարթին՝ սպանելով Ֆոլմերին։ Վերջինս ընկնում է օձաձկներով լի լողավազան։

Լոքհարթը և Հաննան հեծանիվով հեռանում են այրվող սպա կենտրոնից ։ Ճանապարհին նրանք ընդհարվում են Լոքհարթի գործատուների հետ, որոնք Նյու Յորքից ժամանել են Շվեյցարիա՝ նրան և Փեմբրոքին գտնելու համար։ Իմանալով վերջինիս մահվան մասին՝ աշխատակիցները փորձում են տանել Լոքհարթին, սակայն նա ի զորու չէ թողնել Հաննային և հեռանում է նրա հետ։

ԴերերումԽմբագրել

  • Դեյն ԴեՀան՝ Լոքհարթ
  • Ջեյսոն Այզեքս՝ բժիշկ Հենրիխ Ֆոլմեր
  • Միա Գոթ՝ Հաննա
  • Ադրիան Շիլեր՝ տնօրենի տեղակալ
  • Հարրի Գրոներ՝ Փեմբրոք
  • Սելիա Իմրի՝ Վիկտորյա Ուոթկինս
  • Թոմաս Նորստրեմ՝ Ֆրանկ Հիլ
  • Աշոկ Մանդանա՝ Ռոն Նաիր
  • Իվո Նանդի՝ տաքսու վարորդ Էնրիկո
  • Մագնուս Կրեպեր՝ անասնաբույժ Փիթեր
  • Փիթեր Բենեդիկտ՝ ոստիկան
  • Հովհաննես Կրիշ՝ պահակ
  • Դևիդ Բիշինս՝ Հենկ Գրին
  • Կարլ Լամբլի՝ Ուիլսոն
  • Լիզա Բեյնս՝ Հոլիս
  • Քրեյգ Ռո՝ Մորիս
  • Ռեբեկա Սթրիթ՝ Լոքհարթի մայրը

ԱրտադրությունԽմբագրել

 
Հոհենցոլեռն ամրոցը, որտեղ նկարահանվել է ֆիլմը

2014 թվականի հոկտեմբերին Գոռ Վերբինսկին պատմել է «պարանոիդալ թրիլլեր» նկարահանելու մտադրության մասին, որի գլխավոր դերում խաղալու էր Սթիվ Կարելը։ Սցենարը գրելու համար ներգրավվել է Ջասթին Հեյսը, որի հետ Վերբինսկին նախկինում համագործակցել է «Միայնակ Ռենջերը» ֆիլմի նկարահանման հարթակում[9]։ Ֆիլմի աշխատանքներն սկսվել են 2015 թվականի մարտին, գերմանական կինոակազմակերպությունների աջակցությամբ[10][11]։ Վերբինսկու խոսքերով՝ Հեյսի հետ ֆիլմի մտահղացումն ստեղծվել է գերմանացի գրող Թոմաս Մանի «Կախարդական լեռը» վեպի ազդեցության ներքո, որտեղ ևս սյուժեի կենտրոնում Շվեյցարական Ալպերի առողջարան է[12]։

2015 թվականի ապրիլին հաղորդվել էր, որ ֆիլմում գլխավոր դերերը ստացել են Դեյն ԴեՀանը և Միա Գոթը[13]։ 2016 թվականի հունիսին դերասանական կազմին միացել է Ջեյսոն Այզեքսը[14]։

Ֆիլմի նկարահանումները կայացել են 2015 թվականի ամռանը[15] Պոտսդամի «Babelsberg» ստուդիայում[16]։ Տեսարանների մեծ մասը նկարահանվել է գերմանական Հոհենցոլեռն ամրոցում, որը գտնվում է Բիզինգեն կոմունայում։ Նկարահանող խմբի խնդրանքով դղյակը այցելուների համար փակվել է 2015 թվականի հուլիսի 13-24-ն ընկած ժամանակահատվածում։ Ֆիլմի մասերը նկարահանվել են նաև Սաքսոնիա-Անհալթում և Ցելե-Մելիսում[17]։ Հիվանդանոցի ինտերիերների մեծ մասի նկարահանումների համար օգտագործվել է Բելից-Հայլշտետենի լքված հոսպիտալը[18]։

ՍաունդթրեքԽմբագրել

Ֆիլմի կոմպոզիտորը Բենջամին Ուոլֆիշն է[19]։ Հարցազրույցում Ուոլֆիշը կիսվել է կինոժապավենի վրա աշխատանքի մասին իր տպավորություններով՝ Վերբինսկիի հետ համագործակցությունը անվանելով «անհավանական և ոգեշնչող ճանապարհորդություն», իսկ ֆիլմը՝ «եզակի փորձ»[20]։ Սաունդթրեքը թողարկվել է Milan Records լեյբլի կողմից 2017 թվականի փետրվարի 17-ին[21]։ Ալբոմը քննադատների կողմից հիմնականում ստացել է դրական արձագանքներ, այն բնութագրել են որպես «գերազանց երաժշտություն բոլոր առումներով» (Movie Music UK)[19], իսկ նրա հետ կոմպոզիցիաները՝ «շատ գեղեցիկ և ջղագրգիռ» (CutPrintFilm)[20]:

# Անվանում Տևողություն
1. «Hannah and Wolmer»   4:34
2. «Nobody Ever Leaves»   1:49
3. «Bicycle»   1:59
4. «The Rite»   3:42
5. «Feuerwalzer»   3:44
6. «Magnificent, Isn't It»   2:11
7. «Actually I'm Feeling Much Better»   1:59
8. «Clearly He's Lost His Mind»   2:49
9. «Our Thoughts Exactly»   1:03
10. «Volmer Institut»   3:02
11. «Terrible Darkness»   3:18
12. «Lipstick»   4:21
13. «Waiting»   0:55
14. «Zutritt Verboten»   3:38
15. «There's Nothing Wrong With You People»   1:25
16. «Lockhart's Letter»   2:12
17. «Volmer's Lab»   3:32
18. «I Wanna Be Sedated»   4:38
49:53

Թողարկում և մարքեթինգԽմբագրել

Միացյալ Նահանգներում ֆիլմի պրեմիերան կայացել է 2016 թվականի դեկտեմբերի 10-ին, Օստինում՝ «Butt-Numb-A-Thon» փառատոնի ժամանակ։ Կինոժապավենի թողարկումը կինոթատրոններում կայացել է 2017 թվականի փետրվարի 17-ին[22]։

«20th Century Fox» ստուդիայի թողարկած ֆիլմի թրեյլերները ակտիվորեն լուսաբանվել են զանգվածային լրատվամիջոցներում, մասնավորապես այն տեսարանի պատճառով, որտեղ Միա Գոթի հերոսուհին օձաձկներով լի լոգարանում էր[23][24]։ 2017 թվականի փետրվարի 5-ին՝ Սուպերբոուլի օրը, Միացյալ Նահանգներում ցուցադրվել է ֆիլմի հեռուստատեսային հոլովակը, որը «New York» ամսագրի կողմից նկարագրվել է որպես «բուժման նոր սարսափելի մեթոդի բժշկական գովազդ»[25]։

Ֆիլմի պրեմիերայից երկու օր առաջ «20th Century Fox»-ը կեղծ լրատվական կայքեր է ստեղծել վիրուսային մարքեթինգային արշավի շրջանակներում, որոնց թվում եղել են Շվեյցարիայի առողջարանային կենտրոնում Դոնալդ Թրամփի և Վլադիմիր Պուտինի գաղտնի հանդիպման մասին հաղորդումներ[26] և վիճելի թեմաներ, ինչպիսիք են հոգեկան առողջությունը և պատվաստումը[27]։ Ավելի ուշ ստուդիան ներողություն է խնդրել իր գործողությունների համար[26]։

ԳնահատականներԽմբագրել

Ֆիլմը քննադատների կողմից ընդունվել է ոչ միանշանակ։ «Rotten Tomatoes» կայքում գնահատականը կազմում է 42 %՝ 5,3/10 միջին վարկանիշով՝ հիմնված 201 գրախոսության վրա[28]։ «Metacritic»-ի կայքում ֆիլմը ստացել է 100-ից 47 միավոր՝ հիմնված 40 արձագանքների վրա[29]։ «Cinemascore» կայքի կողմից հարցված հեռուստադիտողները ֆիլմին միջին հաշվով գնահատական՝ C+, են տվել՝ ըստ A+- F սանդղակի[30]։ Որպես ժապաների առավելություններ են նշվել տեսողական էֆեկտները («Los Angeles Times»-ից Ջասթին Չանգը[31]), սարսափելի մթնոլորտը (Թայմից Ստեֆանի Զախարեկը[32]), դերասանական խաղը, իսկ թերություններից էին ձգձգվածությունը («The Hollywood Reporter»-ից Թոդ ՄաքՔարթին), սյուժեն, ցնցող տեսարանները[33]։ Միաժամանակ որոշ քննադատներ նշել են ֆիլմում «լավկրաֆտովյան» տարրերի առկայությունը[34][35]։

«Variety»-ից Փիթեր Դեբրյուժը գրել է, որ եզրափակիչ իրադարձությունների բացատրությունը «խիստ հիասթափեցնող է», նրա կարծիքով՝ դա «անճաշակ կլիշե է», որը վերապատմվել է այնպիսի կինոնկարներից, ինչպիսիք են «Օպերայի ուրվականը» և «Սարսափելի բժիշկ Ֆայբսը»[36]։

«LA Weekly»-ից Էյփրիլ Վուլֆը ֆիլմի ոճը համեմատել է Սթենլի Կուբրիկի կուլտային «Փայլատակում» և Լյուսիլ Աձիալիլովիչի «Էվոլյուցիա» ֆիլմերի հետ[37]։

«TheWrap»-ից Ալոնսո Դյուրալդեն բարձր է գնահատել ֆիլմի դիզայնը, սակայն քննադատել է դրա պատմությունը, ինչպես նաև` Վերբինսկու` «չափի զգացողության» բացակայությունը. «Քանի դեռ ֆիլմը նվիրված է այն մարդկանց, որոնք ուրախ են հեռու մնալ աշխարհից՝ չհասկանալով, որ նրանք ներգրավված են իսկապես սարսափելի մի բանի մեջ, հանդիսատեսից շատերը կցանկանան դուրս գալ դիտումից»[38]։

ԾանոթագրություններԽմբագրել

  1. 1,0 1,1 http://www.imdb.com/title/tt4731136/
  2. Internet Movie Database — 1990.
  3. 3,0 3,1 filmportal.de — 2005.
  4. http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
  5. http://www.filmaffinity.com/es/film454394.html
  6. http://www.imdb.com/title/tt4731136/fullcredits
  7. 7,0 7,1 7,2 7,3 7,4 7,5 7,6 7,7 7,8 7,9 ČSFD (չեխերեն) — 2001.
  8. «A Cure for Wellness (2017)»։ British Film Institute։ Վերցված է March 15, 2018 
  9. Fleming Jr Mike (7 октября 2014)։ «Steve Carell And Gore Verbinski Team For Paranoid Thriller At New Regency»։ Deadline.com։ Վերցված է June 8, 2015 
  10. «DFFF Aktuell»։ Deutscher Filmförderfonds։ Վերցված է April 8, 2016 
  11. Meldungen, Alle (19 августа 2015)։ «Ministerpräsident Woidke am Set des Films "A Cure for Wellness"»։ Medienboard Berlin-Brandenburg։ Արխիվացված է օրիգինալից January 13, 2017-ին։ Վերցված է April 9, 2016 
  12. Han Angie. (21 декабря 2016)։ «Interview: Gore Verbinski on Returning to Horror With "A Cure for Wellness"»։ /Film։ Վերցված է March 2, 2017 
  13. Ford Rebecca (8 апреля 2015)։ «Dane DeHaan, Mia Goth Joining Gore Verbinski's 'A Cure for Wellness' (Exclusive)»։ The Hollywood Reporter։ Վերցված է June 8, 2015 
  14. Kit Borys (2 июня 2015)։ «Jason Isaacs to Play Villain in Gore Verbinski's Supernatural Horror Movie (Exclusive)»։ The Hollywood Reporter։ Վերցված է June 8, 2015 
  15. «On the Set for 6/22/15: Spielberg’s ‘The BFG’ Wraps Along with ‘Teenage Mutant Ninja Turtles’ Sequel, Woody Harrelson Starts ‘Wilson’»։ Ssninsider.com։ 22 июня 2015։ Արխիվացված է օրիգինալից 2015-06-27-ին։ Վերցված է July 6, 2015 
  16. Haase, Jana (22 февраля 2017)։ «PNN: «A Cure For Wellness» — Auftrag mit Gruselfaktor für Babelsberger Kulissenbauer»։ pnn.de։ Վերցված է 2019-09-02 
  17. Brenner Julia. (25 июня 2015)։ «Regisseur Gore Verbinski dreht Horrorfilm auf Burg Hohenzollern»։ Schwarzwälder Bote։ Վերցված է 2019-09-02 
  18. Minton Melissa. (14 февраля 2017)։ «How A Cure for Wellness Marries Horror and Beauty in Set Design»։ Architectural Digest։ Վերցված է February 21, 2017 
  19. 19,0 19,1 Braxton, Jonathan. (2017-02-21)։ «A CURE FOR WELLNESS – Benjamin Wallfisch»։ MOVIE MUSIC UK։ Վերցված է 2017-07-26 
  20. 20,0 20,1 Philips, Patrick. (2017-01-26)։ «Soundtrack Listening: ‘A Cure For Wellness’»։ CutPrintFilm։ Վերցված է 2017-07-26 
  21. «A Cure For Wellness - original music by Benjamin Wallfisch - Milan Records»։ Milan Records։ Վերցված է 2017-07-26 
  22. Lincoln, Ross. (27 мая 2016)։ «‘Maze Runner: The Death Cure’ Release Moved To 2018 As Dylan O’Brien Recovers»։ Deadline.com։ Վերցված է 2017-07-16 
  23. Puchko, Kristy. (17 февраля 2017)։ «Mia Goth Explains Cure for Wellness’ ‘Eels in the Tub’ Scene»։ Screen Rant։ Վերցված է 2017-07-16 
  24. Nordine, Michael. (13 декабря 2016)։ «‘A Cure for Wellness’ Trailer: Mia Goth Contends with a Bathtub Full of Snakes»։ IndieWire։ Վերցված է 2017-07-16 
  25. Barrie, Emma (5 февраля 2017)։ «A Cure for Wellness Super Bowl Spot Tricks You and Then Scares You»։ Vulture։ Վերցված է March 16, 2018 
  26. 26,0 26,1 «Кинокомпания Fox извинилась за фейковые новости о Трампе и Путине»։ РИА Новости։ 17 февраля 2017։ Վերցված է 2019-09-02 
  27. Stack Liam. (15 февраля 2017)։ «20th Century Fox Used Fake News to Publicize ‘A Cure for Wellness’»։ The New York Times։ Վերցված է February 22, 2017 
  28. «A Cure for Wellness (2017)»։ Rotten Tomatoes։ Վերցված է July 16, 2017 
  29. «A Cure for Wellness reviews»։ Metacritic։ Վերցված է February 22, 2017 
  30. «CinemaScore»։ Cinemascore.com։ Վերցված է March 15, 2018 
  31. Chang, Justin (16 февраля 2017)։ «The mad puzzle of Gore Verbinski's 'A Cure for Wellness'»։ Los Angeles Times։ Վերցված է March 15, 2018 
  32. Zacharek, Stephanie (17 февраля 2017)։ «Review: A Cure for Wellness Offers Up Chills, Pills and Spills»։ Time։ Վերցված է 2019-09-02 
  33. McCarthy, Todd (7 февраля 2017)։ «'A Cure for Wellness': Film Review»։ The Hollywood Reporter։ Վերցված է 2019-09-02 
  34. Sims David. (15 февраля 2017)։ «'A Cure for Wellness' Is a Malevolent Thrill Ride, With Eels»։ The Atlantic։ Վերցված է 19 March 2017 
  35. Miska, Brad. (20 декабря 2016)։ «The 'A Cure For Wellness' Trailer is a Lovecraftian Nightmare»։ Bloody Disgusting!։ Վերցված է 19 March 2017 
  36. Debruge, Peter (7 февраля 2017)։ «Film Review: ‘A Cure for Wellness’»։ Variety։ Վերցված է 2019-09-02 
  37. Wolfe, April (9 февраля 2017)։ «A Cure for Wellness Starts Creepy but Then Swoons — and Never Recovers»։ LA Weekly։ Վերցված է 2019-09-02 
  38. Duralde Alonso. (14 февраля 2017)։ «‘A Cure for Wellness’ Review: Sludgy Horror Film Mistakes Art Direction for Suspense»։ TheWrap։ Վերցված է February 8, 2017 


Արտաքին հղումներԽմբագրել